e പത്രം - helpdesk

മലയാളിയുടെ മോചനം ഇനിയും സാധ്യമായില്ല

2008-11-04T06:28:00.002+04:00

വാഹന അപകടത്തില്‍ സൗദി പൗരന്‍ മരിക്കാന്‍ ഇടയായ കേസില്‍ അല്‍ ഖുറയാത്ത് ജയിലില്‍ കഴിയുന്ന മലയാളിയുടെ മോചനം ഇനിയും സാധ്യമായില്ല. തൃശൂര്‍ കുന്നംകുളം സ്വദേശി വിജീഷാണ് ജയിലില്‍ കഴിയുന്നത്. വാഹനാപകട ക്കേസില്‍ കോടതി വിധിച്ച ഒന്നേ കാല്‍ ലക്ഷം റിയാല്‍ നഷ്ട പരിഹാരം നല്‍കാന്‍ സാധിക്കാത്തതാണ് വിജേഷിന്‍റെ ജയില്‍ വാസം നീളാന്‍ കാരണം. ഇത്രയും ഭീമമായ തുക കണ്ടെത്താന്‍ അദ്ദേഹത്തിന്‍റെ കുടുംബത്തിനോ അല്‍ ഖുറയാത്തിലെ സാമൂഹ്യ പ്രവര്‍ത്തകര്‍ക്കോ സാധിച്ചിട്ടില്ല. വിജേഷിനെ മോചിപ്പിക്കാനുള്ള ശ്രമങ്ങളെല്ലാം നടത്തുന്നുണ്ടെന്ന് ഹോം പ്രസിഡന്‍റ് യു. എം. കബീര്‍ പറഞ്ഞു. ഇതിന്‍റെ ഭാഗമായി മോചന ശ്രമത്തില്‍ സഹായം അഭ്യര്‍ത്ഥിച്ച് കേരള മുഖ്യമന്ത്രി, പ്രതിപക്ഷ നേതാവ് എന്നിവര്‍ക്ക് നിവേദനം നല്‍കിയിട്ടുണ്ട്.

വിജേഷിനെ സഹായിക്കാന്‍ താല്‍പര്യമുള്ളവര്‍ 00966 50 7595233 എന്ന നമ്പറില്‍ വിളിക്കണം.

നമുക്ക് ഈ നാലു വയസ്സുകാരിയെ സഹായിക്കാം

2008-10-22T09:26:00.002+04:00

ആര്യ എന്ന നാലു വയസ്സു കാരിയുടെ ജീവന്‍ രക്ഷിയ്ക്കാനുള്ള പരിശ്രമ ത്തിലാണ് തലശ്ശേരിയ്ക്ക ടുത്തുള്ള മേപ്പയൂര്‍ ഗ്രാമത്തിലെ ഒരു കൂട്ടം നല്ലവരായ ആള്‍ക്കാര്‍. ക്രോണിക് മൈലോയിഡ് ലുക്കീമിയ രോഗം കൊണ്ട് കഷ്ടപ്പെടുന്ന ഈ കുഞ്ഞ് ഇപ്പോള്‍ തിരുവനതപുരം റീജിയനല്‍ ക്യാന്‍സര്‍ സെന്ററിലെ ചികിത്സയിലാണ്. ചികിത്സയ്ക്കായി ഒരു ലക്ഷ ത്തിലധികം രൂപാ ഇതിനകം ചെലവായി ക്കഴിഞ്ഞു.

മജ്ജ മാറ്റി വെക്കലിലൂടെ ഈ കുഞ്ഞിന്റെ ജീവന്‍ രക്ഷിയ്ക്കാ നാവുമെന്ന് വിദഗ്ധരായ ഡോക്ടര്‍മാര്‍ അഭിപ്രായപ്പെടുന്നു. വെല്ലൂര്‍ ക്രിസ്ത്യന്‍ മെഡിക്കല്‍ കേളേജില്‍ മജ്ജ മാറ്റി വെക്കലിനായി 12 ലക്ഷ ത്തിലധികം രൂപ ചെലവാകും. 2 ലക്ഷം രൂപയോളം ആശുപത്രി അധികൃതര്‍ ഇളവു നല്‍കും. ബാക്കി തുക കണ്ടെത്തു ന്നതിനായി നാട്ടുകാര്‍ പഞ്ചായ ത്തംഗം ശ്രീ എന്‍. എം. കുഞ്ഞി ക്കണ്ണന്‍ പ്രസിഡന്റായും ശ്രീ വി.സത്യന്‍ സെക്രട്ടറി ആയും ഒരു സഹായ നിധിയ്ക്ക് രൂപം കൊടുക്കുകയും മേപ്പയൂര്‍ എസ്. ബി. റ്റി. ശാഖയില്‍ 'ആര്യ മെഡിക്കല്‍ ട്രീറ്റ്മെന്റ് എയ് ഡ് ഫണ്ട്'' എന്നൊരു അക്കൌണ്ട് തുടങ്ങിയിട്ടുണ്ട്.

