e പത്രം - മറ്റ് വാര്‍ത്തകള്‍

ജലത്തിനു പറയാനുള്ളത്

noreply@blogger.com (ജെ. എസ്.) — Sun, 21 Mar 2010 19:01:00 +0000

ജലത്താലും ആത്മാവിനാലും ജനിക്കുന്നില്ലെങ്കില്‍ ഒരുവനും ദൈവ രാജ്യത്തില്‍ പ്രവേശിക്കുക സാധ്യമല്ല.

ജല കണികയെ അറിയാത്ത കലികാല മനുഷ്യര്‍ കൃത്രിമത്ത്വ ത്തിലൂടേ ക്ഷണിക്കുന്ന ആപത്തുകള്‍ ഏറേ!!! മലകള്‍ മാറ്റി ജലമൊഴുക്കണം, അതേ ജലത്തില്‍ ആകാശ സൌധം ഉയര്‍ത്തണം, ജലത്തെ നാണ്യമാക്കി മനുഷ്യ മന ബോമ്പുകള്‍ വരുത്തി തീര്‍ക്കുന്നതിന്റെ പരിണത ഫലമാണു അഗ്നിപര്‍വത സ്ഫോടനവും, സുനാമിയും ഭൂകംബവുമൊക്കെ! പാപകര്‍മ്മങ്ങള്‍ പ്രകൃതിയില്‍ വാര്‍ക്കുന്ന വിനാശ വിസ്ഫോടകത്തിന്റെ വക്കിലാണു നാം. വെള്ളത്തെ വേണ്ട മാത്രയില്‍ പരിരക്ഷിക്കേണ്ടുന്ന സത്യത്തിലേക്കു ഏവരും "ലോക ജല ദിന" ശ്രദ്ധയൂന്നലിലേക്കു തിരി കൊളുത്തേണ്ടതുണ്ട്.

ജീവന്റെ നിലനില്പ്, അതില്‍ ജലത്തിന്റെ പങ്ക് സ്തുത്യര്‍ഹമായ രീതിയില്‍ കാക്കുന്നുണ്ടോ? ഓരോ മനുഷ്യനും പഞ്ചഭൂത ഘടകങ്ങളിലൊന്നായ ജല സമ്മിശ്ര ത്തോടെയാണ് പ്രകൃതിയില്‍ പ്രപഞ്ചത്തോടൊട്ടി നില കൊള്ളുന്നത്. മനുഷ്യന്‍ ഒടുങ്ങാത്ത ഭൌതീക രസത്തിന്റെ നെട്ടോട്ടമായി പാടേ ധാര്‍മ്മീകോ ത്തരവാദി ത്ത്വത്തില്‍ നിന്നകലുന്നു.

തികച്ചും ആത്മീയ പരമായ സമീപനത്തോടെ ശാരീരിക മാനസീക മുറകളില്‍ ആത്മേന ജലം ആചമനം ചെയ്യുവാന്‍ സ്വപ്രബുദ്ധത ആര്‍ജ്ജിക്കേണ്ടത് വളരേ അനിവാര്യമണ്. മത്സ്യാവതാര കഥയും, ദൈവത്തിന്റെ ആദ്യ സൃഷ്ട്ടിയായ ആദാമിന്റെ വംശത്തില്‍ നോഹയുടെ കാലത്തേ പ്രളയ കഥയും, ഋഗ്വേദ കാലത്തേ ബാബിലോണിയന്‍ ഗ്രന്ഥമായ ഗില്‍ഗാമിഷ് നിത്യ ജീവന്‍ ലഭിക്കുന്നതിന്നു വേണ്ടി ജലത്തിലൂടെ പറയപ്പെടുന്ന പ്രളയ കഥ എല്ലാം പാരസ്പര്യത യുള്ളതാണ്.

അതിക്രമം കൊണ്ടു അവശത അനുഭവിക്കുന്ന ഭൂമിയില്‍ ദൈവം മനുഷ്യരോടു ചെയ്യുന്ന ഒരു നിയമമായി പ്രകൃതി ക്ഷോഭത്തെ വിലയിരുത്തി പഞ്ചഭൂത കണങ്ങളോടു പാലിക്കേണ്ട മൂല്യങ്ങള്‍ ലോക ജന ദിന ജാലകത്തിലൂടെ ഭൂലോകം അറിയട്ടെ.

പഴയ പ്രളയ കാലത്തില്‍ ലോകത്തിന്റെ വിശാലതയെ കുറിച്ച് അജ്ഞാത മായിരിക്കെ, കലി കാലത്തില്‍ ജലത്തെ അറിയാനുള്ള ജിജ്ഞാസ മനുഷ്യരില്‍ സ്ഥിരവും സ്ഥായീ ഭാവവും നഷ്ടപ്പെട്ടിരിക്കുന്നു.

ആത്മാവില്‍ സംസം തീര്‍ഥമായും ഹൃദയത്തില്‍ പത്മ തീര്‍ഥമായും കൈകുംബിളില്‍ പാന പാത്രത്തിലേ ജല തുള്ളികളായും ഭക്തരില്‍ ജലം അലിഞ്ഞിട്ടുണ്ട്.

പ്രകൃത്യാ മനുഷ്യന്‍ ജലത്തെ പ്രകൃതിയില്‍ ആത്മാവിനെ മേളിപ്പിച്ചു ജീവനു പരിരക്ഷ നല്‍കേണ്ടുന്നതില്‍ മാത്രമല്ല, പ്രക്ഷുബ്ധാവസ്ഥ തരണം ചെയുന്നതിന്നും നമ്മുടെ മനസ്സിലെ മലിന ജലം ശോധന ചെയ്യപ്പെടുന്ന തിലേക്കുമായി കൃത്യതയാല്‍ ... ഈ ലോക ജല ദിനത്തില്‍ അവരവര്‍ മനസ്സില്‍ ഒപ്പു വെക്കുക, വെള്ളത്തിന്റെ അഥവാ മനുഷ്യ ജീവന്റെ സംരക്ഷക്കായി ഇന്നും ... എന്നും.

- മധു കാനായി, ഷാര്‍ജ

90 ദിര്‍ഹത്തിന് നിങ്ങള്‍ക്കും ഒരു വെബ് സൈറ്റ്‌

noreply@blogger.com (ജെ. എസ്.) — Tue, 02 Mar 2010 07:54:00 +0000

കേവലം 90 ദിര്‍ഹം മുടക്കി നിങ്ങള്‍ക്കും സ്വന്തമായി ഇന്റര്‍നെറ്റില്‍ ഒരു മേല്‍വിലാസം ഉണ്ടാക്കാം. നിങ്ങളുടെ വ്യക്തിപരമോ, കച്ചവട സ്ഥാപനത്തിന്റെയോ, വ്യവസായത്തിന്റെയോ വെബ് സൈറ്റ്‌ ഇപ്പോള്‍ വെറും 90 ദിര്‍ഹത്തിന് തയ്യാറാക്കി ലഭിക്കുന്നു. ഇന്റര്‍നെറ്റ്‌ രംഗത്തെ അജ്ഞത മുതലെടുത്ത്‌ നടത്തുന്ന ചൂഷണത്തിനെതിരെ ശക്തമായ പ്രതിരോധമാണ് e പത്രം നാനോ - വെബ്സൈറ്റ്‌ എന്ന ഈ സംരംഭം.

അടിസ്ഥാന സൗകര്യങ്ങള്‍ക്ക്‌ പുറമേ കൂടുതല്‍ സൌകര്യങ്ങള്‍ ഏര്‍പ്പെടുത്തി നിങ്ങളുടെ വെബ് സൈറ്റിന്റെ ഉപയോഗക്ഷമത നിങ്ങള്‍ക്ക്‌ എത്ര വേണമെങ്കിലും വിപുലമാക്കുവാനും നിങ്ങളെ ഞങ്ങള്‍ സഹായിക്കും. നിങ്ങളുടെ ആവശ്യത്തിന് അനുസരിച്ചുള്ള സൌകര്യങ്ങള്‍ മാത്രം തിരഞ്ഞെടുക്കാന്‍ വെബ്സൈറ്റ്‌ നിര്‍മ്മാണ രംഗത്ത്‌ വര്‍ഷങ്ങളുടെ അനുഭവ സമ്പത്തുള്ള ഞങ്ങളുടെ വിദഗ്ധര്‍ നിങ്ങളെ സഹായിക്കുന്നു. നിങ്ങളുടെ ആവശ്യങ്ങള്‍ ചോദിച്ചറിഞ്ഞു ഇവര്‍ നിങ്ങളോടൊപ്പം ചേര്‍ന്ന് പ്രവര്‍ത്തിക്കുകയും, നിങ്ങളുടെ മനസ്സിനിണങ്ങിയ വെബ് സൈറ്റ്‌ രൂപകല്‍പന ചെയ്യുവാന്‍ നിങ്ങളെ സഹായിക്കുകയും ചെയ്യും.

