e പത്രം - ഗള്‍ഫ് വാര്‍ത്തകള്‍ - അറബിനാടുകള്‍

മദ്യപന്മാരെ പിടി കൂടാന്‍ ദുബായില്‍ ശ്വാസ പരിശോധന

noreply@blogger.com (സ്വന്തം ലേഖകന്‍) — Thu, 08 Jan 2009 02:24:00 +0000

മദ്യപിച്ച് വാഹനം ഓടിക്കുന്നവരെ പിടികൂടാന്‍ ദുബായ് പോലീസ് റോഡുകളില്‍ ശ്വാസ പരിശോധന ആരംഭിക്കുന്നു. കഴിഞ്ഞ വര്‍ഷം മദ്യപിച്ച് വാഹനമോടിച്ച് അപകടത്തില്‍ മരിച്ചവരുടെ എണ്ണം 25 ശതമാനം വര്‍ധിച്ച സാഹചര്യത്തിലാണ് പുതിയ നടപടി. 76 പേരാണ് കഴിഞ്ഞ വര്‍ഷം ഇങ്ങനെ മരിച്ചത്. ബര്‍ദുബായ്, ദേര എന്നിവിടങ്ങളില്‍ ഇപ്പോള്‍ തന്നെ പരീക്ഷണാടിസ്ഥാനത്തില്‍ പരിശോധനകള്‍ ആരംഭിച്ചിട്ടുണ്ട്. ബ്രീത്ത് ടെസ്റ്റില്‍ മദ്യത്തിന്‍റെ അംശം കണ്ടെത്തിയാല്‍ സ്ഥിരീകരിക്കാന്‍ രക്ത പരിശോധനയും നടത്തും. പിടികൂടിയല്‍ 30,000 ദിര്‍ഹം വരെ പിഴയും അറസ്റ്റും നേരിടേണ്ടി വരും.

ബാലകൃഷ്ണ ഷെട്ടിയ്ക്ക് യാത്രയയപ്പ് നല്‍കി.

noreply@blogger.com (സ്വന്തം ലേഖകന്‍) — Thu, 08 Jan 2009 02:24:00 +0000

ബഹ്റിനില്‍ നിന്ന് സ്വീഡനിലേക്ക് സ്ഥലം മാറിപ്പോകുന്ന ഇന്ത്യന്‍ അംബാസഡര്‍ ബാലകൃഷ്ണ ഷെട്ടിയ്ക്ക് യാത്രയയപ്പ് നല്‍കി. വ്യക്തികളും സംഘടനകളും തമ്മില്‍ പരസ്പരമുള്ള മത്സരം ഒഴിവാക്കണമെന്നും ഇന്ത്യന്‍ സമൂഹത്തിലെ സാധാരണ ജനങ്ങളുടെ പ്രശ്നങ്ങള്‍ പ്രധാനമായും ഏറ്റെടുക്കണമെന്നും സ്വീകരണ യോഗത്തില്‍ അദ്ദേഹം പറഞ്ഞു. ഖത്തറിലെ ഇന്ത്യന്‍ അംബാസഡര്‍ ജോര്‍ജ്ജ് ജോസഫ് അടുത്തമാസം ബഹ്റിന്‍ അംബാസഡറായി സ്ഥാനമേല്‍ക്കും.

വില കുറഞ്ഞു തുടങ്ങി

noreply@blogger.com (സ്വന്തം ലേഖകന്‍) — Thu, 08 Jan 2009 02:12:00 +0000

ദുബായില്‍ ഭക്ഷണ സാധനങ്ങളുടെ വില കുറഞ്ഞു തുടങ്ങി. അന്താരാഷ്ട്ര വിപണിയില്‍ എണ്ണ വില കുറഞ്ഞതും സാധനങ്ങളുടെ വില കുറയുന്നതുമാണ് ഇതിന് കാരണം. പച്ചക്കറിയിലും പഴ വര്‍ഗ്ഗങ്ങളിലും 30 ശതമാനത്തിന്‍റെ വിലക്കുറവാണ് ഇപ്പോള്‍ ഉണ്ടായിരിക്കുന്നത്. കഴിഞ്ഞ രണ്ട് മാസമായി ഭക്ഷണ സാധനങ്ങളുടെ വില കുറഞ്ഞു തുടങ്ങിയതായി കച്ചവടക്കാര്‍ പറയുന്നു. എണ്ണ വില കുറയുന്നത് അനുസരിച്ച് സാധനങ്ങളുടെ വില കുറയ്ക്കാന്‍ ചില്ലറ വില്പനക്കാരുമായി യു. എ. ഇ. സാമ്പത്തിക മന്ത്രാലയം നേരത്തെ തന്നെ ധാരണയായിരുന്നു.

അങ്കമാലി എന്‍ ആര്‍ ഐ പ്രവാസി മാഗസിന്‍ പുറത്തിറക്കും.

noreply@blogger.com (സ്വന്തം ലേഖകന്‍) — Thu, 08 Jan 2009 01:36:00 +0000

അങ്കമാലി എന്‍ ആര്‍ ഐ അസ്സോസിയേഷന്‍ പ്രവാസി മാഗസിന്‍ പുറത്തിറക്കും.

ഏപ്രില്‍ ആദ്യവാരം ദുബായിലായിരിക്കും പ്രകാശനം. പ്രമുഖരുടെ രചനകളോടൊപ്പം അംഗങ്ങളുടെ സാഹിത്യ സ്യഷ്ടികളും ഇതിലുണ്ടായിരിക്കും.

മേഖലയിലെ ഗ്രാമങ്ങളുടെ ചരിത്രവും വികാസവും ആഴത്തില്‍ പ്രതിപാദിക്കുന്ന പ്രത്യേക പരമ്പരയും ഉന്നത വിദ്യാഭ്യാസ സ്താപനങ്ങളേയും കോഴ്സുകളെ പറ്റിയുള്ള വിവരണ ഭാഗവും മാഗസിനെ ശ്രദ്ധേയമാക്കും.