ശ്രീ സി. പി. അബൂബേക്കര്‍ മുന്‍കൈ എടുത്ത് ഓര്‍കുട്ട് എന്ന സോഷ്യല്‍ നെറ്റ്വര്‍ക് സൈറ്റില്‍ ഒരു ഓണ്‍ലൈന്‍ കമ്യൂണിറ്റിയിലൂടെയും സഹായം തേടുന്നു.

കേരള ക്ലിക്സ് എന്ന ഫ്ലിക്കര്‍ ഫോട്ടോ ഗ്രൂപ്പ് കൊച്ചിയില്‍ സംഘടിപ്പിയ്ക്കുന്ന 'ദൃശ്യം 2008' എന്ന ഫോട്ടോ പ്രദര്‍ശനത്തിലൂടെയും ഈ കുഞ്ഞിനെ സഹായിയ്ക്കാനുള്ള ശ്രമത്തിലാണ്.

ഈ കുഞ്ഞിനെ സഹായിയ്ക്കാന്‍ സന്മനസ്സുള്ളവര്‍ക്ക് താഴെ കൊടുത്തിരിയ്ക്കുന്ന അക്കൌണ്ടിലേക്ക് അത് എത്തിയ്ക്കാം:
എസ്.ബി.റ്റി മേപ്പയൂര്‍, അക്കൌണ്ട് നമ്പര്‍ 67063828706.

(ബാങ്ക് മാനെജറുടെ ഫോണ്‍ നമ്പര്‍: 0496-2676241)

ഡിഡി ആയി അയയ്ക്കുന്നവര്‍ക്ക് അത് മുകളില്‍ കാണിച്ച അക്കൌണ്ട് നമ്പറില്‍, 'ആര്യ മെഡിക്കല്‍ ട്രീറ്റ്മെന്റ് എയ് ഡ് ഫണ്ട്'ല്‍ മാറത്തക്ക വിധം തപാലില്‍ താഴെ ക്കാണുന്ന വിലാസത്തില്‍ തപാലില്‍ അയയ്ക്കാവുന്നതാണ്:

Sri.C.P Aboobaker,
Thanal,
Meppayoor P.O.
Kozhikkode
PIN 673524
(Ph 09447287569)

ഈ വിഷയം ഓര്‍ക്കൂട്ടില്‍

ആറ് മാസത്തോളമായി റിയാദിലെ ആശുപത്രിയില്‍ അബോധാവസ്ഥയില്‍

2008-10-18T06:20:00.001+04:00

റോഡപകടത്തില്‍പ്പെട്ട് മലയാളി യുവാവ് ആറ് മാസത്തോളമായി റിയാദിലെ ആശുപത്രിയില്‍ അബോധാവസ്ഥയില്‍ കഴിയുന്നു. എറണാകുളം പറവൂര്‍ സ്വദേശി ഷാജിക്കാണ് കഴിഞ്ഞ ഏപ്രീല്‍ 15 ന് റോഡ് മുറിച്ചു കടക്കുന്നതിനിടെ ഒരു സൗദി പൗരന്‍റെ വാഹനമിടിച്ച് പരിക്കേറ്റത്. തലയ്ക്കും കൈകാലുകള്‍ക്കും മാരകമായ ക്ഷതമേറ്റ ഇദ്ദേഹം ഇപ്പോള്‍ റിയാദിലെ അല്‍ ഇമാന്‍ ആശുപത്രിയിലാണുള്ളത്. ആറു മാസമായിട്ടും ആരോഗ്യ സ്ഥിതിയില്‍ ഒരു മാറ്റവുമില്ലാത്ത ഇദ്ദേഹത്തെ തുടര്‍ ചികിത്സയ്ക്കായി നാട്ടിലെത്തിക്കണമെന്നാണ് ഡോക്ടര്‍മാര്‍ നിര്‍ദേശിച്ചിരിക്കുന്നത്.