കൂടുതല്‍ വിവരങ്ങള്‍ക്ക് nanowebsites അറ്റ്‌ epathram ഡോട്ട് com എന്ന ഈമെയില്‍ വിലാസത്തിലോ 0507861269 (ദീപു) എന്ന നമ്പറിലോ വിളിക്കുക.

നക്ഷത്ര ലോകം e പത്രത്തില്‍

noreply@blogger.com (ജെ. എസ്.) — Tue, 05 Jan 2010 20:02:00 +0000

കാലം കാത്തു സൂക്ഷിക്കുന്ന നിധികള്‍, ചലച്ചിത്ര ശാഖയെ പരിപോഷിപ്പിച്ച മലയാളത്തിന്റെ അമൂല്യ രത്നങ്ങള്‍, മലയാള സിനിമയിലെ മണ്‍ മറഞ്ഞു പോയ കലാകാരന്മാര്‍, ജീവിച്ചിരിക്കുന്ന അതുല്യ പ്രതിഭകള്‍, അവരുടെ സംഭാവനകള്‍, ജീവിത ചരിത്രം, ജീവിത യാത്രകള്‍, അവരുടെ വ്യക്തി പരമായ കാഴ്‌ച്ച പ്പാടുകള്‍, നേരിട്ട് ഈ കലാകാരന്മാര്‍ സംസാരിക്കുന്നു. ഈ പംക്തിയിലൂടെ കലയുടെ അക്ഷയ ഖനി തുറക്കുന്നു...

വായിക്കുക ‘നക്ഷത്ര ലോകം’ e പത്രത്തില്‍. പ്രശസ്ത സിനിമാ നിരൂപകന്‍ ജോയ് സി. എഴുതുന്ന സ്ഥിരം പംക്തി ‘നക്ഷത്ര ലോകം’ ഉടന്‍ ആരംഭിക്കുന്നു.

കേര ഓണാഘോഷം ദുബായില്‍

noreply@blogger.com (ജെ. എസ്.) — Thu, 05 Nov 2009 15:48:00 +0000

ദുബായ് : കേരള എഞ്ചിനിയറിംഗ് ആലുംനി (KERA) യുടെ ഈ വര്‍ഷത്തെ ഓണാഘോഷ പരിപാടികള്‍ ദുബായ് അല്‍ ഹെസന്‍ സ്ക്കൂളില്‍ വെച്ച് ഒക്ടോബര്‍ 30-‍ാം തിയ്യതി വെള്ളിയാഴ്‌ച്ച നടന്നു. പ്രസ്തുത ചടങ്ങില്‍ അല്‍ ഹെസന്‍ സ്ഥാപനങ്ങളുടെ ചെയര്‍മാന്‍ ശ്രീ അബ്ദുള്ള അഹമ്മദ് അല്‍ ഫലാസി, ഇന്ത്യന്‍ കമ്മ്യൂണിറ്റി വെല്‍ഫെയര്‍ കമ്മിറ്റി (ICWC) കണ്‍‌വീനര്‍ ശ്രീ കുമാര്‍ എന്നിവര്‍ പങ്കെടുത്തു. കേര കുടുംബാംഗങ്ങളുടെ പൂക്കള മത്സരം, ഘോഷ യാത്ര, വിവിധ കലാ പരിപാടികള്‍ എന്നിവയും ഉണ്ടായിരുന്നു.

കേര പ്രസിഡണ്ട് ശ്രീ രവി കുമാര്‍ പി. എ. അദ്ധ്യക്ഷത വഹിച്ച യോഗത്തില്‍ ജനറല്‍ സെക്രട്ടറി സലിം മുസ്തഫ സ്വാഗതവും പ്രോഗ്രാം കണ്‍‌വീനര്‍ ശ്രീ സതീഷ് കുമാര്‍ നന്ദിയും പറഞ്ഞു.

കേരക്ക് വേണ്ടി ട്രഷറര്‍ ശ്രീ ജോണ്‍ സി. ജോണ്‍ മുഖ്യ അതിഥിക്ക് ഉപഹാരം നല്‍കി.

- രവികുമാര്‍, കേര പ്രസിഡണ്ട്

കേര സംഗമം ശശി തരൂര്‍ ഉല്‍ഘാടനം ചെയ്തു

KERA celebrates Onam in Dubai

രാജ്യദ്രോഹി പിടിയില്‍

noreply@blogger.com (ജെ. എസ്.) — Tue, 20 Oct 2009 04:29:00 +0000

ഹയ്യാല സ്വലാത്ത്..ഹയ്യല ഫലാഹ്.. ഇതു പോലെ ബാങ്ക് വിളി കേള്‍ക്കു മ്പോഴൊക്കെ ഷാര്‍ജയിലെ ഷോപ്പില്‍ വരാറുണ്ടായിരുന്ന പാക്കിസ്ഥാനിയെ ഓര്‍ക്കും. ഫക്രുദ്ദീന്‍ അലി ജീലാനി. ഞങ്ങള്‍ ഒന്നിച്ചാണ് റോളാ പാര്‍ക്കിനു സമീപത്തുള്ള പള്ളിയില്‍ പോയിരുന്നത്.

ഫക്രുദ്ദീന്‍ നീ പറഞ്ഞത് എത്ര ശരിയാണ്. മനസ്സിലെ ചുവന്ന ആശയങ്ങളുടെ അതേ നിറപ്പകര്‍ ച്ചയാണ്, വേലിക്കരികില്‍ നിന്നിരുന്ന ചെമ്പരത്തി പ്പൂവുകള്‍ക്ക് - എന്നിട്ടും വീടിന്റെ അടുത്തുള്ള അമ്പലത്തിലേക്ക് പൂജാ പുഷ്പമായി അതേ പൂക്കള്‍ പോയിരുന്നു എന്നോര്‍ ത്തപ്പോള്‍ അഭിമാനം തോന്നി. മാല കെട്ടാനുള്ള പൂവിറുക്കാന്‍ നമ്പീശന്‍ കുട്ടി വരും എന്നു പറഞ്ഞു കൊണ്ട് പാത്രം കഴുകിയ വെള്ളം പോലും ഒഴുക്കി ചെമ്പരത്തി ത്തടം മലിനമാക്കാതെ സൂക്ഷിച്ച ഉമ്മാനെ ഓര്‍ത്ത് മനസ്സു നിറഞ്ഞു.

റഫീക്ക് വടക്കാഞ്ചേരിയുടെ കഥ “രാജ്യദ്രോഹി” വായിക്കുക - e പത്രം അക്ഷരലോകത്തില്‍.

സ്വപ്നത്തില്‍ കണ്ട ഒരു പാത...

noreply@blogger.com (ജെ. എസ്.) — Mon, 12 Oct 2009 20:19:00 +0000

എനിക്കൊന്നും തോന്നിയുമില്ല
ഏറ്റവും സുന്ദരമായ ശരീരങ്ങള്‍ പോലും
എന്നെ ഉണര്‍ത്തിയില്ല.
അവര്‍ എന്നെക്കടന്നുപോയിരിക്കുന്നു.
ഈ തെരുവ് ഒഴിഞ്ഞിരിക്കുന്നു.
അവര്‍ അകലെ ഇരുട്ടില്‍ അലിഞ്ഞു തീരുന്നു

കവി വിഷ്ണു പ്രസാദിന്റെ ഏറ്റവും പുതിയ കവിത
നിങ്ങളുടെ മഞ്ഞയില്‍...

വെളനീരില്‍ അവള്‍

noreply@blogger.com (ജെ. എസ്.) — Wed, 23 Sep 2009 19:29:00 +0000

അവളുടെ കയ്യില്‍നിന്നും
ചുള വാങ്ങുമ്പോള്‍, ഒരു വേള
വെളനീരില്‍ വിരലുകള്‍
പരസ്പരം ഒട്ടിപ്പിടിച്ചുവോ?
അവളുടെ മഞ്ഞയാകാശത്ത്
ഏതോരോര്‍മ്മയില്‍ കഴുകന്‍
വട്ടമിട്ടു പറന്നുവോ?