റോയ് സേവ്യറാണ് ചീഫ് എഡിറ്റര്‍. ഫെബ്രുവരി 28നു മുന്‍പു രചനകള്‍
സമര്‍പ്പിക്കണം. കൂടുതല്‍ വിവരങ്ങള്‍ക്ക് 050 7323725 എന്ന നമ്പറിലോ anriauae@gmail.com എന്ന ഇ മെയിലിലോ ബന്ധപ്പെടണം.
--

സന്ദര്‍ശക വിസയില്‍ വരുന്നവര്‍ക്ക് കൂടുതല്‍ നിയന്ത്രണങ്ങള്‍

noreply@blogger.com (സ്വന്തം ലേഖകന്‍) — Wed, 07 Jan 2009 01:38:00 +0000

യു.എ.ഇയില്‍ സന്ദര്‍ശക വിസയില്‍ വരുന്നവര്‍ക്ക് കൂടുതല്‍ നിയന്ത്രണങ്ങള്‍ ഏര്‍പ്പെടുത്താന്‍ ആഭ്യന്തര മന്ത്രാലയം ആലോചിക്കുന്നു. കുറ്റകൃത്യങ്ങളില്‍ പങ്കാളികളല്ല എന്ന് തെളിയിക്കുന്ന പൊലീസ് റെക്കോഡും ഒപ്പം തിരിച്ചറിയല്‍ രേഖ വ്യക്തമാക്കുന്ന ബാങ്ക് സ്റ്റേറ്റ്മെന്‍റും ഇനി മുതല്‍ ഹാജരാക്കേണ്ടി വരും. യു.എ.ഇയില്‍ സമീപ കാലത്ത് പിടികൂടിയ കള്ളന്‍മാരില്‍ 80 ശതമാനവും ടൂറിസ്റ്റ്, ബിസിനസ്സ് വിസയില്‍ വരുന്നവരാണെന്ന് മന്ത്രാലയത്തിന്‍റെ കണക്കുകള്‍ സൂചിപ്പിക്കുന്നു. പുതിയ നിയന്ത്രണങ്ങള്‍ സന്ദര്‍ശക, ടൂറിസ്റ്റ്, ബിസിനസ്സ് വിസയില്‍ വരുന്നവര്‍ക്കും ബാധകമാകും. ഇത് സംബന്ധിച്ച നിര്‍ദ്ദേശം ഫെഡറല്‍ നാഷണല്‍ കൗണ്‍സില്‍ നേരത്തെ തന്നെ ആഭ്യന്തര മന്ത്രാലയത്തിന് നല്‍കിയിരുന്നു.

ഫലസ്തീന് യു.എ.ഇ യുടെ കയ്യയുച്ചുള്ള സഹായം

noreply@blogger.com (സ്വന്തം ലേഖകന്‍) — Wed, 07 Jan 2009 01:36:00 +0000

യു.എ.ഇയില്‍ കാലാവധി കഴിഞ്ഞ് സന്ദര്‍ശക വിസയിലോ ഫാമിലി വിസയിലോ താമസിക്കുന്ന പലസ്തീന്‍ പൗരന്‍മാര്‍ക്ക് രാജ്യത്ത് തുടരാമെന്ന് ആഭ്യന്തരമന്ത്രാലയം അറിയിച്ചു. പിഴ അടയ്ക്കാതെ തന്നെ ഇവര്‍ക്ക് താമസവിസ പുതുക്കാമെന്നും മന്ത്രാലയം അറിയിച്ചു. സന്ദര്‍ശക വിസയില്‍ വരുന്ന പലസ്തീന്‍ പൗരന്‍മാര്‍ക്ക് തൊഴില്‍ വിസയിലേക്ക് മാറാന്‍ രാജ്യം വിടേണ്ട ആവശ്യമില്ലെന്നും മന്ത്രാലയം വ്യക്തമാക്കിയിട്ടുണ്ട്. സന്ദര്‍ശക വിസയ്ക്കായി പ്രത്യേകം ഫീസ് അടയ്ക്കേണ്ടതില്ല. യുഎഇ പ്രസിഡന്‍റ് ഷെയ്ഖ് ഖലീഫ ബിന്‍ സായിദ് അല്‍ നഹ്യാന്‍റെ ഉത്തരവ് പ്രകാരമാണ് തീരുമാനമെന്നും മന്ത്രാലയം വ്യക്തമാക്കി.

21 നിര്‍ധന പെണ്‍കുട്ടികള്‍ക്ക് വിവാഹ സഹായമായി അഞ്ച് പവന്‍ വീതം

noreply@blogger.com (സ്വന്തം ലേഖകന്‍) — Tue, 06 Jan 2009 01:35:00 +0000

കെ.എം.സി.സി സലാല കേന്ദ്ര കമ്മിറ്റി ഈ വര്‍ഷം 21 നിര്‍ധന പെണ്‍കുട്ടികള്‍ക്ക് വിവാഹ സഹായമായി അഞ്ച് പവന്‍ വീതം നല്‍കും. എല്ലാ ജില്ലകളില്‍ നിന്നും വന്ന അപേക്ഷകളില്‍ നിന്ന് നറുക്കെടുപ്പിലൂടെയാണ് 21 പേരെ തെരഞ്ഞെടുത്തത്. ജനുവരിയില്‍ കോഴിക്കോട് വച്ചും ഫെബ്രുവരിയില്‍ പുനലൂര്‍ വച്ചുമായിരിക്കും സഹായ വിതരണം നടത്തുക. കെ.എം.സി.സി ഹാളില്‍ കേന്ദ്ര കമ്മിറ്റി പ്രസിഡന്‍റ് അസീസ് ഹാജി മണിമലയുടെ അധ്യക്ഷ്യതയില്‍ കബീര്‍ നറുക്കെടുപ്പ് ഉദ്ഘാടനം ചെയ്തു.