നവജാത ശിശുവിന് AB-, A- രക്തം ആവശ്യമുണ്ട്

2008-10-11T14:49:00.005+04:00

ഈ കുഞ്ഞിന് ആവശ്യമായ രക്തം ലഭിച്ചു. ഇന്നലെ വൈകീട്ട് blood transfusion നടന്നു. കുഞ്ഞ് സുഖം പ്രാപിച്ചു വരുന്നു. ഒരു പാട് പേര്‍ രക്ത ദാനത്തിന് സന്നദ്ധത കാണിച്ചിരുന്നു. വാര്‍ത്തയില്‍ കൊടുത്ത ഫോണ്‍ നമ്പര്‍ കിട്ടാതെ വന്ന ഒരു പാട് പേര്‍ e പത്രത്തിലേയ്ക്ക് ഇക്കാര്യം അറിയിക്കുകയും കുഞ്ഞിന്റെ സുഖ വിവരം തിരക്കുകയും ചെയ്തു. സന്മനസ്സ് കാണിച്ച എല്ലാവര്‍ക്കും നന്ദി.

e പത്രം ടീം (12 October 2008)

ദുബായ് അല്‍ വാസല്‍ ആശുപത്രിയില്‍ കഴിയുന്ന നവ ജാത ശിശുവിന് AB -ve അല്ലെങ്കില്‍ A-ve രക്തം ആവശ്യം ഉണ്ട്. ദാനം ചെയ്യാന്‍ സന്നദ്ധരായവര്‍ കുഞ്ഞിന്റെ അച്ഛനുമായി ഈ നമ്പരില്‍ ബന്ധപ്പെടുക:

ഇഫ്തിക്കര്‍ അഹമദ് ഖാന്‍ - 050 7682968

സിദ്ദീഖയും ബത്തൂലും

2008-09-26T08:30:00.003+04:00

തങ്ങളുടെ സമ പ്രായക്കാര്‍ ആടിയും പാടിയും ആര്‍ത്തു ല്ലസിച്ച് നടക്കുമ്പോള്‍ അവരോടൊപ്പം കൂടി ച്ചേരാന്‍ ആവാതെ, വിധിയുടെ നിയോഗം പോലെ നിസ്സാഹയരായി പകച്ചു നില്‍ക്കുകയാണ് ഈ രണ്ടു കുരുന്നുകള്‍. മനുഷ്യ സഹജമായ ആശയ സംവേദനത്തിന്റെ ആ മഹാഭാഗ്യം ആസ്വദിക്കാനും അനുഭവിക്കാ നുമാവാതെ ശൈശവ ത്തിന്റെയും ബാല്യത്തിന്റേയും പാത യോരങ്ങളില്‍ കനിവിനു വേണ്ടി കേഴുകയാണിവര്‍...

ഒന്നര വയസ്സുകാരി ബത്തൂല്‍, എട്ടു വയസ്സുകാരി ആയിശത്ത് സിദ്ദീഖ എന്നിവര്‍. ജന്മനാ ബധിരരും മൂകരുമാണ് ഈ സഹോദരിമാര്‍. കാസര്‍കോഡ് ഉപ്പള സ്വദേശി കംബള അബ്ദുള്‍ റഹിമാന്റെ നാലു മക്കളില്‍ ഇളയവരാണ് ഈ ഹതഭാഗ്യര്‍. മംഗലാപുരം ഇ.എന്‍.റ്റി. ആശുപത്രിയിലെ ഡോക്റ്റര്‍ ഹെബ്ബാരിന്റെ ചികിത്സയി ലാണിവര്‍. COCHLEAR IMPLANTATION വഴി ഇവര്‍ക്ക് കേള്‍വിയും സംസാര ശേഷിയും ലഭിക്കുമെങ്കിലും, ഓരോരുത്ത ര്‍ക്കുമായി സര്‍ജറിക്ക് പത്തു ലക്ഷം രൂപയോളം വീതം ചെലവു വരുമെന്നാണ് അറിയാന്‍ കഴിഞ്ഞത്. അബുദാബിയില്‍ ജോലി ചെയ്യുന്ന ചെറിയ ശമ്പളക്കാരനായ പിതാവ് അബ്ദുള്‍ റഹിമാന്‍, ഭീമമായ ഈ തുക എങ്ങിനെ സംഘടിപ്പിക്കു മെന്നറിയാതെ നെടുവീര്‍ പ്പിടുകയാണ്.