മഞ്ഞയില്‍ അബ്ദുള്‍ സലാമിന്റെ കവിത

നീല തടാകത്തിലെ അരയന്നങ്ങള്‍ ...

noreply@blogger.com (ജെ. എസ്.) — Thu, 03 Sep 2009 03:32:00 +0000

വസന്ത കാലം... പെണ്‍കുട്ടികള്‍ ബിക്കിനികളിലാണ്. റ്റാറ്റൂ ചെയ്തു അലങ്കരിച്ച സമൃദ്ധമായ മുലകളുടെ കാഴ്ചകള്‍. വാക്സിട്ട തുടകളില്‍ സുര്യന്‍ പ്രതിബിംബിക്കുന്നു. പിടിച്ചു നില്‍ക്കുവാന്‍ ഒരു തരത്തിലും കഴിയുന്നില്ല... എങ്ങിനെയാണ് ദൈവമേ ഞാന്‍ ഈ റമളാനില്‍ കണ്ണുകളെ സൂക്ഷിക്കുക?

കൂടുതല്‍ വായിക്കുക...

പ്രയറി ബീറ്റ്സ് - കാനഡ വിശേഷങ്ങളുമായി അസീസ്

noreply@blogger.com (ജെ. എസ്.) — Thu, 06 Aug 2009 18:53:00 +0000

സ്റ്റെഫാനിയെ കൊല്ലുവാന്‍ പദ്ധതി ഇടുമ്പോള്‍ മെലീസക്ക് പതിനാറ് വയസായിരുന്നു. I want her dead! എട്ടു മാസം ഇത് അവള്‍ തന്റെ പതിനാലു കാരനായ ബോയ് ഫ്രണ്ടിനോട് നിരന്തരം പറഞ്ഞു കൊണ്ടിരുന്നു. ഈമെയിലുകളിലൂടെയും സെല്‍ ഫോണിലൂടെയും നിരന്തരം അവള്‍ തന്റെ ആവശ്യം ആവര്‍ത്തിച്ചു. എട്ട് മാസത്തിനൊടുവില്‍ ആ പതിനാലുകാരന്‍ കൊല്ലാമെന്ന് സമ്മതിച്ചു...

കാനഡയിലെ പ്രെയറി എന്ന പുല്‍മേടുകളുടെ നാട്ടില്‍ നിന്നും അസീസ് എഴുതുന്ന അത്യപൂര്‍വമായ പ്രവാസ വൃത്താന്തങ്ങള്‍ ഇനി e പത്രത്തില്‍.

ഉടന്‍ ആരംഭിക്കുന്നു. കനേഡിയന്‍ പ്രവാസ ജീവിതത്തിന്റെ നേര്‍കാഴ്ച്ചകളുമായി e പത്രത്തില്‍ അബ്ദുള്‍ അസീസ് എഴുതുന്ന കോളം - പ്രെയറി ബീറ്റ്സ്. (Prairie Beats)

കാത്തിരിക്കുക...

പള്‍സ് - ഗള്‍ഫിന്റെ തുടിപ്പുകള്‍

noreply@blogger.com (ജെ. എസ്.) — Fri, 24 Jul 2009 10:06:00 +0000

“ഫോണ്‍ കാര്‍ഡ് വേണോ മാഡം?” ഷാര്‍ജയിലെ റോളയില്‍, നഗര മധ്യത്തിലെ വിശാലമായ പാര്‍ക്ക്. അറബി വീട്ടിലെ തിരക്കിനിടയില്‍ വെള്ളിയാഴ്ചകളില്‍ വീണു കിട്ടുന്ന ഇടവേളകളില്‍ സുനിതയും സലീമയും ഇവിടെയെത്തും. പബ്ലിക് ഫോണ്‍ ബൂത്തില്‍ നാട്ടിലേക്ക് ഫോണ്‍ ചെയ്യും. കാര്‍ഡ് തീര്‍ന്ന് ഫോണ്‍ കട്ടായപ്പോഴാണ് കട്ടി മീശയുള്ള മെലിഞ്ഞ് ഇരു നിറത്തിലുള്ള ചെറുപ്പക്കാരന്റെ ചോദ്യം...

പ്രശസ്ത കഥാകൃത്തായ പുന്നയൂര്‍ക്കുളം സെയ്നുദ്ദീന്‍ ന്റെ കോളം ‘പള്‍സ്’ e പത്രത്തില്‍ പ്രസിദ്ധീകരിക്കുന്നു. പ്രവാസത്തിന്റെ ചൂടും ചൂരും മുറ്റി നില്‍ക്കുന്ന ഗള്‍ഫിന്റെ തുടിപ്പുകള്‍, വായനക്കാരനെ കഥയിലാക്കാനും കഥയോടൊപ്പം കൊണ്ടു പോവാനും കഴിവുള്ള തന്റെ തനതായ ശൈലിയില്‍, പുന്നയൂര്‍ക്കുളം വെബ് ലോകത്തിലേക്ക് പകര്‍ത്തുന്നു.

പള്‍സ് : ഗള്‍ഫിന്റെ തുടിപ്പുകള്‍

ഉടന്‍ ആരംഭിക്കുന്നു...

ബുഷും റൈസും

noreply@blogger.com (ജെ. എസ്.) — Thu, 25 Sep 2008 15:51:00 +0000

ബാ‍ഗ്ദാദ്

noreply@blogger.com (ജെ. എസ്.) — Tue, 05 Aug 2008 05:10:00 +0000

സഹൃദയ പടിയത്ത് അവാര്‍ഡുകള്‍ സമര്‍പ്പിച്ചു

Miss Venezuela Dayana Mendoza

noreply@blogger.com (ജെ. എസ്.) — Wed, 16 Jul 2008 07:12:00 +0000

വിവാദ പാഠ ഭാഗങ്ങള്‍

noreply@blogger.com (ജെ. എസ്.) — Fri, 27 Jun 2008 15:11:00 +0000

പാഠ ഭാഗങ്ങളുടെ പേജുകള്‍ സ്കാന്‍ ചെയ്ത് അയച്ചു തന്നത്: അനീഷ്

മത സൌഹാര്‍ദ്ദം ഔട്ട് ഓഫ് ഫാഷന്‍ ആയോ?

പുകയില വിരുദ്ധ ദിനം 2008

noreply@blogger.com (ജെ. എസ്.) — Sat, 31 May 2008 06:14:00 +0000

ആള്‍ ദൈവ അഗ്രിഗേറ്റര്‍

noreply@blogger.com (ജെ. എസ്.) — Sat, 24 May 2008 15:10:00 +0000

കേരളീയരുടെ മികച്ച ബ്ലോഗുകള്‍ എന്ന പട്ടിക പ്രസിദ്ധപ്പെടുത്തിയ e പത്രത്തിന് കേരളത്തിലെ മികച്ച ആള്‍ ദൈവങ്ങള്‍ എന്ന ഈ പട്ടിക പ്രസിദ്ധപ്പെടുത്തുന്നതില്‍ ദു:ഖമുണ്ട്. ഇതിലെ വിവരങ്ങള്‍ സമയാസമയങ്ങളില്‍ ഞങ്ങള്‍ അപ്ഡേറ്റ് ചെയ്യുന്നതാണ്. കൂടുതല്‍ വിവരങ്ങള്‍ വായനക്കാര്‍ക്ക് കമന്റായി ചേര്‍ക്കാവുന്നതുമാണ്.

