ചാവക്കാട് മന്നലംകുന്ന് പരേതനായ കടവില്‍ മോയ്തുട്ടി യുടെ ഭാര്യ ഖദീജ ഹജ്ജുമ്മ (85), ഇന്ന് (ശനിയാഴ്ച ) രാവിലെ മരണപ്പെട്ടു. ഖബറടക്കം മന്നലാംകുന്ന് ജുമാ മസ്ജിദ് ഖബര്‍സ്ഥാനില്‍ ഇന്ന് വൈകിട്ട് നാല് മണിക്ക് നടക്കും. ഷാര്‍ജയിലുള്ള അലി ഹാജി, മലേഷ്യ യിലുള്ള മുഹമ്മദ് കുട്ടി, അബ്ദു ഹാജി, കുഞ്ഞി മുഹമ്മദ് എന്നിവര്‍ മക്കളും, അബുദാബിയില്‍ ജോലി ചെയ്യുന്ന റഫീഖ് കടവില്‍ , റഷീദ് കടവില്‍ എന്നിവര്‍ പേരക്കുട്ടികളുമാണ് .
കൊല്ലം ചാത്തന്നൂര്‍ കമ്പിവിള വീട്ടില്‍ പരേതനായ മുഹമ്മദിന്റെ ഭാര്യ ആമിനാ ബീവി (80) ഇന്ന് (ബുധന്‍) രാവിലെ മരണപ്പെട്ടു. എട്ടു മക്കളും പേരമക്കളു മടങ്ങുന്ന നൂറോളം അംഗങ്ങള്‍ ഉള്ള കമ്പിവിള വീട്ടിലെ ഏറ്റവും തല മുതിര്‍ന്ന അംഗവും പഴയ തലമുറയിലെ അവസാനത്തെ കണ്ണി യുമാണ് ആമിനാ ബീവി. ഇന്ന് (ബുധന്‍) അസര്‍ നിസ്കാരാനന്തരം, കൊട്ടിയം കൊട്ടുംപുറം പള്ളി ഖബര്‍ സ്ഥാനില് ഖബറടക്കം നടക്കും. അജ്മാനിലെ എം. ജെ. എസ്. മീഡിയാ യിലെ പ്രോഡക്ഷന്‍ കണ്ട്രോളര്‍ ഷെയ്നാസ് ചാത്തന്നൂര്‍, ഷിബു എന്നിവര്‍ പേര മക്കള്‍ ആണ്.
അബുദാബി: അബുദാബി റുവൈസില്‍ രണ്ടു പേര്‍ കുത്തേറ്റു മരിച്ചു. ചാവക്കാട് കടപ്പുറം കറുകമാട് സ്വദേശി അറക്കല്‍ മുഹമ്മദ് മോന്‍ 47, വെങ്കിടങ്ങ് മേച്ചേരിപ്പടി സ്വദേശി ഹംസ 55 എന്നിവര്‍ ആണ് മരണപ്പെട്ടത്. ഒരേ മുറിയില്‍ താമസിക്കുന്ന ഇവരുടെ മൃതദേഹം വ്യാഴാഴ്ച വൈകീട്ടാണ്‌ കണ്ടെത്തിയത്‌. 30 വര്‍ഷമായി ഹംസ റുവൈസില്‍ പച്ചക്കറി ക്കട നടത്തി വരികയാണ്‌. മുഹമ്മദ് മോന്‍ റുവൈസില്‍ എത്തിയത്‌ നാലു മാസം മുമ്പാണ്‌. കട തുറക്കാത്തതു കണ്ടപ്പോള്‍ പാകിസ്‌താനിയായ സുഹൃത്ത്‌ താമസ സ്ഥലത്ത്‌ പോയി നോക്കിയെന്നും അപ്പോഴാണ്‌ ഇരുവരും മുറിയില്‍ രക്തത്തില്‍ കുളിച്ച നിലയില്‍ കിടക്കുന്നത്‌ കണ്ടതെന്നുമാണ്‌ വിവരം. മൃതദേഹങ്ങള്‍ റുവൈസിലെ ആസ്‌പത്രിയില്‍ മോര്‍ച്ചറിയില്‍ സൂക്ഷിച്ചിരിക്കുകയാണ്‌. ജുമേരിയയാണ്‌ മുഹമ്മദ് മോന്റെ ഭാര്യ. മക്കള്‍: ഫഹദ്‌, ഫര്‍ഹാന്‍, ഹര്‍ഷാദ്‌, ഹസ്‌ന. ഷൈലജയാണ്‌ ഹംസയുടെ ഭാര്യ. മക്കള്‍: മുബാറക്ക്‌, ഹാഷിം, ഖലീല്‍, ഹബീബ്‌.
പാലക്കാട് എന്‍. എസ്. എസ് എഞ്ചിനീയറിങ്ങ് കോളജ് പൂര്‍വ്വ വിദ്യാര്‍ത്ഥിയായ മൊഹമ്മദ് ഹാഫിസ് അന്തരിച്ചു. ഇദ്ദേഹത്തിന്റെ അകാല ചരമത്തില്‍ പാലക്കാട് എന്‍. എസ്. എസ്. എഞ്ചിനീയറിങ്ങ് കോളജിലെ പൂര്‍വ വിദ്യാര്‍ത്ഥികളുടെ ആഗോള സംഘടനയായ ദര്‍ശന യും എന്‍. എസ്. എസ്. കോളജ് ആലുംനിയും അനുശോചനം അറിയിച്ചു. പാലക്കാടു സ്വന്തമായി ഒരു സ്റ്റീല്‍ റോളിങ്ങ് മില്‍ നടത്തുകയായിരുന്നു ഹാഫിസ്. മലപ്പുറം ജില്ലയിലെ തിരൂര്‍ പൂക്കയില്‍ സ്വദേശിയായിരുന്നു.
05 April 2009
നാണു കോഴിക്കോട് തിരുവള്ളൂര്‍ നിടുമ്പമണ്ണം സ്വദേശി നാണു ബഹ്റിനില്‍ നിര്യാതനായി. ഭാര്യയും മകളുമുണ്ട്. 17 വര്‍ഷമായി ബഹ്റിനില്‍ ജോലി ചെയ്യുന്നു.
|
രാജന്‍ ബ്രോസ് ബഹ്റിനിലെ പ്രശസ്ത നാടക നടനും മേക്കപ്പ് മാനുമായ രാജന്‍ ബ്രോസ് അന്തരിച്ചു. വൃക്ക രോഗത്തെ തുടര്‍ന്ന് ചികിത്സയിലായിരുന്നു. ഭാര്യയും മൂന്ന് കൂട്ടികളുമുണ്ട്.
|
ചാവക്കാട് മണത്തല സ്വദേശിയും ജുമാഅത് പള്ളി കമ്മിറ്റി അംഗവുമായ കെ. വി. കുഞ്ഞു മൊയ്തുണ്ണി (70) നിര്യാതനായി. ചൊവ്വാഴ്ച രാവിലെ തൃശ്ശൂര്‍ അശ്വനി ആശുപത്രിയില്‍ ആയിരുന്നു അന്ത്യം. ദീര്‍ഘ കാലം ഖത്തറില്‍ അബ്ദുല്ലാ ബിന്‍ താനി സ്ട്രീറ്റിലെ സിറ്റി കോള്‍ഡ് സ്റ്റോര്‍ എന്ന സ്ഥാപനം നടത്തിയിരുന്നു.
ഈ പേജ് പങ്ക് വെയ്ക്കാം 
0 Comments:
Post a Comment
Links to this post:
Create a Link
« ആദ്യ പേജിലേക്ക്