ഇത്തരം അനേകം ഹതഭാഗ്യര്‍ക്ക് സാന്ത്വനമേകിയ,കാരുണ്യത്തിന്റെ ഉറവ വറ്റാത്ത സുമനസ്സുകളുടെ സഹായം ഈ കുരുന്നുകള്‍ക്ക് ആവശ്യമാണ്. കരുണയുടെ കര സ്പര്‍ശന ത്തിലൂടെ ഇവര്‍ക്ക് കേള്‍ക്കാനും പറയാനു മാവുമെങ്കില്‍ ആ പുണ്യത്തില്‍ നമുക്കും പങ്കാളികളാവാം.

കംബള അബ്ദുള്‍ റഹിമാനുമായി ബന്ധപ്പെടാനുള്ള നമ്പര്‍: 00 971 50 512 41 60

- പി. എം. അബ്ദുള്‍ റഹിമാന്‍, അബുദാബി

ഈ കുരുന്നുകള്‍ക്ക് സഹായ ഹസ്തം

സനോജ് കൊളത്തേരിയുടെ പാസ്പോര്‍ട്ട്

2008-09-22T19:31:00.000+04:00

സനോജ് കൊളത്തേരി എന്നയാളുടെ പാസ്‌പോര്‍ട്ട് നഷ്ടപെട്ടു. കളഞ്ഞുകിട്ടുകയോ ഇതെക്കുറിച്ച് എന്തെങ്കിലും വിവരം ലഭിക്കുകയോ ചെയ്താല്‍ ഈ നമ്പറില്‍ ദയവായി ബന്ധപ്പെടുവാന്‍ താല്പര്യ്‌പെടുന്നു. 050 3092408

- ബിനീഷ് തവനൂര്‍

ദമാം സെന്‍ട്രല്‍ ആശുപത്രിയില്‍ അജ്ഞാതനായ മലയാളി അബോധാവസ്തയില്‍

2008-09-01T06:40:00.000+04:00

ദമാം സെന്‍ട്രല്‍ ആശുപത്രിയില്‍ അജ്ഞാതനായ മലയാളി അബോധാവസ്തയില്‍ കഴിയുന്നു. ഏകദേശം 40 വയസ് പ്രായം തോന്നിക്കുന്ന ഇദ്ദേഹം കഴിഞ്ഞ 25 ദിവസങ്ങളായി ഐസിയു വാര്‍ഡില്‍ ചികിത്സയിലാണ്.

രേഖകള്‍ ഒന്നും ഇല്ലാതെ സൗദിയില്‍ കഴിഞ്ഞിരുന്ന ഇദ്ദേഹത്തെ പോലീസ് അറസ്റ്റ് ചെയ്ത് ഡീപ്പോര്‍ട്ടേഷന്‍ സെന്‍ററില്‍ താമസിപ്പിച്ചിരിക്കുകയായിരുന്നു. അവിടെ നിന്ന് ശ്വാസ തടസം നേരിട്ടതിനെ തുടര്‍ന്ന് ആശുപത്രിയില്‍ എത്തിക്കുകയായിരുന്നു. ഇയാള്‍ കൊല്ലം ജില്ലക്കാരനാണെന്നാണ് നിഗമനം.

സൗദിയില്‍ നിന്ന് മലയാളി യുവാവിനെ കാണാനില്ല

2008-08-27T06:30:00.002+04:00

രണ്ട് വര്‍ഷമായി സൗദിയില്‍ നിന്ന് മലയാളി യുവാവിനെ കാണാനില്ലെന്ന് പരാതി. മലപ്പുറം കടുങ്ങല്ലൂര്‍ സ്വദേശി മടത്തിപ്പാറ അബ്ദുറസാഖിനെയാണ് കാണാതായത്. 38 വയസുണ്ട്. 2006 റമസാന്‍ മൂന്നിന് ജിദ്ദയില്‍ നിന്ന് മക്കയിലേക്ക് പോയ ഇദ്ദേഹം താന്‍ ജയിലിലാണെന്നും റേഷന്‍ കാര്‍ഡിന്‍റെ കോപ്പി കോണ്‍സുലേറ്റിലേക്ക് അയയ്ക്കണമെന്നും വീട്ടിലേക്ക് വിളിച്ചു പറഞ്ഞിരുന്നുവത്രെ. പിന്നീട് ഇതുവരെ വിവരമില്ലെന്ന് ബന്ധുക്കള്‍ പറയുന്നു. ജിദ്ദയിലെ ബവാദിയില്‍ ഒരു കഫറ്റീരിയയില്‍ ജീവനക്കാരനായിരുന്നു. ഇദ്ദേഹത്തെക്കുറിച്ച് വിവരം ലഭിക്കുന്നവര്‍ 050 69403944 എന്ന നമ്പറില്‍ വിളിക്കണം.

