 |
 |
 |
 |
 |
 |
 |
 |
 |
 |
 |
 |
 |
 |
| |
|
|
|
|
|
|
| |
|
|
|
|
|
|
അബുദാബി : പൗരന്മാർക്ക് സമഗ്ര ആരോഗ്യ പരിരക്ഷ സംവിധാനം ഒരുക്കും എന്നുള്ള പ്രഖ്യാപനവുമായി യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ.
പുതിയ ഏകീകൃത ദേശീയ ആരോഗ്യ പരിരക്ഷാ പദ്ധതി പ്രകാരം എല്ലാ എമിറേറ്റുകളിലെയും യു. എ. ഇ. പൗരന്മാർക്ക് സമഗ്രമായ ആരോഗ്യ പരിചരണവും പരിരക്ഷയും മികച്ച ചികിത്സാ സൗകര്യങ്ങളും ഉയർന്ന നിലവാരം ഉള്ള സേവനങ്ങളും ഉറപ്പാക്കും.
യു. എ. ഇ. യിലെ ഹെൽത്ത് കെയർ സിസ്റ്റം ആഗോള തലത്തിൽ ഉയർന്ന നിലവാരത്തിനും കാര്യ ക്ഷമതക്കും ഏറെ പ്രശസ്തമാണ് എങ്കിലും പുതിയ ഹെൽത്ത് ഇൻഷ്വറൻസ് സംവിധാനം കൂടുതൽ കാര്യക്ഷമത വർദ്ധിപ്പിക്കും എന്ന് പ്രതീക്ഷിക്കുന്നു. ഉയർന്ന അന്തർ ദേശീയ മാന ദണ്ഡങ്ങൾക്ക് അനുസൃതമായുള്ള സേവനവും ഇതിലൂടെ ലഭ്യമാക്കും.
പ്രതിരോധ പരിചരണം ശക്തിപ്പെടുത്താനും സുസ്ഥിര ദേശീയ ആരോഗ്യ സംരക്ഷണ മാതൃകയിലേക്കുള്ള പരിവർത്തനവും ഇത് ലക്ഷ്യം വെക്കുന്നു.
യു. എ. ഇ. പൗരന്മാരുടെ ആരോഗ്യത്തിനും മികച്ച ജീവിത സാഹചര്യങ്ങൾക്കും ഭരണ കൂടം നൽകുന്ന പ്രാധാന്യത്തിന്റെ തെളിവാണ് ഈ പദ്ധതി. W A M
മുതിർന്ന കോൺഗസ് നേതാവും കോട്ടയം എം. എൽ. എ. യുമായ തിരുവഞ്ചൂർ രാധാകൃഷ്ണൻ പതിനാറാം നിയമ സഭക്കു നേതൃത്വം നൽകും. വെള്ളിയാഴ്ച രാവിലെ നടന്ന സ്പീക്കർ തെരഞ്ഞെടുപ്പിൽ നിയമ സഭാ സ്പീക്കറായി തിരുവഞ്ചൂര് രാധാകൃഷ്ണനെ ബാലറ്റിലൂടെ തെരഞ്ഞെടുത്തു. 101 വോട്ടു നേടിയാണ് അദ്ദേഹം സ്പീക്കർ പദവിയിൽ എത്തിയത്.
138 വര്ഷത്തെ പാരമ്പര്യമുള്ള സംസ്ഥാന നിയമ സഭയില് 25 ആമത്തെ സ്പീക്കറായി തെരഞ്ഞെടുക്ക പ്പെട്ടു എന്നതിൽ അഭിമാനം ഉണ്ടെന്നും തിരുവഞ്ചൂർ പറഞ്ഞു.
സ്പീക്കർ സ്ഥാനത്തേക്ക് മൂന്നു മുന്നണികളും മത്സരിച്ചിരുന്നു. ഇടതു മുന്നണിയുടെ എ. സി. മൊയ്തീന് 35 വോട്ടും ബി. ജെ. പി. സ്ഥാനാർത്ഥിക്ക് മൂന്നു വോട്ടും ലഭിച്ചു.
പുതിയ യു.ഡി.എഫ് സർക്കാരിന്റെ നയപ്രഖ്യാപന പ്രസംഗത്തിനായി കേരള നിയമസഭ 2026 മേയ് 29 വെള്ളിയാഴ്ച വീണ്ടും സമ്മേളിക്കും. ഗവർണർ രാജേന്ദ്ര വിശ്വനാഥ് അർലേക്കർ സർക്കാരിന്റെ പുതിയ കർമ്മപദ്ധതികളും വികസന കാഴ്ചപ്പാടുകളും സഭയിൽ അവതരിപ്പിക്കും. സ്പീക്കർ തിരഞ്ഞെടുപ്പ് പൂർത്തിയായതോടെ സഭ താൽക്കാലികമായി പിരിഞ്ഞിരിക്കുകയാണ്. പുതിയ സർക്കാരിന്റെ ആദ്യ ബജറ്റും ഈ സമ്മേളനത്തിൽ തന്നെ അവതരിപ്പിക്കുമെന്നാണ് സൂചനകൾ.