അജ്മാനില്‍ ശമ്പള വര്‍ധന

noreply@blogger.com (സ്വന്തം ലേഖകന്‍) — Tue, 06 Jan 2009 01:34:00 +0000

അജ്മാന്‍ ലോക്കല്‍ മിലിട്ടറിയില്‍ ജോലി ചെയുന്ന യു.എ.ഇ സ്വദേശികളല്ലാത്തവര്‍ക്ക് ശമ്പളം വര്‍ധിപ്പിച്ചു. മിലിട്ടറി റാങ്ക് അനുസരിച്ച് 50 ശതമാനം മുതല്‍ 110 ശതമാനം വരെയാണ് ശമ്പള വര്‍ധനവ്. ജനുവരി 1 മുതല്‍ ശമ്പള വര്‍ധന നടപ്പിലായതായി സുപ്രീം കൗണ്‍സില്‍ അംഗവും അജ്മാന്‍ ഭരണാധികാരിയുമായ ശൈഖ് ഹുമൈദ് ബിന്‍ റാഷിദ് അല്‍ നുഐമി ഉത്തരവിറക്കി. വ്

പക്ഷിപ്പനി : ഇന്ത്യയില്‍ നിന്നുള്ള മുട്ടയുടെ ഇറക്കുമതി നിരോധനം തുടരും

noreply@blogger.com (സ്വന്തം ലേഖകന്‍) — Tue, 06 Jan 2009 01:32:00 +0000

പക്ഷിപ്പനി കാരണം ഇന്ത്യയില്‍ നിന്നുള്ള മുട്ട, കോഴിയിറച്ചി എന്നിവയ്ക്ക യു.എ.ഇയില്‍ ഏര്‍പ്പെടുത്തിയ ഇറക്കുമതി നിരോധനം തുടരുമെന്ന് ഭക്ഷ്യ സുരക്ഷാ വിഭാഗം അറിയിച്ചു. കഴിഞ്ഞ ദിവസം പശ്ചിമ ബംഗാളില്‍ വീണ്ടും പക്ഷിപ്പനി കണ്ടെത്തുകയും 60,000 കോഴികളെ കൊന്നൊടുക്കുകയും ചെയ്തതായുള്ള റിപ്പോര്‍ട്ടുകള്‍ പുറത്ത് വന്നതിനെ തുടര്‍ന്നാണിത്. അതേ സമയം യു.എ.ഇയിലെ കോഴിമുട്ടകളും കോഴിയിറച്ചിയും സുരക്ഷിതമാണെന്ന് ഫുഡ് കണ്‍ട്രോള്‍ സെക്ഷന്‍ മേധാവി ഖാലിദ് മുഹമ്മദ് ഷരീഫ് അല്‍ അവാദി പറഞ്ഞു. കഴിഞ്ഞ വര്‍ഷമാണ് ഇന്ത്യയില്‍ നിന്നുള്ള പോള്‍ട്രി ഉത്പന്നങ്ങള്‍ക്ക് യു.എ.ഇ ഇറക്കുമതി നിരോധനം ഏര്‍പ്പെടുത്തിയത്.

പാറപ്പുറത്ത് അനുസ്മരണം

noreply@blogger.com (സ്വന്തം ലേഖകന്‍) — Mon, 05 Jan 2009 06:42:00 +0000

പാറപ്പുറത്ത് ഫൗണ്ടേഷന്‍റെ ആഭിമുഖ്യത്തില്‍ ദുബായില്‍ പാറപ്പുറത്ത് അനുസ്മരണം സംഘടിപ്പിക്കുന്നു. അടുത്ത വെള്ളിയാഴ്ച വൈകീട്ട് അ‍ഞ്ചര മുതല്‍ ഖിസൈസിലെ ലുലു ഹൈപ്പര്‍ മാര്‍ക്കറ്റ് ഫുഡ് കോര്‍ട്ടിലാണ് പരിപാടി. ഇന്ത്യന്‍ മീഡിയ ഫോറം പ്രസിഡന്‍റ് പി.വി വിവേകാനന്ദ്, പരുമല പമ്പാ ഡിബി കോളേജ് മുന്‍ പ്രിന്‍സിപ്പല്‍ സി.പി രാമചന്ദ്രന്‍ നായര്‍ എന്നിവര്‍ മുഖ്യാതിഥികളായിരിക്കും. ചടങ്ങിനോടനുബന്ധിച്ച് ഡിസി ബുക്സ് പാറപ്പുറത്തിന്‍റെ കൃതികളുടെ പ്രദര്‍ശനവും സംഘടിപ്പിക്കുന്നുണ്ട്. കൂടുതല്‍ വിവരങ്ങള്‍ക്ക് 050-5457397 എന്ന നമ്പറില്‍ വിളിക്കണം.

സൌദിയിലെ വിവാഹങ്ങള്‍ വിവാഹ മോചനങ്ങള്‍

noreply@blogger.com (സ്വന്തം ലേഖകന്‍) — Mon, 05 Jan 2009 06:41:00 +0000

സൗദി അറേബ്യയില്‍ ഓരോ ദിവസവും 316 വിവാഹങ്ങളും 66 വിവാഹ മോചനങ്ങളും നടക്കുന്നതായി റിപ്പോര്‍ട്ട്. നിയമ മന്ത്രാലയം പുറത്ത് വിട്ട റിപ്പോര്‍ട്ടില്‍ ഇക്കാര്യമുള്ളത്. 24,428 വിവാഹ മോചനങ്ങളാണ് കോടതി വഴി കഴിഞ്ഞ വര്‍ഷം സൗദിയില്‍ നടന്നത്. 1,15,549 വിവാഹങ്ങള്‍ കഴിഞ്ഞ വര്‍ഷം രജിസ്റ്റര്‍ ചെയ്യപ്പെട്ടു.

അക്ഷര മുദ്ര പുരസ്കാരം കെ. എ. ജെബ്ബാരിക്ക്

noreply@blogger.com (epathram.com) — Sun, 04 Jan 2009 21:58:00 +0000

അക്ഷര കൂട്ടത്തിന്റെയും പാം പബ്ലിക്കേ ഷന്‍സിന്റെയും ആഭിമുഖ്യത്തില്‍ ജനുവരി 9 ന് നടക്കുന്ന സര്‍ഗ്ഗ സംഗമത്തില്‍ സലഫി ടൈംസ് എഡിറ്റര്‍ കെ. എ. ജെബ്ബാരിക്ക് അക്ഷര മുദ്ര പുരസ്കാരം സമ്മാനിക്കും. ഗള്‍ഫിലെ മികച്ച സാഹിത്യ സാമൂഹ്യ പ്രവര്‍ത്ത നങ്ങള്‍ക്ക് നേതൃത്വം നല്‍കിയ വിശിഷ്ട വ്യക്തികള്‍ക്ക് നല്‍കുന്ന ഈ പുരസ്കാരം കെ. എ. ജെബ്ബാരിക്ക് പുറമെ അഡ്വ. വൈ. എ. റഹീമിനും ചടങ്ങില്‍ വെച്ചു നല്‍കും എന്ന് സംഘാടകര്‍ അറിയിച്ചു.