1) സ്വാമി അമൃത ചൈതന്യ എന്ന സന്തോഷ് മാധവന്‍

2) സ്വാമി ഹിമവല്‍ മഹേശ്വര ഭദ്രാനന്ദ എന്ന അരുണ്‍ ചന്ദ്

3) സ്വാമി വിശ്വ ചൈതന്യ എന്ന സുനില്‍

4) സിദ്ധന്‍ ചന്ദ്രന്‍ മാമന്‍ എന്ന നാറകശ്ശേരി ചന്ദ്രന്‍

5) മുരളീകൃഷ്ണ സ്വാമി എന്ന മുരളി

6) സാം കുഴിക്കാല എന്ന ജോണ്‍ ടി. ജോസഫ്

7) ഗോപാലന്‍

8) മുതലമട സ്വാമി എന്ന സുനില്‍ ദാസ്

9) ഉസ്താദ്

10) ദിവ്യാ ജോഷി

11) തങ്കു ബ്രദര്‍ എന്ന മാത്യു കുരുവിള

ത്വരീഖത്ത് - പുതിയ ആള്‍ ദൈവ സംസ്കാരം

noreply@blogger.com (ജെ. എസ്.) — Sat, 24 May 2008 13:04:00 +0000

23 മെയ്

ആത്മീയതയും ആള്‍ ദൈവങ്ങളും വിവാദ കേന്ദ്രമായിരിക്കെ സംസ്ഥാനത്തെ മുസ്ലീം വിഭാഗങ്ങള്‍ക്കിടയില്‍ ത്വരീഖത്ത് എന്ന പുതിയ ആത്മീയ പ്രസ്ഥാനത്തെ ചൊല്ലി വിവാദം ഉയരുന്നു. ഈ പ്രസ്ഥാനത്തിന്റെ പ്രചാരകനായി മാറിയ അബ്ദുള്‍ നാസര്‍ മദനി ത്വരീഖത്തിന്റെ ആചാര്യനെ കാണാന്‍ ഈജിപ്റ്റില്‍ രഹസ്യ സന്ദര്‍ശനം നടത്തുകയാണ്.

ദസൂഖിയ ത്വരീഖത്ത് എന്ന ഇസ്ലാമിക പ്രസ്ഥാനത്തിന്റെ ഇന്ത്യയിലെ തന്നെ ആസ്ഥാനം കോഴിക്കോട് മൂഴിക്കലിലെ ഒരു പുഴയോരത്താണ് സ്ഥിതി ചെയ്യുന്നത്. ഈ പ്രസ്ഥാനം ഇപ്പോള്‍ കേരളത്തിലെ മുസ്ലീങ്ങള്‍ക്കിടയില്‍ ഏറെ തര്‍ക്ക വിഷയമാണ്. ഇതിന് പ്രധാന കാരണം പി. ഡി. പി. നേതാവ് അബ്ദുള്‍ നാസര്‍ മദനി ഈ പ്രസ്ഥാനത്തിന്റെ പ്രചാരകന്‍ ആയത് തന്നെ. മര്‍ഖബ എന്ന ധ്യാനം പോലെ മറ്റ് മുസ്ലീം വിഭാഗങ്ങള്‍ അംഗീകരിക്കാത്ത പല കാര്യങ്ങളുമാണ് ത്വരീഖത്ത് വിശ്വാസികള്‍ പ്രചരിപ്പിക്കുന്നത്.

ത്വരീഖത്തിന്റെ കോഴിക്കോട്ടെ ആസ്ഥാനത്ത് പതിവ് പള്ളികളിലെ അന്തരീക്ഷമല്ല ഉള്ളത്. ആരുടെയും ഛായാചിത്രങ്ങള്‍ പള്ളികളില്‍ സ്ഥാപിക്കില്ല എന്നാണ് മറ്റ് മുസ്ലീം വിഭാഗങ്ങളുടെ നിലപാട്. എന്നാല്‍ ചില ആചാര്യന്മാരുടെ ഫോട്ടോകള്‍ ഇവിടെ കാണാം. ഈ ചിത്രത്തിന്റെ മുന്നിലിരുന്നാണ് ഇവര്‍ ധ്യാനിക്കാറുള്ളത്.

കോയമ്പത്തൂര്‍ ജെയിലില്‍ വെച്ചാണ് പി. ഡി. പി. നേതാവ് അബ്ദുള്‍ നാസര്‍ മദനി ത്വരീഖത്തിന്റെ വക്താവായി മാറിയത്. മദനി ജെയിലിന് പുരത്തിറങ്ങിയാല്‍ അദ്ദേഹത്തെ മുന്‍ നിറുത്തി കേരളത്തില്‍ പുതിയൊരു രാഷ്ട്രീയ മുന്നേറ്റമുണ്ടാക്കാമെന്ന് ചില മുസ്ലീം സംഘടനകള്‍ കരുതിയിരുന്നു. എന്നാല്‍ അവരെ നിരാശരാക്കി മദനി നിശ്ശബ്ദനായി. ത്വരീഖത്തിന്റെ വക്താവായി പൂര്‍ണ്ണ സമയ ആത്മീയതയിലേക്ക് മദനി വഴി മാറുമെന്ന് ഭയന്ന് ഇവര്‍ ഏറെ കുറെ മദനിയെ ഉപേക്ഷിച്ച മട്ടാണ്.

ത്വരീഖത്തിന്റെ കേരളത്തിലെ നേതാവായ കക്കാട് മുഹമ്മദ് ഫൈസിയോടൊപ്പം ആഗോള ആചാര്യനായ ഷൈഖ് മുക്താര്‍ അലി മുഹമ്മദ് ദസൂഖിയെ കാണാന്‍ ഈജിപ്തിലേക്ക് പോയിരിക്കുകയാണ് മദനി ഇപ്പോള്‍.

ഇത് പുതിയ ആള്‍ ദൈവ സംസ്കാരം ആണെന്നാണ് എ. പി. സുന്നി വിഭാഗത്തിന്റെ ആരോപണം.

ഫാദര്‍ മാര്‍ട്ടിന്‍ ജോര്‍ജ്ജ്

noreply@blogger.com (ജെ. എസ്.) — Sat, 24 May 2008 13:02:00 +0000

കൂടുതല്‍ വിവരങ്ങള്‍ ലഭ്യമല്ല

23 മെയ്

ജീവകാരുണ്യ പ്രവര്‍ത്തനത്തിന്റെ പേരില്‍ തട്ടിപ്പ് നടത്തുന്നു എന്ന് ആരോപിച്ച് കോഴിക്കോട് മെഡിക്കല്‍ കോളേജിനടുത്തുള്ള ഫാദര്‍ മാര്‍ട്ടിന്‍ ജോര്‍ജ്ജിന്റെ ശാന്തി ഭവന്‍ എന്ന സ്ഥാപനത്തിലേക്ക് ബി. ജെ. പി. പ്രവര്‍ത്തകര്‍ മാര്‍ച്ച് നടത്തി. ഫാദര്‍ മാര്‍ട്ടിന്‍ ജോര്‍ജ്ജിന്റെ സമ്പാദ്യങ്ങളെ കുറിച്ച് വിശദമായ അന്വേഷണം നറ്റത്തണമെന്നും ബി. ജെ. പി. ആവശ്യപ്പെട്ടു.

ആള്‍ ദൈവ അഗ്രിഗേറ്റര്‍

ഗിരി സ്വാമി

noreply@blogger.com (ജെ. എസ്.) — Sat, 24 May 2008 13:01:00 +0000

കൂടുതല്‍ വിവരങ്ങള്‍ ലഭ്യമല്ല

23 മെയ്

കണ്ണൂര്‍ ജില്ലയിലെ മട്ടന്നൂരിനടുത്ത് നായാട്ട് പാറയിലെ ഗിരി സ്വാമിയുടെ ചൈതന്യാശ്രമം നൂറോളം വരുന്ന DYFI പ്രവര്‍ത്തകര്‍ അടിച്ചു തകര്‍ത്തു.

ആള്‍ ദൈവ അഗ്രിഗേറ്റര്‍

തങ്കു ബ്രദര്‍ എന്ന മാത്യു കുരുവിള

noreply@blogger.com (ജെ. എസ്.) — Sat, 24 May 2008 12:09:00 +0000

അരോപിക്കപ്പെട്ട കുറ്റകൃത്യങ്ങള്‍:

വ്യാജ ചികിത്സ

പണം തട്ടിപ്പ്

വര്‍ഷങ്ങള്‍ക്ക് മുന്‍പ് കോട്ടയം പട്ടണത്തില്‍ പൊട്ടിയ ഒരു ചിട്ടി കഥയിലെ കേന്ദ്ര കഥാപാത്രമായിരുന്നു തങ്കു ബ്രദര്‍ എന്നാണ് നാട്ടുകാര്‍ പറയുന്നത്. മാത്യു കുരുവിള എന്നായിരുന്നു ഇദ്ദേഹത്തിന്റെ പേര്‍. ചിട്ടി പൊട്ടിയതിനെ തുടര്‍ന്ന് വിദേശത്തേക്ക് പോയ ഇയാള്‍ വര്‍ഷങ്ങള്‍ക്ക് ശേഷം തങ്കു ബ്രദറായി പുനരവതരിച്ചു എന്നും നാട്ടുകാര്‍ പറയുന്നു. ദൈവവഴിയില്‍ ആയതോടെ പൂര്‍വാശ്രമ കഥകളൊക്കെ ബ്രദര്‍ മറന്നു എന്നാണ് നാട്ടുകാരുടെ പരാതി. രോഗശാന്തിയുടെ പേരില്‍ കണ്‍വെന്‍ഷനുകള്‍ സംഘടിപ്പിച്ച് ബ്രതര്‍ വളര്‍ന്നു. ആറ് വര്‍ഷം കോണ്ട് തങ്കു ബ്രദര്‍ കോടീശ്വരനായി. കോട്ടയത്തെ സ്വര്‍ഗീയ വിരുന്നിന്റെ ആസ്ഥാനം പടര്‍ന്ന് പന്തലിച്ചു. ഇതിനിടയിലെപ്പോഴോ മാത്യു കുരുവിള ഡോ. മാത്യു കുരുവിളയായി.

