06 November 2008

വേണം ഒരു ദളിത് ആൾദൈവം


ഒബാമയുടെ വിജയം കറുത്ത വർണവെറിയുടെ വിജയമാണെന്ന് ഒരു അനോനി കമന്റിട്ടിരിക്കുന്നു. എങ്കിൽ നന്നായിപ്പോയി. വർഷങ്ങൾ നീണ്ടു നിന്ന വൈറ്റ് റേസിസത്തത്തിനു പകരം ചിലപ്പോൾ വർഷങ്ങൾ നീണ്ടു നിൽക്കുന്ന ബ്ലാക്ക് റേസിസം വരും. സഹിച്ചേ പറ്റു. ഇന്ത്യയിലൊക്കെ റിവേഴ്സ് അയിത്തം വന്നെന്നും വരും. എന്താ പേടിയുണ്ടോ? അനീതിയെ അനീതികൊണ്ടു മാത്രമേ ഇല്ലാതാക്കാൻ പറ്റൂ. അതാണ് നീതി.അരയ സമുദായത്തിൽ ജനിച്ച അമൃതാനന്ദമയിയുടെ കാലു കഴുകിയ വെള്ളം നായിമ്മാരും മേനോന്മാരും വർമമാരും നമ്പൂതിരിമാരും വാ‍ര്യമ്മാരും ഏറാടിമാരും കുടിക്കുമ്പോൾ അതിലൊരു കൾച്ചറൽ നെമസിസുണ്ട്. അരയ സമുദായം ദളിതില്‍പ്പെടുമോ? എനിക്കറിയില്ല. പെടില്ലെങ്കിൽ ദളിത് സമുദായത്തിൽ നിന്ന് ഒരു ആൾദൈവം ഉണ്ടായിവരട്ടെ.
വിവേകാനന്ദനും കെ. ആർ. നാരായണനും ജാനുവും അരുന്ധതിയും ദളിതെഴുത്തുകാരും പെണ്ണെഴുത്തുകാരും എല്ലാങ്കൂടി ഉണ്ടാക്കിയതിനേക്കാൾ വലിയ വിപ്ലവം ഉണ്ടാക്കി സുധാമണി aka അമൃതാനന്ദമയി.ഇക്കാര്യത്തിൽ സക്കറിയയുടെ വെഷമം ന്യായീകരിക്കാവുന്നതേയുള്ളു. അമ്മ എന്ന വാക്ക് ദുരുപയോഗം ചെയ്യുന്നതിൽ കറിയാച്ചൻ രോഷം കൊള്ളുന്നു. മാതാവേ, സിസ്റ്റർ എന്നീ വിളികളോ? കുഷ്ഠരോഗികളെ കെട്ടിപ്പിടുത്തം, ആശുപത്രി-സ്ക്കൂൾ-കോളേജ് കച്ചവടം എന്നിവ മദർ തെരേസയ്കും കാത്തോലിക്കാ സഭയ്ക്കും മാത്രമേ പറഞ്ഞിട്ടുള്ളു എന്നാണ് ധ്വനി.അമൃതാനന്ദമയിയെ മദർ തെരേസയോട് ഉപമിച്ചതിൽ പ്രതിഷേധിച്ചയാളാണ് സഖാവ് കെഇഎൻ. അമൃതാനന്ദമയി മഠത്തിന്റെ പണവരവിന്റെ സ്രോതസ്സുകളെപ്പറ്റി അന്വേഷിക്കണമെന്നും സഖാവ് ആവശ്യപ്പെട്ടിരുന്നു. പൊന്നുസഖാവേ, ഗ്രാംഷിയേയും ചുള്ളിക്കാടിനേയും മാത്രം വായിച്ചാല്‍പ്പോരാ, ദേ ഇവിടെയുങ്കൂടി ഒന്ന് ഞെക്കിനോക്ക്.വ്യക്തിപരമായി ഞാൻ ഒരു ആൾദൈവത്തിലും വിശ്വസിക്കുന്നില്ല. എങ്കിലും ഇന്ത്യയ്ക്കും കേരളത്തിനുമൊക്കെ ഒരു അഞ്ചുപത്ത് ദളിത് ആൾദൈവങ്ങളെ അഫോഡ് ചെയ്യാനുള്ള അർഹതയൊക്കെ ഉണ്ടെന്ന് വിശ്വസിക്കുന്നു.അനീതിയെ അനീതികൊണ്ടു മാത്രമേ ഇല്ലാതാക്കാൻ പറ്റൂ. അതാണ് നീതി.എടുക്കാനുണ്ടോ യാങ്കിച്ചായാ ഒരു കറമ്പൻ ക്രൈസ്റ്റിനെ?