സര്‍ഗ്ഗ സംഗമം ജനുവരി 9ന്

noreply@blogger.com (epathram.com) — Sun, 04 Jan 2009 06:27:00 +0000

അക്ഷര കൂട്ടം സംഘടിപ്പിക്കുന്ന ഗള്‍ഫിലെ ആദ്യത്തെ മലയാള സാഹിത്യ സമ്മേളനം എന്ന് വിശേഷിപ്പിക്കപ്പെടുന്ന സര്‍ഗ്ഗ സംഗമം ജനുവരി 9 വെള്ളിയാഴ്ച്ച രാവിലെ ഒന്‍പതു മണി മുതല്‍ രാത്രി പത്ത് മണി വരെ ഷാര്‍ജ ഇന്ത്യന്‍ അസോസിയേഷന്‍ കമ്യൂണിറ്റി ഹോളില്‍ നടക്കും. ശ്രീ ടി. പദ്മനാഭന്‍, പി. കെ. പാറക്കടവ് തുടങ്ങിയവര്‍ പങ്കെടുക്കുന്ന അക്ഷര കവാടത്തിലേക്കുള്ള പ്രവേശനം സൌജന്യം ആയിരിക്കും. ചര്‍ച്ച, രംഗാവിഷ്കാരങ്ങള്‍, പുസ്തക പ്രദര്‍ശനം, സാഹിത്യ സമ്മേളനം, അക്ഷര പുരസ്കാരങ്ങള്‍, പുസ്തക പ്രകാശനങ്ങള്‍ എന്നിവയാണ് കാര്യ പരിപാടികള്‍. വിശദ വിവരങ്ങള്‍ക്ക് : മനാഫ് കച്ചേരി (050 2062950)

- സുനില്‍ രാജ്

കുറഞ്ഞ വരുമാനക്കാരുടെ കുടുംബങ്ങള്‍ക്ക് വിലക്ക്

noreply@blogger.com (സ്വന്തം ലേഖകന്‍) — Sun, 04 Jan 2009 02:04:00 +0000

കുറഞ്ഞ വരുമാനക്കാരായ വിദേശികള്‍ കുടുംബത്തെ യു. എ. ഇ. യിലേക്ക് കൊണ്ടു വരുന്നത് നിര്‍ബന്ധമായും വിലക്കുമെന്ന് അബുദാബി താമസ കുടിയേറ്റ വകുപ്പ് വ്യക്തമാക്കി. 57 തസ്തികകളില്‍ ജോലി ചെയ്യുന്നവര്‍ക്ക് ഈ വിലക്ക് ബാധകമായിരിക്കും. അബുദാബി താമസ കുടിയേറ്റ വകുപ്പ് ആക്ടിംഗ് ഡയറക്ടര്‍ നാസര്‍ അല്‍ മിന്‍ഹലിയാണ് ഇത് വ്യക്തമാക്കിയത്. 2000 ദിര്‍ഹത്തില്‍ കുറഞ്ഞ മാസ ശമ്പളം ലഭിക്കുന്ന 57 തസ്തികകളില്‍ ജോലി ചെയ്യുന്നവര്‍ക്ക് ഈ വിലക്ക് ബാധകമായിരിക്കും.

പാചകക്കാര്‍, ഗ്രോസറി സെയില്‍സ്മാന്‍, പ്ലംബര്‍, വെല്‍ഡര്‍, മെക്കാനിക്ക്, ബാര്‍ബര്‍, ലോണ്‍ട്രി തൊഴിലാളികള്‍, റസ്റ്റോറന്‍റ് ജീവനക്കാര്‍, ഇലക്ട്രീഷ്യന്‍, സെക്യൂരിറ്റി തൊഴിലാളികള്‍, ഓഫീസ് ബോയ്, ലേബര്‍, പെയിന്‍റര്‍ തുടങ്ങിയവരെല്ലാം ഈ വിഭാഗത്തില്‍ പെടും.

യു. എ. ഇ. നിയമ പ്രകാരം 4000 ദിര്‍ഹം മാസ ശമ്പളം ഉള്ളവര്‍ക്ക് മാത്രമാണ് ഫാമിലി വിസ അനുവദിക്കുന്നത്.

കുടുംബത്തെ കൊണ്ടു വന്ന് ഇവിടെ താമസിപ്പിക്കാനും, മറ്റ് ചെലവുകള്‍ക്കും കുറഞ്ഞ വരുമാനക്കാരുടെ ശമ്പളം മതിയാവില്ല എന്നത് കൊണ്ടാണ് അധികൃതര്‍ കര്‍ശന തീരുമാനം എടുത്തിരിക്കുന്നത്. അല്ലാത്ത പക്ഷം വിസ നിയമ ലംഘകരുടെ എണ്ണം വര്‍ധിക്കുമെന്നും ഇവര്‍ വ്യക്തമാക്കുന്നു.

വിസ നിയമ ലംഘനം പരമാവധി കുറയ്ക്കുക എന്ന ഉദ്ദേശത്തോടെയാണ് അബുദാബി താമസ കുടിയേറ്റ വകുപ്പ് വിലക്ക് നിര്‍ബന്ധമായും നടപ്പിലാക്കുമെന്ന് അറിയിച്ചിരിക്കുന്നത്. യു. എ. ഇ. പ്രഖ്യാപിച്ച പൊതു മാപ്പ് 2007 നവംബറില്‍ അവസാനിച്ചത് മുതല്‍ ഇതു വരെ 25,513 വിസ നിയമ ലംഘകര്‍ പിടിക്ക പ്പെട്ടിട്ടു ണ്ടെന്ന് നാസര്‍ അല്‍ മിന്‍ഹലി വ്യക്തമാക്കി.