കണ്‍വന്‍ഷനില്‍ പങ്കെടുക്കുന്നവര്‍ക്ക് പണം നിക്ഷേപിക്കാന്‍ പന്തലില്‍ പ്രത്യേകം പെട്ടി സ്ഥാപിച്ചാണ് പ്രാര്‍ഥന.

ജീവകാരുണ്യ പ്രവര്‍ത്തനം വിശദമാക്കുന്ന സ്വര്‍ഗീയ വിരുന്നിന്റെ വെബ് സൈറ്റിലും സംഭാവനകള്‍ നിക്ഷേപിക്കാനുള്ള അക്കൌണ്ട് നമ്പര്‍ പ്രത്യേകം എടുത്ത് കാട്ടുന്നുണ്ട്. (മാധ്യമ ശ്രദ്ധയെ തുടര്‍ന്ന് ഈ പേജ് നീക്കം ചെയ്തു)

ആര്‍ഭാടം ഉപേക്ഷിക്കാന്‍ ആഹ്വാനം ചെയ്യുന്ന തങ്കു ബ്രതറിന്റെ കാരാപുഴയില്‍ നിര്‍മ്മാണത്തിലിരിക്കുന്ന വീട് ജില്ലയിലെ തന്നെ ഏറ്റവും വലുതാണെന്ന് നാട്ടുകാര്‍ പറയുന്നു.

22 മെയ്

രോഗ ശാന്തി ശ്രുശ്രൂഷയുടെ പേരില്‍ കോടികളുടെ അനധികൃത സ്വത്ത് സമ്പാദനം നടത്തിയെന്നാണ് കോട്ടയത്തെ തങ്കു ബ്രതറിനെ കുറിച്ചുള്ള പ്രതിഷേധക്കാരുടെ ആരോപണം. ഈ ആരോപണങ്ങളുടെ പശ്ചാത്തലത്തില്‍ അദ്ദേഹത്തിന്റെ സ്വത്ത് വിവരങ്ങളെ കുറിച്ച് പോലീസ് അന്വേഷണം തുടങ്ങി. തങ്കു ബ്രതറിന്റെ ആസ്ഥാനത്തേക്ക് ബി. ജെ. പി. യുടെയും ജനകീയ പ്രതിരോധ സമിതിയുടേയും പ്രവര്‍ത്തകര്‍ പ്രതിഷേധ മാര്‍ച്ച് നടത്തി.

ഇന്‍കം ടാക്സ് ഇന്റലിജന്‍സും കേന്ദ്ര ഇന്റലിജന്‍സ് ബ്യൂറോയും തന്നെ കുറിച്ചും തന്റെ സ്വത്തിനെ കുറിച്ചും അന്വേഷണം നടത്തിയതാണെന്ന് തങ്കു ബ്രതര്‍ പറഞ്ഞു. തനിക്കൊന്നും മറച്ചു വെയ്ക്കുവാന്‍ ഇല്ലെന്നും തങ്കു ബ്രദര്‍ പറഞ്ഞു.

23 മെയ്

സര്‍ക്കാര്‍ ശമ്പളം കൈപറ്റികൊണ്ട് തങ്കു ബ്രതറിന്റെ അവകാശ വാദങ്ങളെ സാക്ഷ്യപ്പെടുത്തുന്ന കോട്ടയം ജില്ലാ മെഡിക്കല്‍ ഓഫീസര്‍ക്കെതിരെ നടപടി എടുക്കണം എന്ന് ആവശ്യപ്പെട്ട് വിവിധ സംഘടനകള്‍ രംഗത്തെത്തി. മരുന്നില്ലാതെ മാറാ രോഗങ്ങള്‍ മാറ്റി എന്ന വാദങ്ങളാണ് ഡി. എം. ഓ. നേരിട്ട് പ്രത്യക്ഷപ്പെട്ട് സാക്ഷ്യപ്പെടുത്തുന്നത്.

കോട്ടയം ജില്ലാ മെഡിക്കല്‍ ഓഫീസര്‍ ബെഞ്ചമിന്‍ ജോര്‍ജ്ജ് തങ്കു ബ്രദറിന്റെ കടുത്ത ആരാധകനും അനുയായിയുമാണ്. കോട്ടയത്ത് നടന്ന കണ്‍വന്‍ഷനില്‍ പ്രാര്‍ഥന കോണ്ട് ഒരാളുടെ നടു വേദന മാറ്റി എന്ന തങ്കു ബ്രദറിന്റെ അവകാശവാദത്തെ ഡോക്ടര്‍ സാക്ഷ്യപ്പെടുത്തി. ഡി. എം ഓ യുടെ പദവിയിലിരുന്നു കോണ്ട് ബെഞ്ചമിന്‍ ഇത്തരം പ്രവര്‍ത്തികള്‍ ചെയ്യുന്നത് ശരിയല്ല എന്നാണ് ആക്ഷേപം. ഇത് മാത്രമല്ല സര്‍ക്കാര്‍ ശമ്പളം കൃത്യമായി കൈപറ്റുന്ന ഡി. എം. ഓയുടെ അല്‍ഭുത പ്രവര്‍ത്തികള്‍. ജില്ലാ ആശുപത്രിയില്‍ ഡോക്ടര്‍മാരും ജീവനക്കാരും ചേര്‍ന്ന് നിര്‍മ്മിച്ച പൂന്തോട്ടത്തില്‍ സ്വര്‍ഗ്ഗീയ വിരുന്നിന്റെ ബോര്‍ഡ് സ്ഥാപിക്കാന്‍ മുന്‍ കൈ എടുത്തത് ഇദ്ദേഹമാണ് എന്നാണ് ആരോപണം. അടുത്തയിടെ ഒരു സുവിശേഷ ചാനലില്‍ പ്രത്യക്ഷപ്പെട്ട പകര്‍ച്ച പനി ഇല്ലാതാവാന്‍ കാരണം തങ്കു ബ്രദറിന്റെ പ്രാര്‍ഥനയാണെന്ന് ഇദ്ദേഹം സാക്ഷ്യപ്പെടുത്തിയതായും ആക്ഷേപം ഉണ്ട്.

ആള്‍ ദൈവ അഗ്രിഗേറ്റര്‍

ദിവ്യാ ജോഷി

noreply@blogger.com (ജെ. എസ്.) — Sat, 24 May 2008 11:46:00 +0000

ആരോപിക്കപ്പെട്ട കുറ്റകൃത്യങ്ങള്‍:

വ്യാജ ചികിത്സ

ഇരിങ്ങാലക്കുടയ്ക്കടുത്ത് പരപ്പൂക്കരയിലെ തൊട്ടിപ്പാളിലാണ് ദിവ്യാ ജോഷിയുടെ ആശ്രമം. തൊട്ടിപ്പാളിലെ ചെറുമ്പത്ത് ശ്രീധരന്റെ മകള്‍ ദിവ്യ മൂന്ന് വര്‍ഷം മുന്‍പാണ് തന്നില്‍ വിഷ്ണുമായ കുടി കൊള്ളുന്നു എന്ന് പ്രഖ്യാപിച്ച് വീട്ടുവളപ്പില്‍ ക്ഷേത്രം സ്ഥാപിച്ച് പൂജകള്‍ തുടങ്ങിയത്. ദിവ്യയുടെ വിവാഹശേഷം ആയിരുന്നു ഇത്. ജോഷി ദിവ്യയുടെ ഭര്‍ത്താവാണ്. മൂന്ന് വര്‍ഷം കൊണ്ട് ദിവ്യാ ജോഷി നേടിയ സാമ്പത്തിക വളര്‍ച്ച അഭൂതപൂര്‍വമായിരുന്നു. 42 ലക്ഷം രൂപയുടെ വിദേശ കാറിലാണ് ഇവര്‍ സഞ്ചരിക്കുന്നത്.