യുവാവിനെ കാണ്മാനില്ല

2008-08-11T06:25:00.001+04:00

മലയാളി യുവാവിനെ ഫൂജൈറയില്‍ നിന്ന് കാണാനില്ലെന്ന് പരാതി. തലശേരി മുഴുപ്പിലങ്ങാട് സ്വദേശി കടക്കണ്ടി ഷംനാസിനെയാണ് കാണാതായത്. ഏതാനും ദിവസങ്ങളായി നല്ല മാനസികാവസ്ഥയിലായിരുന്നില്ലെന്ന് സുഹൃത്തുക്കള്‍ പറഞ്ഞു. ഷംനാസിനെക്കുറിച്ച് എന്തെങ്കിലും വിവരം ലഭിക്കുന്നവര്‍ 050 6760867 എന്ന നമ്പറില്‍ വിളിക്കണം.

നമുക്ക് ഭുവനയെ സഹായിയ്ക്കാം

2008-07-08T11:16:00.003+04:00

ഭുവന ഒരു 6 വയസ്സു കാരിയാണ്. പരിശോധനയില്‍ അവള്‍ക്ക് ബ്ലഡ് കാന്‍സറാണെന്ന് തിരിച്ചറിഞ്ഞിരി ക്കുകയാണ്. തിരുവനന്തപുരം റീജ്യണല്‍ കാന്‍സര്‍ സെന്ററില്‍ ചികിത്സയില്‍ കഴിയുന്നു. രണ്ടര ലക്ഷം രൂപ ചെലവഴിച്ചാല്‍ അവള്‍ക്ക് ജീവിതം തിരിച്ച് കിട്ടിയേക്കും. ആ ചിരി നില നിന്നേക്കും.

അച്ഛന്‍ നേരത്തേ മരിച്ചു പോയി. അവളുടെ അമ്മയുടെ കയ്യില്‍ അതിനുള്ള കാശില്ല. ആരാ സഹായിക്കുക?

0091 99 470 33 506 എന്ന നമ്പറില്‍ വിളിച്ചാല്‍ കൂടുതല്‍ വിവരങ്ങള്‍ അറിയാം. നമുക്ക് ഈ കുട്ടിയെ സഹായിച്ചാലോ ?

അയച്ച് തന്നത്: ഡെന്‍സില്‍ ആന്റണി

എം.മൊഹ്സിന്‍ സമീര്‍ ഷെയ്ഖ്

2008-07-06T10:37:00.001+04:00

എം.മൊഹ്സിന്‍ സമീര്‍ ഷെയ്ഖ് എന്ന പാകിസ്ഥാന്‍ പൗരന്‍റെ ബത്താക്ക, എ.ടി.എം കാര്‍ഡ്, 3000 ദിര്‍ഹം, പാകിസ്ഥാനി ഐ.ഡി കാര്‍ഡ് എന്നിവയടങ്ങിയ പഴ്സ് കഴി‍ഞ്ഞ ദിവസം രാത്രി അല്‍ മംസാര്‍ ബീച്ചില്‍ നഷ്ടമായി. കണ്ടുകിട്ടുന്നവര്‍ 050 68 59 493 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

നാസ്സര്‍ പണ്ഡാരത്തില്‍

2008-07-06T10:36:00.004+04:00

നാസ്സര്‍ പണ്ഡാരത്തില്‍ എന്നയാളുടെ വര്‍ക്ക് പെര്‍മിറ്റ് അബുദാബി മദീന സയ്ദ് ഷോപ്പിംഗ് സെന്‍ററില്‍ കഴിഞ്ഞ ദിവസം നഷ്ടമായി. ഡീലക്സ് അറേബ്യന്‍ ജെന്‍റ്സ് ടെയ് ലേഴ്സിലെ ജീവനക്കാരനാണ്. കണ്ടു കിട്ടുന്നവര്‍ 050 410 55 82 എന്ന നമ്പരില്‍ അറിയിക്കുവാന്‍ അഭ്യര്‍ത്ഥിക്കുന്നു.