മെഡിക്കല്‍ ക്യാമ്പ്‌ നടത്തി

noreply@blogger.com (epathram.com) — Fri, 02 Jan 2009 11:36:00 +0000

മര്‍ കസു സ്സഖാഫത്തി സ്സുന്നിയ മഹാ സമ്മേളന പ്രചരണ പരിപാടികളുടെ ഭാഗമായി മുസ്വഫ എസ്‌. വൈ. എസ്‌ & മര്‍ കസ്‌ കമ്മിറ്റി സംയുക്തമായി ന്യൂ മുസ്വഫയിലെ ലൈഫ്‌ ലൈന്‍ ഹോസ്പിറ്റലിന്റെ സഹകരണത്തോടെ സൗജന്യ മെഡിക്കല്‍ ഹെല്‍ത്ത്‌ ക്യാമ്പ്‌ നടത്തി. മുന്‍ കൂട്ടി രജിസ്റ്റര്‍ ചെയ്ത നൂറിലധികം പേര്‍ ക്യാമ്പ്‌ പ്രയോജന പ്പെടുത്തുകയും ലൈഫ്‌ ലൈന്‍ ഹോസ്പിറ്റല്‍ മാനേജര്‍ അഡ്വ. എസ്‌. കെ. അബ്‌ ദുല്ല, മുഹമ്മദ്‌ മുസ്തഫ (മാര്‍ക്കറ്റിംഗ്‌ ) തുടങ്ങിയവര്‍ നേതൃത്വം നല്‍കി. മെഡിക്കല്‍ ഡയരക്റ്റര്‍ ഡോ. രാജീവ്‌, ഡോ. മുഹമ്മദ്‌ റാസ ഫൈസല്‍, ഡോ. റിസ്‌ വാന്‍, ഡോ. ഫരീദ എന്നിവര്‍ ക്യാമ്പില്‍ പങ്കെടുത്തു.

മുസ്വഫ എസ്‌. വൈ. എസ്‌. പ്രസിഡണ്ട്‌ ഹൈദര്‍ മുസ്ലിയാര്‍, വര്‍ക്കിംഗ്‌ പ്രസിഡണ്ട്‌ മുസ്തഫ ദാരിമി, ജന. സെക്രട്ടറി അബ്‌ ദുല്‍ ഹമീദ്‌ സ അ ദി തുടങ്ങിയവര്‍ സംബന്ധിച്ചു.

- ബഷീര്‍ വെള്ളറക്കാട്

ക്രിസ്മസ് പുതു വത്സര ആഘോഷവും ഇടവക സംഗമവും

noreply@blogger.com (epathram.com) — Fri, 02 Jan 2009 11:26:00 +0000

അബുദാബി സെന്‍റ് സ്റ്റീഫന്‍സ് യാക്കോബായ സുറിയാനി പള്ളിയുടെ ആഭിമുഖ്യത്തില്‍ ക്രിസ്മസ് പുതു വത്സര ആഘോഷവും ഇടവക സംഗമവും നടന്നു. യാക്കോബായ സുറിയാനി സഭയുടെ കുരിയാക്കോസ് മാര്‍ ദീയസ്കോറോസ് മെത്രാപ്പൊലീത്ത ഉദ്ഘാടനം ചെയ്തു. ഇടവക വികാരി റവ. ഫാദര്‍ എല്‍ദോ കക്കാടന്‍ അദ്ധ്യക്ഷത വഹിച്ചു. മാര്‍ത്തോമ്മാ ഇടവക വികാരി റവ. ഫാദര്‍ തോമസ്സ് കുര്യന്‍, ക്നാനായ വികാരി റവ. ഫാദര്‍ ജോണ്‍ തോമസ്, സി. എസ്. ഐ. പള്ളി വികാരി റവ. ഫാദര്‍ ജോണ്‍ ഐസ്സക്, സിക്രട്ടറി കെ. പി. സൈജി, ട്രസ്റ്റി എബ്രഹാം ജോണ്‍, ഫാമിലി യൂണിറ്റ് കോര്‍ഡിനേറ്റര്‍ എ. എം. എല്‍ദോസ് എന്നിവര്‍ പ്രസംഗിച്ചു. എട്ടു ഫാമിലി യൂണിറ്റുകളുടെ നേത്യത്വത്തില്‍ സംഘടിപ്പിച്ച ഇടവക സംഗമത്തിലെ മത്സരങ്ങളില്‍ എബനേസര്‍, മൌണ്ട് താബോര്‍, ഗത് സെമനാ, ശാലേം, സീനായി എന്നീ ഫാമിലി യൂണിറ്റുകള്‍ ട്രോഫികള്‍ കരസ്ഥമാക്കി.

സെന്‍റ് സ്റ്റീഫന്‍സ് യാക്കോബായ സുറിയാനി പള്ളിയുടെ ആഭിമുഖ്യത്തില്‍ ജനുവരി മൂ‍ന്നിന് മുളന്തുരുത്തി മലങ്കര സിറിയന്‍ ഓര്‍ത്തോഡോക്സ് തിയോളജിക്കല്‍ വൈദിക സെമിനാരിയില്‍ വെച്ച് നടത്തുവാന്‍ പോകുന്ന സൌജന്യ സമൂഹ വിവാഹത്തിന്‍റെ വിശദ വിവരങ്ങള്‍ മെത്രാപ്പൊലീത്ത കുരിയാക്കോസ് മാര്‍ ദീയസ്കോറോസ് പത്ര സമ്മേളനത്തില്‍ അറിയിച്ചു.

യാക്കോബായ സുറിയാനി സഭയുടെ ശ്രേഷ്ഠ ബസേലിയോസ് തോമസ് പ്രഥമന്‍ കതോലിക്കാ ബാവായുടേയും, ഇടവക മെത്രാപ്പൊലീത്ത യുഹനോന്‍ മാര്‍ മിലിത്തിയോസ് തിരുമേനിയുടേയും മറ്റു മെത്രാപ്പൊലീത്തമാരുടേയും കാര്‍മ്മികത്വത്തിലാണ് സമൂഹ വിവാഹം നടക്കുക. സംസ്ഥാന മുഖ്യമന്ത്രി, മറ്റു മന്ത്രിമാര്‍, ജന പ്രതിനിധികള്‍, മത സാംസ്കാരിക രംഗത്തെ പ്രമുഖ വ്യക്തിത്വങ്ങളും പങ്കെടുക്കും.

സെന്‍റ് സ്റ്റീഫന്‍സ് ചര്‍ച്ച് വികാരി റവ.ഫാദര്‍ എല്‍ദോ കക്കാടന്‍, ഫാദര്‍ എബി വര്‍ക്കി ഞെളിയമ്പറമ്പില്‍, സിക്രട്ടറി കെ. പി. സൈജി, ട്രസ്റ്റി എബ്രഹാം ജോണ്‍, എന്നിവരും പങ്കെടുത്തു. സഭക്ക്, അബുദാബിയിലെ മാധ്യമ പ്രവര്‍ത്തകരും, മാധ്യമങ്ങളും നല്‍കി വരുന്ന സഹകരണത്തിന് അഭിവന്ദ്യ തിരുമേനി നന്ദി രേഖപ്പെടുത്തി.