ദിവ്യാ ജോഷിയുടെ വെബ് സൈറ്റ്

22 മെയ് 2009

തൃശ്ശൂര്‍ പറപ്പൂക്കരയില്‍ ദിവ്യാ ജോഷി എന്ന സന്യാസിനിയുടെ ആശ്രമം പോലീസ് റെയിഡ് ചെയ്തു. ആശുപത്രിയില്‍ ചികിത്സയില്‍ കഴിയുന്ന സന്യാസിനിയെ പോലീസ് ചോദ്യം ചെയ്തു.

ഗര്‍ഭാശയ ക്യാന്‍സര്‍ പൂജയിലൂടെ മാറ്റാമെന്ന് വിശ്വസിപ്പിച്ച് തന്നില്‍ നിന്ന് ദിവ്യാ ജോഷി ലക്ഷങ്ങള്‍ തട്ടിച്ചുവെന്ന നെടുപുഴ സ്വദേശിനി ലക്ഷ്മികുട്ടി അമ്മയുടെ പരാതിയെ തുടര്‍ന്നാണ് പോലീസ് ദിവ്യാ ജോഷിയുടെ ആശ്രമത്തില്‍ റെയിഡ് നടത്തിയത്. പോലീസിലെ പരാതിയെ കുറിച്ച് അറിഞ്ഞ ഉടന്‍ ദിവ്യാ ജോഷി തൃശ്ശൂരില്‍ സ്വകാര്യ ആശുപത്രിയില്‍ ചികിത്സയ്ക്കായി അഡ്മിറ്റാവുകയായിരുന്നു.മറ്റൊരു സംഘം പോലീസ് ആശുപത്രിയിലെത്തി ദിവ്യാ ജോഷിയുടെ ഭര്‍ത്താവ് ജോഷിയെ കസ്റ്റഡിയില്‍ എടുത്തിട്ടുണ്ട്. ചികിത്സയിലായത് കൊണ്ട് ദിവ്യാ ജോഷിയെ പോലീസ് ചോദ്യം ചെയ്തിട്ടില്ല. എന്നാല്‍ അവരുടെ മുറിയുടെ പുറത്ത് പോലീസ് കാവല്‍ ഏര്‍പ്പെടുത്തിയിരിക്കുകയാണ്.

23 മെയ്
കേരളത്തിലെ കപട സന്യാസിമാരില്‍ ഭൂരിഭാഗവും ദീര്‍ഘ നാള്‍ മനോരോഗ ചികിത്സയ്ക്ക് വിധേയരായിട്ടുള്ളവരാണെന്ന് പ്രശസ്തരായ സൈക്കിയാട്രിസ്റ്റുകള്‍ സാക്ഷ്യപ്പെടുത്തുന്നു. ഇന്നലെ പോലീസ് ആശ്രമം റെയിഡ് ചെയ്ത ത്രിശ്ശൂരിലെ സന്യാസിനി ദിവ്യാ ജോഷിയും ദീര്‍ഘ നാള്‍ മനോരോഗ ചികിത്സയ്ക്ക് വിധേയ ആയിട്ടുണ്ട്.

തൃശ്ശൂരിലെ വെസ്റ്റ്ഫോര്‍ട്ട് എന്ന ഹൈ ടെക് ആശുപത്രിയിലാണ് ദിവ്യാ ജോഷി ഇപ്പോള്‍ ചികിത്സയില്‍ കഴിയുന്നത്. ആശുപത്രി രേഖകള്‍ പ്രകാരം അഞ്ച് വര്‍ഷം മുന്‍പാണ് ദിവ്യ ഇവിടെ ആദ്യമായി ചികിത്സ തേടി എത്തുന്നത്. മനോരോഗത്തിനായിരുന്നു ചികിത്സ. ഏതാണ്ട് രണ്ട് വര്‍ഷത്തോളം തുടര്‍ച്ചയായി ദിവ്യ ഈ ആശുപത്രിയിലെ സൈക്ക്യാട്രിസ്റ്റിന്റെ ചികിത്സയ്ക്ക് വിധേയയായി. ഇതിനു ശേഷമാണ് തന്നില്‍ വിഷ്ണു മായ കുടി കൊള്ളുന്നു എന്ന് പ്രഖ്യാപിച്ച് വീട്ടു വളപ്പില്‍ ആശ്രമവും ക്ഷേത്രവും പണിത് സന്യാസിനി ആയി മാറിയത്. സന്യാസിനി ആയ ശേഷവും ഒരു വര്‍ഷത്തോളം ചികിത്സ തുടര്‍ന്നു.

ദിവ്യ ജോഷി മാത്രമല്ല ഹിമവല്‍ ഭദ്രാനന്ദ അടക്കമുള്ള പല കപട സന്യാസിമാരും പൂര്‍വാശ്രമത്തില്‍ കേരളത്തിലെ പ്രമുഖരായ സൈക്ക്യാട്രിസ്റ്റുകളുടെ ചികിത്സ തേടിയിട്ടുണ്ട്. മനോരോഗികളായിരുന്ന ഇവര്‍ സന്യാസജീവിതം ആരംഭിച്ച ശേഷം ഏറ്റവും കൂടുതല്‍ ശ്രദ്ധ ചെലുത്തുന്നത് മനോരോഗ ചികിത്സയിലാണ് എന്നത് ശ്രദ്ധേയമാണ്.

18 സെപ്റ്റെംബര്‍ 2009
ദിവ്യാ ജോഷി വിഷം കഴിച്ചു ആത്മഹത്യ ചെയ്തു

ആള്‍ ദൈവ അഗ്രിഗേറ്റര്‍

ഉസ്താദ്

noreply@blogger.com (ജെ. എസ്.) — Sat, 24 May 2008 11:18:00 +0000

ആരോപിക്കപ്പെട്ട കുറ്റകൃത്യങ്ങള്‍:

വ്യാജ ചികിത്സ

വെള്ളം ജപിച്ചു നല്‍കി രോഗ ശാന്തി നല്‍കുന്നു എന്ന് അവകാശപ്പെട്ട് ലക്ഷങ്ങള്‍ സമ്പാദിക്കുന്ന നിരവധി സിദ്ധന്മാരുണ്ട് മലബാറില്‍. ഇത്തരത്തില്‍ സമ്പന്നനായ ഒരാളാണ് കോഴിക്കോട് കളംതോട്ടിലെ ഉസ്താദ്.

ദിനം പ്രതി സ്ത്രീകള്‍ അടക്കം നൂറ് കണക്കിന് ആളുകളാണ് ഇവിടെ ചികിത്സ തേടി എത്തുന്നത്. ഉസ്താദിന്റെ ചികിത്സ തേടി എത്തുന്നവര്‍ കൂറ്റന്‍ മതിലിനു മുന്‍പില്‍ സ്ഥാപിച്ച ഒരു ബോര്‍ഡ് വായിച്ചതിന് ശേഷമേ അകത്ത് കയറാവൂ. “മുജാഹിദ്, ജമാഅത്തെ ഇസ്ലാമി, തബ്ലീഗ്, പോലത്തെ പുത്തന്‍ ആശയക്കാര്‍ക്ക് ഈ വളപ്പിലേക്ക് പ്രവേശനമില്ല” എന്നാണ് ബോര്‍ഡില്‍.

അകത്ത് സ്ത്രീകള്‍ക്കും പുരുഷന്മാര്‍ക്കും അന്യ മതസ്ഥര്‍ക്കും വെവ്വേറെ സൌകര്യങ്ങളാണ് ഒരുക്കിയിരിക്കുന്നത്. സൈക്കിള്‍ നന്നാക്കലായിരുന്നു കരീമിന് പണി. പിന്നീട് ഉസ്താദായി. പ്രൈമറി വിദ്യാഭ്യാസം മാത്രമുള്ള ഉസ്താദിന്റെ കൈയ്യില്‍ എല്ലാ മാരക രോഗങ്ങള്‍ക്കും ചികിത്സയുണ്ട്.