മര്‍ജാന്‍ ഷേര്‍ അലി

2008-07-06T10:36:00.003+04:00

മര്‍ജാന്‍ ഷേര്‍ അലി എന്ന പാകിസ്ഥാന്‍ പൗരന്‍റെ ഡ്രൈവിംഗ് ലൈസന്‍സ്, ബത്താക്ക, എ.ടി.എം കാര്‍ഡ്, മെഡിക്കല്‍ കാര്‍ഡ്, 600 ദിര്‍ഹം എന്നിവയടങ്ങിയ പഴ്സ് അബുദാബി എത്തിസലാത്ത് ബില്‍ഡിംഗിന് എതിര്‍വശം പഴയ മാര്‍ക്കറ്റിന് അടുത്ത് ബസില്‍ കയറുമ്പോഴുണ്ടായ തിരക്കില്‍ നഷ്ടപ്പെട്ടു. കണ്ടുകിട്ടുന്നവര്‍ 050 58 28 845 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

കൊളവയല്‍ മുഹമ്മദ് കുഞ്ഞി

2008-07-06T10:36:00.001+04:00

കൊളവയല്‍ മുഹമ്മദ് കുഞ്ഞി എന്നയാളിന്‍റെ ലേബര്‍ കാര്‍ഡ്, ഡിഫന്‍സ് ഐ.ഡി കാര്‍ഡ്, എ.ടി.എം കാര്‍ഡ് എന്നിവയടങ്ങിയ പഴ്സ് അബുദാബിയില്‍ നഷ്ടമായി. കണ്ടു കിട്ടുന്നവര്‍ 050 41 92 731 എന്ന നമ്പരില്‍ അറിയിക്കുവാന്‍ അഭ്യര്‍ത്ഥിക്കുന്നു.

മൊഹമ്മദ് ബഷീര്‍ മൊഹമ്മദ് ജലീല്‍

2008-07-06T10:34:00.000+04:00

മൊഹമ്മദ് ബഷീര്‍ മൊഹമ്മദ് ജലീല്‍ എന്നയാളിന്‍റെ ഐഡന്‍റിറ്റി കാര്‍ഡ്, ഹെല്‍ത് കാര്‍ഡ്, എ.ടി.എം കാര്‍ഡ്, യു.എ.ഇ എക്സ്ചേഞ്ച് ഗോള്‍ഡ് കാര്‍ഡ് എന്നിവ അബുദാബിയില്‍ നഷ്ടമായി. കണ്ടു കിട്ടുന്നവര്‍ 050 23 50 471 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

നാസര്‍ ബാവയുടെ പാസ്പോര്‍ട്ട്

2008-06-30T15:52:00.001+04:00

കൊടുങ്ങല്ലൂര്‍ ചന്ദ്രാപ്പിന്നി സ്വദേശി നാസര്‍ ബാവ എന്നയാളിന്‍റെ പാസ്പോര്‍ട്ട് കഴിഞ്ഞ ദിവസം ദേരയിലെ നായിഫ് റോഡിലുള്ള ബസ് സ്റ്റോപ്പില്‍ വച്ച് നഷ്ടമായി. കണ്ടു കിട്ടുന്നവര്‍ 050 485 17 00 എന്ന നമ്പരില്‍ അറിയിക്കുവാന്‍ അഭ്യര്‍ത്ഥിക്കുന്നു.

ആസിഫ് ഇക്ബാല്‍ മൊഹമ്മദിന്റെ പാസ്പോര്‍ട്ട്

2008-06-30T15:51:00.001+04:00

ആസിഫ് ഇക്ബാല്‍ മൊഹമ്മദ് എന്നയാളിന്‍റെ പാസ്പോര്‍ട്ട് അബുദാബി വിമാനത്താവളത്തിന്‍റെ ടെര്‍മിനല്‍ രണ്ടില്‍ ട്രോളിയില്‍ വച്ച് മറന്നുപോയി. ബാംഗ്ളൂരില്‍ ഇഷ്യൂ ചെയ്തതാണ് പാസ്പോര്‍ട്ട്. കണ്ടുകിട്ടുന്നവര്‍ 050 861 64 94 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

ആബിദ് മൊഹമ്മദിന്റെ ലൈസന്‍സ്

2008-06-30T15:50:00.000+04:00

ആബിദ് മൊഹമ്മദ് എന്നയാളിന്‍റെ ഡ്രൈവിംഗ് ലൈസന്‍സ് അബുദാബിയില്‍ നഷ്ടമായി. കണ്ടുകിട്ടുന്നവര്‍ 050 780 78 24 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