- പി. എം. അബ്ദുല്‍ റഹിമാന്‍, അബുദാബി

ഉം അല്‍ ഖ്വയിന്‍ ഭരണാധികാരി അന്തരിച്ചു

noreply@blogger.com (epathram.com) — Fri, 02 Jan 2009 11:08:00 +0000

യു. എ. ഇ. സുപ്രീം കൌണ്‍സില്‍ മെമ്പറും ഉം അല്‍ ഖ്വയിന്‍ ഭരണാധി കാരിയുമായ ഷെയ്ഖ് റാഷിദ് ബിന്‍ അഹമ്മദ് അല്‍ മുഅല്ല അന്തരിച്ചു. ഇന്നു രാവിലെ ലണ്ടനില്‍ വെച്ചായിരുന്നു അന്ത്യം. യു. എ. ഇ. പ്രസിഡന്റ് ഷൈഖ് ഖലീഫ ബിന്‍ സായദ് അല്‍ നഹ്യാന്‍ മരണത്തില്‍ അനുശോചിച്ചു. രാജ്യത്ത് ഒരാഴ്ചത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. മൂന്ന് ദിവസം മന്ത്രാലയങ്ങളും സര്‍ക്കാര്‍ സ്ഥാപനങ്ങളും മറ്റ് സ്ഥാപനങ്ങളും അടച്ചിടും. 1981ല്‍ ഭരണത്തിലേറിയ അദ്ദേഹം ഉം അല്‍ ഖ്വയിന്‍ ന്റെ സമഗ്രമായ വികസനത്തിന് നേതൃത്വം നല്‍കി. വിദേശത്ത് നിന്നും ഉന്നത വിദ്യാഭ്യാസം നേടിയ അദ്ദേഹം ഭരണാധികാരി ആവുന്നതിനു മുന്‍പു തന്നെ തന്റെ പിതാവിനോട് കൂടെ ചേര്‍ന്ന് ഭരണ കാര്യങ്ങളില്‍ നേതൃത്വം നല്‍കിയിരുന്നു.

വെണ്മ സുവനീറിലേക്ക് സ്യഷ്ടികള്‍ ക്ഷണിക്കുന്നു

noreply@blogger.com (epathram.com) — Thu, 01 Jan 2009 08:14:00 +0000

വെഞ്ഞാറമൂട് പ്രവാസികളുടെ യു. എ. ഇ. യിലെ കൂട്ടായ്മ വെണ്മ യുടെ ഒന്നാം വാര്‍ഷികം 2009 ഫെബ്രുവരിയില്‍ നടക്കും. വാര്‍ഷിക ആഘോഷങ്ങളില്‍ പ്രശസ്ത നടന്‍ സുരാജ് വെഞ്ഞാറമൂട് പ്രകാശനംചെയ്യുന്ന വെണ്മ യു. എ. ഇ. യുടെ സുവനീറിലേക്ക് സര്‍ഗ്ഗാത്മക സ്യഷ്ടികള്‍ ക്ഷണിക്കുന്നു. ചെറു കഥ, കവിത, ലേഖനം, ചിത്ര രചന, എന്നിവ അയക്കാന്‍ താല്പര്യം ഉള്ളവര്‍ വിളിക്കുക; 050 39 51 755 (റിയാസ്, വെണ്മ എഡിറ്റര്‍)

- പി. എം. അബ്ദുള്‍ റഹിമാന്‍, അബുദാബി

ഇന്ന് മുതല്‍ ദുബായ് പോലീസ് ട്രാഫിക് പട്രോളിംഗ് കൂടുതല്‍ ശക്തമാക്കും

noreply@blogger.com (സ്വന്തം ലേഖകന്‍) — Thu, 01 Jan 2009 02:46:00 +0000

2009 മുതല്‍ ദുബായ് പോലീസ് ട്രാഫിക് പട്രോളിംഗ് കൂടുതല്‍ ശക്തമാക്കും. ഓരോ ഒന്നു മുതല്‍ രണ്ട് കിലോമീറ്റര്‍ ദൂരത്തും ഇനി മുതല്‍ 200 പട്രോളിംഗ് ഉണ്ടാകുമെന്ന് അധികൃതര്‍ അറിയിച്ചു. നിലവില്‍ ഇത് 100 ആണ്. ദുബായിലെ റോഡുകളിലെ നിയമ ലംഘനം മനസിലാക്കുന്നതിന് സ്ഥാപിച്ച കാമറകളുടെ എണ്ണം വര്‍ധിപ്പിക്കാനും അധികൃതര്‍ തീരുമാനിച്ചിട്ടുണ്ട്. ദുബായിലെ റോഡുകളില്‍ പുതുതായി 500 പുതിയ ക്യാമറകളും 14 ഗണ്‍ ക്യാമറകളും സ്ഥാപിക്കും. ഒരു കിലോമീറ്റര്‍ ദൂരത്ത് നിന്ന് തന്നെ വ്യക്തമായ ചിത്രങ്ങള്‍ എടുക്കാന്‍ ശേഷിയുള്ളതാണ് ഗണ്‍ ക്യാമറകള്‍. 2009 അവസാനത്തോടെ ക്യാമറകളുടെ എണ്ണം 1000 മാക്കി വര്‍ധിപ്പിക്കാനാണ് അധികൃതരുടെ തീരുമാനം.

ദുബായില്‍ ജോലി നഷ്ടപ്പെട്ടവര്‍ കാറും ഉപേക്ഷിച്ച് മടങ്ങുന്നു

noreply@blogger.com (സ്വന്തം ലേഖകന്‍) — Thu, 01 Jan 2009 02:44:00 +0000

സാമ്പത്തിക മാന്ദ്യം കാരണം ദുബായില്‍ പലര്‍ക്കും ജോലി നഷ്ടപ്പെട്ടതോടെ ബാങ്ക് ലോണിനെടുത്ത കാറുകള്‍ വഴിയരികില്‍ ഉപേക്ഷിച്ച് നാട്ടിലേക്ക് മടങ്ങുന്നവരുടെ എണ്ണം വര്‍ധിക്കുന്നു. ദുബായ് വിമാനത്താവളത്തില്‍ കാര്‍ ഉപേക്ഷിച്ചാണ് ഇത്തരക്കാരില്‍ പലരും നാട്ടിലേക്ക് പോകുന്നത്.