“വെള്ളം ഇതിന് പ്രധാനമൊന്നുമല്ല. വെള്ളം ഈ വിഷയത്തില്‍ ഇല്ലേ ഇല്ല. വിശ്വാസം, പ്രാര്‍ഥന. വെള്ളം ഉണ്ടെന്ന് ആരാണ് നിങ്ങളോട് പറഞ്ഞത്?” ഉസ്താദ് ചോദിക്കുന്നു. ഉസ്താദിന്റെ വാദം ഇങ്ങിനെ ആണെങ്കിലും വഴി നീളെയുള്ള കടകളിലും ഉസ്താദിന്റെ വീട്ടിലും വിശ്വാസികളുടെ കയ്യിലും വെള്ളം കോണ്ട് പോകുന്ന കന്നാസുകള്‍ ധാരാളം കാണാമായിരുന്നു.

താന്‍ വിശ്വാസികളില്‍ നിന്ന് പണം സ്വീകരിക്കാറില്ലെന്ന് അവകാശപ്പെടുമ്പോളും ഓരോ ദിവസവും ഇവിടെ എത്തുന്നവര്‍ക്ക് സൌജന്യമായി ഭക്ഷണം നല്‍കുന്നുണ്ട്. ഉസ്താദിന്റെ പ്രവര്‍ത്തനങ്ങളും വരുമാന സ്രോതസ്സും അന്വേഷിക്കണമെന്ന ആവശ്യം ശക്തമാണ്. ഉസ്താദിന്റെ പ്രവര്‍ത്തനങ്ങളെ സംശയത്തോടെ കാണുന്നവര്‍ പോലും പല കാരണങ്ങള്‍ കോണ്ട് ഉസ്താദിനെതിരെ പ്രതികരിക്കാന്‍ തയ്യാറല്ല.

ആള്‍ ദൈവ അഗ്രിഗേറ്റര്‍

മുതലമട സ്വാമി എന്ന സുനില്‍ ദാസ്

noreply@blogger.com (ജെ. എസ്.) — Sat, 24 May 2008 07:07:00 +0000

ആരോപിക്കപ്പെട്ട കുറ്റകൃത്യങ്ങള്‍:

വ്യാജ ചികിത്സ
പണം തട്ടിപ്പ്

21 മെയ്

ജീവകാരുണ്യ പ്രവര്‍ത്തനങ്ങളുടെ മറവില്‍ കോടി കണക്കിന് രൂപയുടെ ഭൂമി വാങ്ങി കൂട്ടുകയാണ് മുതലമട സ്വാമി എന്നറിയപ്പെടുന്ന പാലക്കാട്ടെ സ്നേഹം ചാരിറ്റബ്ള്‍ ട്രസ്റ്റിന്റെ ചെയര്‍മാന്‍ കൂടി ആയ സുനില്‍ ദാസ്. എയിഡ്സ് രോഗികളുടെയും കുഷ്ഠ രോഗികളുടെയും പുനരധിവാസത്തിന് സമാഹരിച്ച പണം ഉപയോഗിച്ചാണ് ഭൂമി വാങ്ങി കൂട്ടുന്നത് എന്നറിയുന്നു.

പല്ലശനയിലെ ഒരു സഹകരണ ബാങ്ക് ജീവനക്കാരനായിരുന്ന സുനില്‍ ദാസാണ് പിന്നീട് സുനില്‍ ജി യും സുനില്‍ സ്വാമിയുമൊക്കെയായി മാറിയത്. സത്യ സായി സേവാ സമിതി അംഗം ആയിരുന്ന ഇയാള്‍ അവിടെ നിന്ന് പിന്മാറി മുതലമടയിലുള്ള സ്വന്തം വീട് സ്നേഹം ചാരിറ്റബ്ള്‍ ട്രസ്റ്റാക്കി മാറ്റുകയായിരുന്നു.

എയിഡ്സ് രോഗികളുടെയും കുഷ്ഠ രോഗ്ഗികളുടെയും പുനരധിവാസം, പാവപ്പെട്ട രോഗികള്‍ക്ക് സൌജന്യ ചികിത്സ, എല്ലാ ദിവസവും അന്ന ദാനം എന്നിവയാണ് ട്രസ്റ്റിന്റെ മുഖ്യ പ്രവര്‍ത്തനങ്ങളായി എടുത്ത് കാണിക്കപ്പെടുന്നത്.

സമൂഹത്തിലെ ഉന്നതരായ പല വ്യക്തികളേയും ഈ സംരംഭങ്ങളില്‍ പങ്കാളികളാക്കാനും സുനില്‍ ദാസിന് കഴിഞ്ഞു. പ്രവര്‍ത്തനങ്ങള്‍ക്കായി ഇവരുടെ കയ്യില്‍ നിന്നും വന്‍ തോതില്‍ സംഭാവനയും സ്വീകരിച്ചു തുടങ്ങി. വേണ്ട പോലെ പണം വേണ്ട കാര്യങ്ങള്‍ക്ക് വിനിയോഗിക്കുന്നില്ല എന്ന് കണ്ട പല അനുയായികളും ഇയാളെ വിട്ട് പോയിക്കൊണ്ടിരുന്നു.

ജീവ കാരുണ്യ പ്രവര്‍ത്തനങ്ങള്‍ക്കായി ലഭിക്കുന്ന പണം ഭൂമി വാങ്ങി കൂട്ടാനായിട്ടാണ് വിനിയോഗിക്കുന്നതെന്നാണ് ആരോപണം. കൂടാതെ ബിനാമി പേരുകളിലും ഭൂമി വാങ്ങുന്നതായി ആരോപണമുണ്ട്. അതേ സമയം മൂന്നേക്കര്‍ ഭൂമി മാത്രമാണ് ട്രസ്റ്റിന്റെ പേരിലുള്ളതെന്നാണ് സുനില്‍ ദാസ് പറയുന്നത്.

മുതലമട സ്വാമി എന്നറിയപ്പെടുന്ന സുനില്‍ ദാസിന്റെ പ്രവര്‍ത്തനങ്ങള്‍ അന്വേഷിക്കണമെന്ന് ആവശ്യപ്പെട്ട് മുഖ്യമന്ത്രിക്ക് വിവിധ സംഘടനകള്‍ പരാതി അയച്ചു. ജന ജാഗ്രത, പാലക്കാട് മുന്നോട്ട്, പി. യു. സി. എല്‍. എന്നിവരാണ് പരാതി അയച്ചത്.

അതിനിടെ ട്രസ്റ്റിന്റെ നടപടികള്‍ സുതാര്യമാണെന്നും ഏത് അന്വേഷണത്തേയും നേരിടാന്‍ തയ്യാറാണെന്നും സുനില്‍ ദാസ് പാലക്കാട് വാര്‍ത്താകുറിപ്പില്‍ അറിയിച്ചു. അന്തരിച്ച സിനിമാ താരം ശ്രീവിദ്യയില്‍ നിന്നും സുനില്‍ ദാസ് ലക്ഷക്കണക്കിന് രൂപ തട്ടിയെടുത്തതായി പ്രശസ്ത സിനിമാ സംവിധായകനായ ശ്രീകുമാരന്‍ തമ്പി, നടനും എ. എല്‍. എ. യുമായ കെ. ബി. ഗണേഷ് കുമാര്‍ എന്നിവര്‍ വെളിപ്പെടുത്തി.

22 മെയ്

മുതലമട സ്വാമി എന്നറിയപ്പെടുന്ന പാലക്കാട്ടെ സ്നേഹം ചാരിറ്റബ്ള്‍ ട്രസ്റ്റ് ചെയര്‍മാന്‍ സുനില്‍ ദാസ് എയിഡ്സ് രോഗികള്‍ക്ക് മരുന്നായി നല്‍കുന്നത് ഭസ്മമാണെന്ന് അനുഭവസ്ഥര്‍ പറയുന്നു. എയിഡ്സ് രോഗത്തിന് സ്നേഹം ചാരിറ്റബ്ള്‍ ട്രസ്റ്റിന് കീഴില്‍ ചികിത്സ തേടിയിരുന്ന പുതുശ്ശേരി സ്വദേശി അശോകനാണ് ഈ വെളിപ്പെടുത്തലുമായി രംഗത്തെത്തിയിരിക്കുന്നത്.