ഫാത്വിമത്ത് സുഹ്റയുടെ പെട്ടി നഷ്ടമായി

2008-06-30T15:48:00.001+04:00

ഫാത്വിമത്ത് സുഹ്റയെന്ന ആളിന്‍റെ ഇന്‍വോയിസ് ബുക്ക്, രണ്ട് മൊബൈല്‍ ഫോണുകള്‍, താക്കോല്‍ക്കൂട്ടം, കുറച്ചു പണം, ഷോപ്പിന്‍റെ സുപ്രധാന രേഖ എന്നിവടയങ്ങിയ ചെറിയ പെട്ടി അബുദാബി അല്‍ നാഹ്ദ സ്കൂളിനു മുന്നിലായി നഷ്ടമായി. കണ്ടുകിട്ടുന്നവര്‍ 050 901 63 50 അല്ലെങ്കില്‍ 02 56 211 80 എന്ന നമ്പരിലോ അറിയിക്കുവാന്‍ അഭ്യര്‍ത്ഥിക്കുന്നു.

മുഹമ്മദ് ഹംസയുടെ ബത്താക്ക

2008-06-08T11:47:00.001+04:00

നാലകത്ത് മുഹമ്മദ് ഹംസ എന്നയാളിന്‍റെ ബത്താക്ക അബുദാബിയില്‍ നഷ്ടമായി. ഇലക്ട്രാ റോഡിലെ മഷ്രക് ബാങ്കിന്‍റെയും കെ.എം ട്രേഡിംഗിന്‍റേയും സമീപം നഷ്ടമായി. കണ്ടു കിട്ടുന്നവര്‍ 050 38 29 329 അല്ലെങ്കില്‍ 02 634 14 01 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

ഷംഷാദ് അലിയുടെ പഴ്സ് നഷ്ടപ്പെട്ടു

2008-06-08T11:45:00.002+04:00

ഇ. കെ. ഷംഷാദ് അലി എന്നയാളിന്‍റെ ഐ.ഡി കാര്‍ഡ്, അക്സസ് കാര്‍ഡ്, എ.ടി.എം. കാര്‍ഡ് എന്നിവയടങ്ങിയ പഴ്സ് ശനിയാഴ്ച (07-06-08) അബുദാബി ഇലക്ട്ര, എല്‍ദൊരാദോ സിനിമ പരിസരത്തു വച്ചു നഷ്ടമായി. കണ്ടു കിട്ടുന്നവര്‍ 050 238 62 52 എന്ന നമ്പരില്‍ അറിയിക്കുവാന്‍ അഭ്യര്‍ത്ഥിക്കുന്നു.

ക്യാമറ നഷ്ടപ്പെട്ടു

2008-06-08T11:45:00.001+04:00

പോള്‍ എന്നയാളിന്‍റെ കാനന്‍ ഓട്ടോ ഫോക്കസ് ക്യാമറ ദുബായിലെ ദേരയില്‍ കഴിഞ്ഞ ദിവസം നഷ്ടമായി. കണ്ടുകിട്ടുന്നവര്‍ 050 422 39 67 എന്ന നമ്പരില്‍ അറിയിക്കുവാന്‍ അഭ്യര്‍ത്ഥന.

ബത്താക്കയും ഹെല്‍ത്ത് കാര്‍ഡും

2008-06-08T11:42:00.000+04:00

വിനോദ് ശശിധരന്‍ നായര്‍ എന്നയാളിന്‍റെ ബത്താക്കയും ഹെല്‍ത് കാര്‍ഡും അടങ്ങിയ പഴ്സ് കഴിഞ്ഞ ദിവസം ദേര അല്‍ഫുത്തെയിം മോസ്കിന് എതിര്‍ വശത്തുള്ള ബസ് സ്റ്റോപ്പില്‍ വച്ച് നഷ്ടമായി. ഈ നമ്പറില്‍ വിളിയ്ക്കുക: 050 62 53 462

ഷാര്‍ജയില്‍ ജോലിക്കിടെ അപകടത്തില്‍ മരിച്ച യുവാവിന്റെ പെണ്‍ കുഞ്ഞടങ്ങിയ കുടുംബം സഹായം തേടുന്നു

2008-05-14T18:16:00.001+04:00

ജനുവരി 13 നാണ് ത്യശ്ശൂര്‍ ജില്ലയിലെ മാള കുണ്ടൂര്‍ സ്വദേശിയായ സുധീഷ് എന്ന 31 വയസ്സുകാരന്‍ ഷാര്‍ജയിലെ ജോലി സ്ഥലത്ത് അപകടത്തില്‍ മരിച്ചത്. എമിറേറ്റ്സ് എന്‍വെയര്‍മെന്റല്‍ ടെക്നോളജിയില്‍ 5 മാസം മുന്‍പാണ് സുധീഷ് എത്തിയത്.