സാമ്പത്തിക മാന്ദ്യം കാരണം നിരവധി പേര്‍ക്കാണ് ദുബായില്‍ ജോലി നഷ്ടപ്പെട്ടിരിക്കുന്നത്. ഇത്തരക്കാരില്‍ പലരും ബാങ്ക് ലോണിനെടുത്ത കാറുകള്‍ വഴിയരികില്‍ ഉപേക്ഷിച്ചാണ് നാട്ടിലേക്ക് മടങ്ങിയത്. ബാങ്ക് ലോണ്‍ തിരിച്ചടയ്ക്കാന്‍ നിവൃത്തിയില്ലാത്തതാണ് ഇതിന് കാരണം.

ദുബായ് വിമാനത്താവളത്തിലെ പാര്‍ക്കിംഗ് ഏരിയയില്‍ കാര്‍ ഉപേക്ഷിച്ച് നാട്ടിലേക്ക് മടങ്ങുന്നവരുടെ എണ്ണം വര്‍ധിച്ചിരിക്കുകയാണിപ്പോള്‍. ഇതിനകം തന്നെ ദുബായ് വിമാനത്താവളത്തിലെ പാര്‍ക്കിംഗ് ഏരിയയില്‍ നിന്ന് മാത്രം 80 ലധികം കാറുകള്‍ പോലീസ് കണ്ടു കെട്ടിക്കഴിഞ്ഞു. ബാങ്ക് ലോണ്‍ തിരിച്ചടക്കാന്‍ കഴിയാത്തതുകൊണ്ടാണ് ഇതില്‍ പലരും വിമാനത്താവളത്തില്‍ കാര്‍ ഉപേക്ഷിച്ച് രാജ്യം വിട്ടതെന്ന് ട്രാഫിക് ഡിപ്പാര്‍ട്ട് മെന്‍റ് ഡെപ്യൂട്ടി ഡയറക്ടര്‍ കേണല്‍ സൈഫ് മുഹൈര്‍ അല്‍ മസ് റോയി വ്യക്തമാക്കി.

പല കമ്പനികളും പൂട്ടിയതോടെ ഇത്തരത്തില്‍ കാര്‍ ഉപേക്ഷിച്ച് രാജ്യം വിടുന്നവരുടെ എണ്ണം വര്‍ധിച്ചതായും അദ്ദേഹം പറയുന്നു.
ഏതായാലും ഇത്തരത്തില്‍ ഉപേക്ഷിച്ച് പോകുന്ന കാറുകള്‍ കണ്ടുകെട്ടുന്നതോടെ വിമാനത്താവള അധികൃതര്‍ ഇപ്പോള്‍ ബാങ്കുകളെയും വിവരം അറിയിക്കുന്നുണ്ട്.

മെഡിക്കല്‍ ഹെല്‍ത്ത്‌ ക്യാമ്പ്‌ മുസ്വഫയില്‍

noreply@blogger.com (epathram.com) — Wed, 31 Dec 2008 07:14:00 +0000

മര്‍കസു സ്സഖാഫത്തി സ്സുന്നിയ്യ സമ്മേളന പ്രചരണ പരിപാടികളുടെ ഭാഗമായി മുസ്വഫ എസ്‌. വൈ. എസ്‌. & മര്‍കസ്‌ കമ്മിറ്റികള്‍ സംയുക്തമായി സംഘടിപ്പിക്കുന്ന സൗജന്യ മെഡിക്കല്‍ ഹെല്‍ത്ത്‌ ക്യാമ്പ്‌ ജനുവരി ഒന്ന് വ്യാഴം മുസ്വഫ സന ഇയ്യ പോലീസ്‌ സ്റ്റേഷനു മുന്നില്‍ പുതുതായി തുടങ്ങിയ ലൈഫ്‌ ലൈന്‍ ഹോസ്‌ പിറ്റലിന്റെ സഹകരണത്തോടെ നടത്ത പ്പെടുന്നതണ്. മുന്‍ കൂട്ടി രജിസ്റ്റര്‍ ചെയ്ത എല്ലാവരും ലൈഫ്‌ ലൈന്‍ ഹോസ്‌ പിറ്റലില്‍ കാലത്ത്‌ 8 മുതല്‍ ഉച്ചയ്ക്ക്‌ 1 മണി വരെയുള്ള സമയത്ത്‌ എത്തി ച്ചേരേണ്ട താണെന്ന് സംഘാടകര്‍ അറിയിച്ചു.

മെഡിക്കല്‍ ക്യാമ്പിനു ശേഷം നടക്കുന്ന ആരോഗ്യ ബോധവത്‌ കരണ ക്ലാസില്‍ അഖിലേന്ത്യാ സുന്നി ജ ം ഇയ്യത്തുല്‍ ഉലാമ ജന. സെക്രട്ടറി കാന്തപുരം എ. പി. അബൂബക്കര്‍ മുസ്‌ ലിയാര്‍, ഡോ. ശമീര്‍, ലൈഫ്‌ ലൈന്‍ ഹോസ്‌ പിറ്റല്‍ (മുസ്വഫ ) മാനേജര്‍ അഡ്വ. എസ്‌. കെ. അബ്‌ ദുല്ല തുടങ്ങി പ്രമുഖര്‍ സംബന്ധിക്കുന്നതാണ്.

കൂടുതല്‍ വിവരങ്ങള്‍ക്ക്‌ വിളിക്കുക 050-6720786 / 055-9134144

- ബഷീര്‍ വെള്ളറക്കാട്

ദുബായില്‍ ക്രിസ്മസ് ആഘോഷം

noreply@blogger.com (epathram.com) — Wed, 31 Dec 2008 07:03:00 +0000

ദുബായ് മാര്‍ത്തോമ്മാ പാരീഷില്‍ നടന്ന ക്രിസ്മസ് കാരോളില്‍ ദുബായ് മാര്‍ത്തോമ്മ ഗായക സംഘം ഗാനങ്ങള്‍ ആലപിച്ചു. ദുബായില്‍ വിവിധ ക്രൈസ്തവ ദേവാലയങ്ങളില്‍ നടന്ന ആരാധനകളില്‍ ആയിരക്കണക്കിന് ആളുകള്‍ പങ്കെടുത്തു.

