ആഗോള വല്‍ക്കരണ ത്തിന്റെ പുതു യുദ്ധങ്ങള്‍ - വന്ദന ശിവ

noreply@blogger.com (epathram.com) — Sat, 25 Oct 2008 17:03:00 +0000

വിവര്‍ത്തനം: കെ രമ, ഡി. സി. ബുക്സ്, കോട്ടയം, (പേജ്-128)

പരിസ്ഥിതി പ്രവര്‍ത്തക, സാമൂഹിക ചിന്തക, കോളമിസ്റ്റ് എന്നീ നിലകളില്‍ പ്രശസ്തയായ വന്ദന ശിവയുടെ Globalaization's New Wars - Seed, Water & Life Forms എന്ന പുസ്തകത്തിന്റെ മലയാളം പരിഭാഷയാണ് ‘ആഗോളവത്കരത്തിന്റെ പുതു യുദ്ധങ്ങള്‍- വിത്ത് - ജലം- ജൈവ രൂപങ്ങള്‍’. അന്താരാഷ്ട്ര കോര്‍പ്പറേറ്റുകള്‍ നിയന്ത്രിക്കുന്ന ആഗോളവത്കരണത്തിന്റെ ഭീദിതമായ യാഥാര്‍ത്ഥ്യങ്ങളും ദുരന്തങ്ങളും സൂക്ഷമമായി അപഗ്രഥിക്കുന്ന ലേഖന സമാഹാരമാണിത്. ജൈവ വൈവിധ്യ യുദ്ധങ്ങള്‍, വിത്തു യുദ്ധങ്ങള്‍, ജല യുദ്ധങ്ങള്‍, ബയോ പൈറസി, ഭൌമ ജനാധിപത്യം എന്നിങ്ങനെ സമഗ്രവും ചിന്തോദ്ദീപകവുമായ ലേഖനങ്ങള്‍ ഉള്‍കൊള്ളുന്ന ഈ പുസ്തകം സമകാലിക സാമൂഹിക പരിസരങ്ങളില്‍ പ്രതിരോധത്തിന്റെ സംസ്കാരം പടുത്തുയര്‍ത്തുന്നതിന് അനിവാര്യമായ ഒരു ഗ്രന്ഥമാണ്.

മരണം കാത്തു കിടക്കുന്ന കണ്ടല്‍ക്കാടുകള്‍ - എ. സുജനപാല്‍

noreply@blogger.com (epathram.com) — Fri, 24 Oct 2008 16:48:00 +0000

പ്രസാധകര്‍: ഹരിതം ബുക്സ്, കോഴിക്കോട് (പേജ്-50)

ജൈവ ശാസ്ത്ര പരമായി അതി പ്രധാനമായ കണ്ടല്‍ക്കാടുകളെ പറ്റി വിവരിക്കുന്ന പുസ്തകമാണ് എ സുജനപാലിന്റെ മരണം കാത്തു കിടക്കുന്ന കണ്ടല്‍ക്കാടുകള്‍. കണ്ടല്‍ക്കാടുകളുടെ വംശോല്‍പ്പത്തി, പാരിസ്ഥിതിക വിവരങ്ങള്‍, വിതരണം, ഉപയോഗങ്ങള്‍, പ്രാധാന്യം എന്നിവ ഈ ചെറിയ പുസ്തകത്തില്‍ സാധാരണ വായനക്കര്‍ക്കു കൂടി മനസ്സിലാകുന്ന വിധത്തില്‍ പ്രതിപാദിച്ചിട്ടുണ്ട്. കണ്ടല്‍കാടുകളെ കുറിച്ചുള്ള ഗവേഷണങ്ങളും അവയുടെ ഫലങ്ങളും ഈ പുസ്തകത്തില്‍ വിവരിച്ചിട്ടുണ്ട്. 2005 പുറത്തിറങ്ങിയ ഈ പുസ്തകത്തിന്റെ പ്രസാധകര്‍ ഹരിതം ബുക്സാണ്.

ePathram - പച്ച - പുസ്തകങ്ങള്‍

ആഗോള വല്‍ക്കരണ ത്തിന്റെ പുതു യുദ്ധങ്ങള്‍ - വന്ദന ശിവ

മരണം കാത്തു കിടക്കുന്ന കണ്ടല്‍ക്കാടുകള്‍ - എ. സുജനപാല്‍