വീസക്കും യാത്രക്കുമായി കട ബാധ്യതയും ഉണ്ടായിരുന്നു. വീട്ടില്‍ പ്രായമായ അച്ഛനും അമ്മയും ഭാര്യ അജിമോളും 8 മാസം പ്രായമായ പെണ്‍കുഞ്ഞും. 1300 ദിര്‍ഹത്തില്‍ ജോലിക്ക് കയറിയ സുധീഷും, കുടുംബവും പ്രതീക്ഷയിലേക്ക് വരുമ്പോഴാണ് ദുരന്തം തേടിയെത്തിയത്.

ഇന്ന് സുധീഷിന്റെ ഭാര്യ അജിമോളും, പെണ്‍കുഞ്ഞും മാതാപിതാക്കളും ഇരുട്ടിലാണ്. മുന്നോട്ടുള്ള എല്ലാ വഴികളും അടഞ്ഞിരിക്കുന്നു. വരുമാനക്കാരായി ആരുമില്ല. അജിമോളുടെ വീട്ടിലും കെട്ടു പ്രായമായ ഒരു സഹോദരിയും മാതാപിതാക്കളും ഉണ്ട്. ആ കുടുംബത്തിന്റെയും താങ്ങായായിരുന്നു സുധീഷ്.

ഇന്‍ഷൂറന്‍സ് തുക കിട്ടും എന്ന പ്രതീക്ഷയിലാണ് ഈ കുടുബം. എന്നാല്‍ അതിന് കാല താമസം എടുക്കും. മാത്രവുമല്ല വരുമാനത്തിന് ആനുപാതികമായേ ആ തുക ഉണ്ടാകൂ എന്നതിനാല്‍ അതിലും പ്രതിക്ഷ വലുതായില്ല.

വരുമാനമുള്ള, സന്തോഷപ്രദമായ ജീവിതം നയിക്കുന്ന കുടുംബങ്ങളുടെ സഹായത്തിനായി കാക്കുകയാണ് അജിമോളും പെണ്‍കുഞ്ഞും, 2 വീട്ടിലേയും മാതാപിതാക്കളും.

അജിമോളുടെ നമ്പര്‍ (അടുത്ത വീട്ടിലെ) 0480 – 273 75 73.

നാട്ടില്‍ പേപ്പര്‍ വര്‍ക്കുകള്‍ എല്ലാം ചെയ്യാന്‍ ഈ കുടുംബത്തെ സഹായിക്കുന്നത് ബന്ധുവായ ശ്യാംകുമാര്‍ ആണ്. നമ്പര്‍ : 98460 11 565

സുധീഷിന്റെ അച്ഛന്റെയും ഭാര്യ അജിമോളുടെയും പേരില്‍ ഒരു സംയുക്ത ബാങ്ക് അക്കൌണ്ട് തുടങ്ങിയിട്ടുണ്ട്.

A/C no: 670 53 95 4775
SBT KUZHOOR Branch

പ്രിയപ്പെട്ടവരെ കാക്കാനാണ് സുധീഷ് കടല്‍ കടന്ന് ഷാര്‍ജയില്‍ എത്തിയത്. അതിനിടയിലാണ് മരിച്ചതും. നമ്മളില്‍ ഒരുവന്‍. ആ കുടുംബത്തെ ജീവിതത്തിലേക്ക് തിരിച്ച് കൊണ്ട് വരേണ്ടത് നമ്മളില്‍ നില മെച്ചപ്പെട്ടവരുടെ കടമയാണ്.

ഡ്രൈവിംഗ് ലൈസന്‍സ് നഷ്ടമായി

2008-05-12T18:36:00.000+04:00

മുഹമ്മദ് അലി പാങ്ങയില്‍ എന്നയാളിന്‍റെ ഡ്രൈവിംഗ് ലൈസന്‍സ് അബുദാബി, മുസ്സഫയില്‍ നഷ്ടമായി. കണ്ടു കിട്ടുന്നവര്‍ 050–514 8627 എന്ന നമ്പരില്‍ അറിയിക്കാന്‍ അഭ്യര്‍ത്ഥന