- അഭിജിത്ത് എരവിപേരൂര്‍

ദുബായില്‍ പുതുവത്സര ആഘോഷങ്ങള്‍ പാടില്ല

noreply@blogger.com (സ്വന്തം ലേഖകന്‍) — Wed, 31 Dec 2008 02:11:00 +0000

ദുബായ് എമിറേറ്റില്‍ ഒരു തരത്തിലുള്ള പുതുവത്സര ആഘോഷങ്ങളും പാടില്ലെന്ന് യു. എ. ഇ. വൈസ് പ്രസിഡന്‍റും പ്രധാന മന്ത്രിയും ദുബായ് ഭരണാധി കാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ഉത്തരവിട്ടു. ഗാസയില്‍ ഇസ്രയേല്‍ ആക്രമണം നേരിടുന്ന ഫലസ്തീന്‍ കാരോട് ഐക്യ ദാര്‍ഡ്യം പ്രകടിപ്പി ക്കുന്നതിന്‍റെ ഭാഗമായാണ് പുതുവത്സ രാഘോഷങ്ങള്‍ ഉപേക്ഷിക്കാന്‍ ശൈഖ് മുഹമ്മദ് നിര്‍ദേശിച്ചത്.

യു.എ.ഇ ദേശീയ ദിനം ആഘോഷിച്ചു.

noreply@blogger.com (സ്വന്തം ലേഖകന്‍) — Tue, 30 Dec 2008 02:35:00 +0000

അബുദാബി ഔവര്‍ ഓണ്‍ ഇംഗ്ലീഷ് ഹൈസ്ക്കൂള്‍ വിദ്യാര്‍ത്ഥികള്‍ യു.എ.ഇ ദേശീയ ദിനം ആഘോഷിച്ചു. സുഡാനീസ് ക്ലബില്‍ നടന്ന പരിപാടിയില്‍ സാദിഖ് അല്‍ ഖാജ, അചല്‍ ശര്‍മ്മ എന്നിവര്‍ മുഖ്യാതിഥികളായിരുന്നു. സ്കൂള്‍ പ്രിന്‍സിപ്പല്‍ ജോര്‍ജ്ജ് മാത്യു പ്രസംഗിച്ചു. വിവിധ കലാപരിപാടികളും അരങ്ങേറി.

കോണ്‍സുലേറ്റ് ഉദ്യോഗസ്ഥന്‍ അനധികൃതമായി പെണ്‍കുട്ടിയെ വീട്ടില്‍ പാര്‍പ്പിച്ച സംഭവത്തില്‍ അന്വേഷണം ഇഴയുന്നു.

noreply@blogger.com (സ്വന്തം ലേഖകന്‍) — Tue, 30 Dec 2008 01:35:00 +0000

ദുബായ് ഇന്ത്യന്‍ കോണ്‍സുലേറ്റ് ഉദ്യോഗസ്ഥന്‍ അനധികൃതമായി പെണ്‍കുട്ടിയെ വീട്ടില്‍ പാര്‍പ്പച്ച സംഭവത്തില്‍ അന്വേഷണം ഇഴയുന്നു. അതിനിടെ യുഎഇയിലെ പ്രമുഖ ദിനപത്രമായ ഗള്‍ഫ് ന്യൂസും ഇന്ത്യയിലെ ടൈംസ് ഓഫ് ഇന്ത്യയും ഈ വാര്‍ത്ത വന്‍ പ്രാധാന്യത്തോടെ കഴിഞ്ഞ ദിവസം നല്‍കി. ലൈംഗീക പീഡത്തെപ്പറ്റി അന്വേഷിക്കുന്നു എന്നാണ് ടൈംസ് ഓഫ് ഇന്ത്യയുടെ വാര്‍ത്ത. ഏഷ്യാനെറ്റ് ന്യൂസാണ് ഈ വാര്‍ത്ത പുറത്തുകൊണ്ടുവന്നത്.

മൂന്ന് മാസങ്ങള്‍ക്ക് മുമ്പാണ് ദുബായ് ഇന്ത്യന്‍ കോണ്‍സുലേറ്റ് ഉദ്യോഗസ്ഥന്‍ അനധികൃതമായി മലയാളി യുവതിയെ വീട്ടില്‍ താമസിപ്പിച്ചു എന്ന വാര്‍ത്ത ചാനല്‍ റിപ്പോര്‍ട്ട് ചെയ്തത്. പീഡനത്തിന് ഇരയായി കോണ്‍സുലേറ്റില്‍ ആഭയം തേടിയെത്തിയ യുവതിയെയാണ് ലൈസന്‍ ഓഫീസറായ അബ്ദുല്‍ നാഫി അനധികൃതമായി വീട്ടില്‍ പാര്‍പ്പിച്ചത്. വാര്‍ത്ത പുറത്ത് വന്നതിനെ തുടര്‍ന്ന് കോണ്‍സുലേറ്റ് അന്വേഷണം ആരംഭിച്ചു. എന്നാല്‍ ഇതുവരേയും ഒരു പുരോഗതിയും ഉണ്ടായിട്ടില്ല
അതേ സമയം ടൈംസ് ഓഫ് ഇന്ത്യയും യു.എ.ഇയില്‍ നിന്നും പുറത്തിറങ്ങുന്ന ഗള്‍ഫ് ന്യൂസും, നാഷണലും വലിയ പ്രാധാന്യത്തോടെയാണ് വാര്‍ത്ത നല്‍കിയത്. ഉദ്യോഗസ്ഥന്‍ അന്വേഷണം നേരിടുകയാണെന്നും ഉടന്‍ നടപടി ഉണ്ടാകുമെന്നും പ്രവാസി വകുപ്പ് മന്ത്രി വയലാര്‍ രവി പറഞ്ഞതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തിരിക്കുന്നു.

വാര്‍ത്ത പ്രാധാന്യത്തോടെ യു.എ.ഇ മാധ്യമങ്ങള്‍ ഏറ്റെടുത്തതോടെ ഉദ്യോഗസ്ഥന് എതിരായ നടപടി ഉടന്‍ ഉണ്ടാകും എന്ന് ഉറപ്പായിരിക്കുകയാണ്. എന്നാല്‍ ഇപ്പോള്‍ നടക്കുന്ന അന്വേഷണം പ്രഹസനമാണെന്നാണ് യു.എ.ഇയിലെ പ്രമുഖ സംഘടനകള്‍ പറയുന്നത്.