ചെന്നൈ : ഭാര്യ- ഭർത്താക്കന്മാർക്ക് ഇടയിലെ വിവാഹേതര ബന്ധത്തിന്റെ പേരിൽ വിവാഹ മോചനം അനുവദിക്കുവാൻ ദമ്പതിമാരിൽ ഒരാൾ അവിഹിത ലൈംഗിക ബന്ധത്തിൽ ഏർപ്പെട്ടു എന്നതിന് സാഹചര്യ തെളിവുകൾ മതി എന്ന് മദ്രാസ് ഹൈക്കോടതി.
വിവാഹേതര ലൈംഗിക ബന്ധങ്ങൾ എല്ലാം തന്നെ അതീവ രഹസ്യമാണ് എന്നതു കൊണ്ട് അതിന് നേരിട്ടുള്ള തെളിവ് ഹാജരാക്കുവാൻ ബുദ്ധിമുട്ട് തന്നെയായിരിക്കും എന്നും ജസ്റ്റിസ് സി. വി. കാർത്തി കേയനും ജസ്റ്റിസ് കെ. രാജശേഖറും അടങ്ങുന്ന ബെഞ്ച് അഭിപ്രായപ്പെട്ടു.
ഭാര്യക്ക് മറ്റൊരാളുമായി അവിഹിത ബന്ധം ഉണ്ട് എന്ന് കാണിച്ച് ഭർത്താവ് നൽകിയ വിവാഹ മോചന ഹർജി അനുവദിച്ചു കൊണ്ടാണ് ഹൈക്കോടതി നിരീക്ഷണം.
അവിഹിത ബന്ധത്തിന് തെളിവില്ല എന്നു പറഞ്ഞ് കുടുംബ കോടതി ഈ കേസ് നേരത്തേ തള്ളിയിരുന്നു. അതിനെതിരേ ഭർത്താവ് നൽകിയ അപ്പീലിലാണ് ഹൈക്കോടതിയുടെ അനുകൂല വിധി.
ജോലി ആവശ്യാർത്ഥം പലപ്പോഴും ഭർത്താവിന് വീട്ടിൽ നിന്ന് മാറി നിൽക്കേണ്ടി വരാറുണ്ട്. ഈ സമയത്ത് ഭാര്യ മറ്റൊരാളുമായി അടുപ്പത്തിൽ ആയി എന്നാണു പരാതി. പലയിടത്തു വെച്ചും ഭാര്യയെയും ആൺ സുഹൃത്തിനെയും പലരും കണ്ടതിന് ഭർത്താവ് തെളിവ് ഹാജരാക്കിയിരുന്നു.
തന്റെ ഭർത്താവിന് ഹർജിയിൽപ്പറയുന്ന സ്ത്രീ യുമായി അവിഹിത ബന്ധമുണ്ട് എന്ന് കാണിച്ച് ആൺ സുഹൃത്തിന്റെ ഭാര്യ പോലീസിൽ പരാതി നൽകിയതിന്റെ രേഖയും ഹാജരാക്കി. എന്നാൽ, ഹർജിക്കാരന്റെ ഭാര്യയും മറ്റൊരാളും തമ്മിൽ ലൈംഗിക ബന്ധം ഉണ്ട് എന്നതിന് ഈ തെളിവു മാത്രം പോരാ എന്നായിരുന്നു കുടുംബ കോടതിയുടെ അഭിപ്രായം.
രഹസ്യ ബന്ധങ്ങൾക്ക് തെളിവ് ഹാജരാക്കുന്നത് തീർത്തും ദുഷ്കരം ആണെന്നത് കൊണ്ട് സാഹചര്യ തെളിവുകളെ ആശ്രയിക്കേണ്ടി വരും. ഇവിടെ, ഭർത്താവ് ഹാജരാക്കിയ സാഹചര്യത്തെളിവുകളുടെ അടിസ്ഥാനത്തിൽ വിവാഹ മോചനം അനുവദിക്കാം എന്നും മദ്രാസ് ഹൈക്കോടതി വ്യക്തമാക്കി. HC-Verdict
അബുദാബി : ആഗോള മാധ്യമം ദി വാഷിംഗ്ടൺ പോസ്റ്റിന്റെ ആർട്ടിഫിഷ്യൽ ഇന്റലിജൻസ് ആൻഡ് ടെക്നോളജി കൗൺസിലിലേക്ക് ലുലു ഫിനാൻഷ്യൽ ഹോൾഡിംഗ്സ് എം. ഡി അദീബ് അഹമ്മദിനെ തെരഞ്ഞെടുത്തു.