ഒരു നുള്ള് ഭസ്മം കാലത്ത് ഒരു ഗ്ലാസ് വെള്ളത്തില്‍ കലക്കി വെറും വയറ്റില്‍ കഴിക്കുക എന്നതായിരുന്നു ചികിത്സ. ഇത് കഴിച്ചാല്‍ എയിഡ്സ് ഉള്‍പ്പടെ എന്ത് അസുഖങ്ങള്‍ ഉണ്ടെങ്കിലും മാറും എന്ന് ഇയാള്‍ പറഞ്ഞിരുന്നുവത്രെ. എയിഡ്സ് രോഗികള്‍ക്ക് വില കൂടിയ മരുന്നുകള്‍ നല്‍കുന്നുണ്ടെന്നാണ് സുനില്‍ ദാസ് നേരത്തെ വ്യക്തമാകിയിരുന്നത്. എന്നാല്‍ ഏത് രോഗമായാലും മരുന്ന് ഭസ്മമാണെന്ന് അശോകന്‍ പറയുന്നു. തനിക്കും ഭാര്യ അജിതയ്ക്കും മരുന്ന് സ്പോണ്‍സര്‍ ചെയ്ത പ്രൊഫസര്‍ എം. എന്‍. വിജയന്‍ മാഷേയും സുനില്‍ ദാസ് ചതിച്ചു എന്ന് അശോകന്‍ പറഞ്ഞു.

എയിഡ്സ് രോഗികളായ അശോകന്റെയും അജിതയുടെയും വിവാഹം നടത്തിയ സുനില്‍ ദാസ് പക്ഷെ ഇത് ലോകത്തില്‍ തന്നെ ആദ്യ സംഭവമാണെന്ന് വിശേഷിപ്പിച്ച് പലരില്‍ നിന്നും സംഭാവന വാങ്ങി. തങ്ങളെ സംരക്ഷിക്കാമെന്ന് വാഗ്ദാനം നല്‍കിയിരുന്നുവെങ്കിലും പിന്നീട് കൈവിട്ടു എന്നും അശോകന്‍ പറഞ്ഞു.

അഞ്ഞൂറോളം എയിഡ്സ് രോഗികള്‍ക്ക് സഹായം നല്‍കുന്നുണ്ടെന്ന് സുനില്‍ ദാസ് പറയുമ്പോഴും മുതലമടയിലുള്ളത് വെറും ആറ് പേര്‍ മാത്രമാണെന്നും അശോകന്‍ അറിയിച്ചു.

ആള്‍ ദൈവ അഗ്രിഗേറ്റര്‍

ഗോപാലന്‍

noreply@blogger.com (ജെ. എസ്.) — Sat, 24 May 2008 06:59:00 +0000

കോഴിക്കോട് ഫറോക്കില്‍ ആള്‍ ദൈവം ആണെന്ന് സ്വയം പ്രഖ്യാപിച്ച് തിളക്കുന്ന വെള്ളത്തില്‍ കുരുതി പൂജ നടത്തുന്ന ഗോപാലനെതിരെ യുക്തിവാദി സംഘം രംഗത്തെത്തി. തിളക്കുന്ന വെള്ളം പൂക്കുല കോണ്ട് ശരീരത്തിലടിക്കുന്ന ഗോപാലന്റെ അതേ വിദ്യ അവതരിപ്പിച്ചു കോണ്ടാണ് യുക്തിവാദികള്‍ ഈ തട്ടിപ്പ് വെളിച്ചത്ത് കോണ്ട് വന്നത്.

ഒരു മാസം മുന്‍പ് ഫറോക്കില്‍ വെച്ച് ഗോപാലന്‍ നടത്തിയ തിളക്കുന്ന വെള്ളത്തിലെ കുരുതിയില്‍ നൂറ് കണക്കിന് ഭക്തരാണ് ഇയാളുടെ അനുഗ്രഹം വാങ്ങാന്‍ എത്തിയത്. തുടര്‍ന്നും നാട്ടുകാരെ കബളിപ്പിക്കുവാന്‍ തുടങ്ങിയ ഗോപാലന്റെ ചെപ്പടി വിദ്യ യുക്തിവാദി സംഘം അനാവരണം ചെയ്യുകയായിരുന്നു.

സുനില്‍ പെരിക്കാത്തലയാണ് ഈ വിദ്യ ജനങ്ങള്‍ക്ക് വേണ്ടി അവതരിപ്പിച്ചത്. യുക്തിവാദി സംഘത്തിന്റെ പ്രകടനം കാണാന്‍ നൂറ് കണക്കിന് ആളുകളാണ് ഫറോക്കില്‍ എത്തിയത്.

യുക്തിവാദി സംഘത്തിന്റെ പരിപാടിക്കെതിരെ പ്രകടനവുമായി എത്തിയ ആര്‍. എസ്. എസ്. പ്രവര്‍ത്തകരെ പോലീസ് അറസ്റ്റ് ചെയ്തു. നാട്ടുകാരുടെ പിന്തുണയോട് കൂടിയാണ് യുക്തിവാദി സംഘം പരിപാടി നടത്തിയത്.

ആള്‍ സ്വാമി അഗ്രിഗേറ്റര്‍

സാം കുഴിക്കാല എന്ന ജോണ്‍ ടി. ജോസഫ്

noreply@blogger.com (ജെ. എസ്.) — Sat, 24 May 2008 06:47:00 +0000

ആരോപിക്കപ്പെട്ട കുറ്റകൃത്യങ്ങള്‍:

വഞ്ചന

പണം തട്ടിയെടുക്കല്‍

വ്യാജ സ്വാമിമാര്‍ക്ക് പിന്നാലെ സുവിശേഷ ഗായകനെതിരെയും പരാതി ലഭിച്ചു. പെന്തക്കോസ്ത് ഗായകനായ സാം കുഴിക്കാല പലരില്‍ നിന്നും ലക്ഷങ്ങള്‍ തട്ടിച്ചെന്നാണ് പരാതി. ഇയാള്‍ക്കെതിരെ തിരുവനന്തപുരം സി. ജെ. എം. കോടതിയില്‍ അറസ്റ്റ് വാറണ്ടും പുറപ്പെടുവിച്ചിട്ടുണ്ട്.

പത്തനംതിട്ട കോഴഞ്ചേരി നാരങ്ങാനം സ്വദേശിയായ സാം കുഴിക്കാല എന്ന ജോണ്‍ ടി. ജോസഫിനെതിരായ പരാതികള്‍ നിരവധിയാണ്. ഒരേ സമയം വ്യവസായിയും സുവിശേഷകനും ചമഞ്ഞ് പണം തട്ടിയെടുത്തെന്നാണ് പരാതി.

തിരുവനന്തപുരത്തെ ഒരു അഭിഭാഷകയെ കബളിപ്പിച്ച് പതിനഞ്ച് ലക്ഷം രൂപ തട്ടിയെടുത്ത കേസിലാണ് ഇയാള്‍ക്കെതിരെ അറസ്റ്റ് വാറണ്ട് പുറപ്പെടുവിച്ചത്. വിജിലന്‍സ് സ്പെഷ്യല്‍ പ്രോസിക്യൂട്ടറായി നിയമനം വാങ്ങി തരാം എന്ന് പറഞ്ഞാണ് പണം തട്ടിയെടുത്തത്. ഈ കേസില്‍ തിരുവനന്തപുരത്തെ ഇയാളുടെ വീട് കണ്ട് കെട്ടാനും ഉത്തരവുണ്ടായിരുന്നു.

പണം തട്ടിയെടുത്തതുമായി ബന്ധപ്പെട്ട് നിരവധി പ്രവാസി മലയാളികള്‍ സാം കുഴിക്കാലയ്ക്കെതിരെ കേരള പോലീസിന്റെ എന്‍. ആര്‍. ഐ. സെല്ലില്‍ പരാതികള്‍ നല്‍കിയിട്ടുണ്ട്. മുംമ്പൈയിലെ ഒരു വ്യാപാരിയില്‍ നിന്നും അഞ്ച് ലക്ഷം രൂപയും കൊടൈക്കനാല്‍ ക്രിസ്ത്യന്‍ കോളേജ് ഉടമയാണെന്ന വ്യാജ രേഖ ഉണ്ടാക്കി അന്‍പത് ലക്ഷം രൂപയും തട്ടിയെടുത്ത പരാതികളും ഇയാള്‍ക്കെതിരെയുണ്ട്.

അതേ സമയം തനിക്കെതിരെയുള്ള പരാതികള്‍ ശത്രുക്കള്‍ കെട്ടിച്ചമച്ചതാണെന്നും സാം കുഴിക്കാല പ്രതികരിച്ചു. അറസ്റ്റ് വാറണ്ടും നിരവധി പരാതികളും ലഭിച്ചിട്ടും ഇയാള്‍ക്കെതിരെ പോലീസ് നേരിട്ട് ഒരു നടപടിയും എടുത്തിട്ടില്ല.

ആള്‍ ദൈവ അഗ്രിഗേറ്റര്‍