കടല്‍ വറ്റിയ ഇടമാണ്‌
(നിന്റ്റെ കണ്ണുകളല്ല)
കടലിന്നടിയിലെ പാറയായിരുന്നു
ഈ പര്‍വതം
തുറന്നു നോക്കിയാല്‍
ജലജീവികളുടെ ഫോസിലുകള്‍
കണ്‍ടേക്കാം.
മടക്കുകളില്‍ ഇത്തിളുകള്‍
കക്കത്തോടുകള്‍ കാണാം
അടര്‍ത്തിയെടുക്കാം.
ഉപ്പുവെള്ളം താഴ്ന്നു താഴ്ന്നു
വറ്റിപ്പോയതി ന്നോര്‍മ്മ പ്പാളികള്‍.
ഇതിന്നുച്ചിയാണ്‌
നാടു കാക്കാന്‍ നിന്നവരുടെ ഇടം.
ഏതവനും കപ്പലുമായ്
വരുന്നതു കാണാം.
*കപ്പല്‍ കാണുന്നേരം
കടലും കപ്പലും ശത്രുക്കള്‍ തന്നെ.
കടല്‍ വറ്റിച്ച് കപ്പലിനോടാന്‍
വഴിയില്ലാതാക്കാന്‍ തോന്നും.
കടല്‍ കുടിച്ചു തീര്‍ക്കുന്ന മല്‍സ്യമേ
നീ വന്നാലും എന്ന പ്രാര്‍ത്ഥന
ജനിക്കും.
അടിയിലെത്തിയപ്പോള്‍
പാമ്പു കൊത്തി നീലിച്ച
ഒരാട്ടിന്‍കുട്ടിയെ കണ്ടു
ഉച്ചിയിലിരുന്ന് കപ്പലു വരുന്നേ
കപ്പലു വരുന്നേ എന്ന് ആട്ടിന്‍ കുട്ടിയോട്
ആര് പറയാന്‍ .
-
ടി.എ.ശശി *റാസ് അല്‍ ഖൈമയിലെ ദയ ഫോര്‍ട്ട് കണ്ട ഓര്‍മ്മ
Labels: t-a-sasi
6 Comments:
pahayaaaaaaaaaaa
കുഞ്ഞു കൊക്കുകള്‍ക്കു വഴങ്ങുമായിരിക്കും ഈ കവിയുടെ കവിതകളിലെ പ്രമേയങ്ങളെ പക്ഷെ ഇത്‌ അമാശയത്തില്‍ ദഹിക്കാനാരഭിച്ചാല്‍..സത്യം കണ്ണുകളില്‍ നിന്ന് ഊര്‍ജ്ജം തെറിക്കും. നിഷാദന്‍റെ പാപത്തിന്‌ ഇതാ ശശിയേട്ടന്‍റെ വക പുതിയ പുരാവൃത്തം. അലസവായനയ്ക്ക്‌ നിന്നുകൊടുക്കാത്ത ഒരു കവിതകൂടി....
ഇനി സ്വര്‍ഗ്ഗത്തിലേക്കെങ്ങിനെ പോകും??
ഭാവന കൊള്ളാം ശശിയേട്ടാ...സ്വര്ഗ്ഗം നഷ്ടപ്പെട്ടപ്പോള്‍ നമ്മുക്ക് ആദ്യ കാവ്യമുണ്ടായതെന്നു സദയം ഓര്‍ക്കുമ്മല്ലോ ? :)
" സ്വര്ഗ്ഗം കിട്ടുന്നോര്‍ക്കെല്ലാം
പക്ഷികളേക്കാള്‍
ഭാര ക്കുറവായിരുന്നു. "
ശരിയാണ്.
അതങ്ങനെയാവാനേ തരമുള്ളൂ!
Pakshe swrgathilulla ente Bharam Ualla athrayum thanneyum...!!
manoharam, Ashamsakal...!!!
Post a Comment
Links to this post:
Create a Link
« ആദ്യ പേജിലേക്ക്