നിർമിത ബുദ്ധി സാങ്കേതിക വിദ്യ (എ. ഐ.), ഡിജിറ്റൽ പരിവർത്തനം എന്നിവയിലൂടെ ആഗോള നയ രൂപ വത്കരണത്തിനും വ്യവസായ നവീകരണത്തിനും വേണ്ടി പ്രവർത്തിക്കുന്നവരുടെ കൂട്ടായ്മയാണിത്. പ്രമുഖ ബിസിനസ് മേധാവികളും സാങ്കേതിക വിദഗ്ധരുമാണ് ഈ കൗൺസിലിലെ അംഗങ്ങൾ.
ഗൾഫ് മേഖലയിൽ നിന്ന് ഈ കൗൺസിലിലേക്ക് തെരഞ്ഞെടുക്കപ്പെടുന്ന ആദ്യ ബിസിനസ്സ് പ്രമുഖരിൽ ഒരാളാണ് അദീബ് അഹമ്മദ്.
എ. ഐ. രംഗത്ത് അതിവേഗം മുന്നേറുന്ന മധ്യ പൂർവ്വ ദേശ മേഖലയിൽ നിന്നുള്ള അനുഭവങ്ങൾ ആഗോള തലത്തിൽ പങ്കു വെക്കാൻ സാധിക്കുന്നതിൽ ഏറെ സന്തോഷമുണ്ട് എന്നും അദീബ് അഹമ്മദ് പറഞ്ഞു.
അദ്ദേഹത്തിൻ്റെ നേതൃത്വത്തിൽ ലുലു ഫിനാൻഷ്യൽ ഹോൾഡിംഗ്സ് ജി. സി. സി., ഏഷ്യാ പസഫിക് മേഖലകളിലും ഇന്ത്യൻ ഉപ ഭൂഖണ്ഡത്തിലും ഡിജിറ്റൽ സാമ്പത്തിക സേവന രംഗത്ത് വലിയ വളർച്ചയാണ് നേടിയിട്ടുള്ളത്
ദുബായ് : ഡ്രൈവർമാർക്ക് വീണ്ടും ദുബായ് പോലീസിൻറെ മുന്നറിയിപ്പ്. അശ്രദ്ധമായും അപകടകരമായും ഉള്ള ഡ്രൈവിംഗ്, തിരക്കേറിയ റോഡിൽ വേഗതയിൽ ഓടിക്കൊണ്ടിരിക്കെ പെട്ടെന്ന് വാഹനം വെട്ടിച്ചു മാറ്റൽ, വാഹനങ്ങൾ തമ്മിൽ നിശ്ചിത അകലം പാലിക്കാതിരിക്കൽ, റോഡ് ഷോൾഡറിലൂടെ അശ്രദ്ധമായി വാഹനം ഓടിക്കുക-ഓവർ ടേക്കു ചെയ്യുക എന്നിവ നിയമ വിരുദ്ധമാണ്. ഇത് റോഡിലുള്ള മറ്റു യാത്രക്കാരെയും അപകടത്തിൽ പെടുത്തും.
ഇത്തരത്തിൽ അശ്രദ്ധമായും അപകടകരമായും വാഹനം ഓടിച്ചതിന് 2023 ലെ ഡിക്രി നമ്പർ (30) പ്രകാരം ഒരു ഡ്രൈവർക്ക് എതിരെ നിയമ സടപടി സ്വീകരിച്ച് വാഹനം കണ്ടു കെട്ടി. മാത്രമല്ല വാഹനം വിടുതൽ ചെയ്യാൻ 50,000 ദിർഹം പിഴയും ചുമത്തി എന്ന് ദുബായ് പോലീസ് സാമൂഹിക മാധ്യമ ങ്ങളിൽ പങ്കു വെച്ച വീഡിയോയിൽ പറയുന്നു.
ആംബുലൻസുകൾ, സിവിൽ ഡിഫൻസ്-പോലീസ്, മറ്റു അടിയന്തര വാഹനങ്ങൾ എന്നിവക്ക് മാത്രം പോകാൻ അനുമതിയുള്ള റോഡ് ഷോൾഡറിലൂടെയുള്ള ഓവർ ടേക്കിംഗ് വലിയ നിയമ ലംഘനമാണ് എന്നും പോലീസ് ഓർമ്മിപ്പിക്കുന്നു.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