2 അഭിപ്രായങ്ങള്‍ (+/-)
Links to this post

2 Comments:

അനീതികൊണ്ട് അനീതിയെ ആര്‍, എവിടെയാണ് ഇല്ലാതാക്കിയിട്ടുള്ളത് ?ഇന്ത്യയില്‍ റിവേഴ്സ് അയിത്തം എന്നു വരുമെന്നാണ് താങ്കള്‍ കണക്കു കൂട്ടുന്നത്?ലക്ഷണം കണ്ടിട്ട്, ഉന്മൂലനം ചെയ്തെന്നു
ശാസ്ത്രലോകം വിധിയെഴുതിയ മലേറിയയും ക്ഷയരോഗവും പതിന്‍ മടങ്ങ് ശക്തിയോടെ തിരിച്ചു വന്നതു
പോലെ, പഴയ രീതിയില്‍ തന്നെ അയിത്തവും അനാചാരവും മടങ്ങി വരുമെന്നാണ് തോന്നുന്നത്.
വൈക്കം സത്യഗ്രഹത്തിന് പിന്തുണയും സഹായവും നല്‍കിയ മന്ദത്തു പത്മനാഭന്‍റെ സംഘടന
ക്ഷേത്രാചാരങ്ങള്‍ പുന:സ്ഥാപിക്കാന്‍ വാദിക്കുന്നു. ബ്രാഹ്മണ്യത്തെ പുച്ഛിച്ച് സ്വന്തം ശിവനെ പ്രതിഷ്ഠിച്ച് പൂജിച്ച ശ്രീനാരായണന്‍ സ്ഥാപിച്ച മറ്റു ക്ഷേത്രങ്ങളില്‍ ബ്രാഹ്മണ പൂജാരിമാരെ പൂജയ്ക്ക്
നിയോഗിക്കുന്നു. എന്നിട്ടൂം ഇവിടെ റിവേഴ്സ് അയിത്തം വരുമെന്നു കട്ടായം പറയുന്നത് വെറും മനോരാജ്യം കാണലാണ്. അരയത്തിപ്പെണ്ണിനെ ആള്‍ദൈവമായി മുന്തിയ ജാതിക്കാര്‍ കൊണ്ടാടിയാല്‍ ഇവിടുത്തെ ദളിതന്‍ രക്ഷപ്പെടുമോ?അരയര്‍ ദളിതരല്ല പിന്നോക്കരാണെന്ന കാര്യം
വേറെ.പ്രജ്ഞാ സിങ്ങിനെയും ദയാനന്ദ പാണ്ഡയെയും കൊണ്ടുനടക്കുന്നരുടെ ഒരു കറവപ്പശു മാത്രമാണ് അമൃതാനന്ദമയി.കള്ളക്കടത്തും കള്ളനോട്ടടിയും ആയുധശേഖരണവും അനാശാസ്യ പ്രവര്‍ത്തനവും നടത്താന്‍ തമ്പ്രാക്കന്മാര്‍ കണ്ടെത്തിയ നല്ല മറയാണവര്‍. താങ്കള്‍ പറഞ്ഞിടത്തൊക്കെ ഞെക്കി നോക്കിയിട്ടും മദര്‍ തെരേസ അമൃതാനന്ദമയി യെ പ്പോലെയുള്ള ഒരു
സാമൂഹിക വിപത്തയി തോന്നിയില്ല.സ്വന്തം സമുദായത്തില്‍ പെട്ട പാവങ്ങളെയും രക്തബന്ധുക്കളെയും കൊല്ലിച്ച ചരിത്രമൊന്നും മദര്‍ തെരേസയുടെ പേരല് ആരു ആരോപിച്ചു കണ്ടില്ല.മദര്‍ തെരേസയെ അപവദിച്ച് പുസ്തകം രചിക്കാം അഭിമുഖം നടത്താം .പക്ഷേ വള്ളിക്കാവിലെ ദൈവത്തിനെ വിമര്‍ശിക്കാന്‍ പാടില്ല.അവരുടെ കള്ളത്തരങ്ങള്‍ തുറന്നു കാട്ടിയ
പട്ടത്താനം ശ്രീനിയെ അവരുടെ ഗുണ്ടകള്‍ വേട്ടയാടുന്നു.അവരുടെ വരുമാനത്തിന്‍റെ ഉറവിടം
വെളിപ്പെടുത്തണമെന്നു പറഞ്ഞവരുടെ വീടാക്രമിക്കാന്‍ സംഘപരിവാരങ്ങള്‍ ഒരുങ്ങുന്നു.മാറാട് കലാപത്തില്‍ ഒരു കക്ഷിയായിരുന്ന അരയ സമാജക്കാര്‍ക്ക് ഇവര്‍ ധനസഹായം ചെയ്തില്ലെന്നു
വിശ്വസിക്കാമോ?

അഞ്ചുപത്തല്ല,ഏതാണ്ട് ഇരുപതിനടുത്ത് ആള്‍ദൈവങ്ങളെ (അതില്‍ പാതിയും ദളിത്,പിന്നോക്കങ്ങളായിരുന്നു)അടുത്ത കാലത്തു കണ്ടുകിട്ടിയിരുന്നല്ലോ! എന്താ ആരും താങ്ങി നിര്‍ത്താഞ്ഞത്?

പിന്നെ; ഒബാമ പൂര്‍ണ്ണമായും കറുമ്പനല്ല.കുഞ്ചന്‍ നമ്പ്യാരെ ക്വോട്ടിയാല്‍ "ഇരു ജാതിക്കു ഗുണം കൂടും" അതു കൊണ്ട് അത്ര് വലുതായിട്ട് കുളിരണ്ടാ.

-ദത്തന്‍

November 17, 2008 11:58 PM  

dathan, i second ur comments. good job!

January 23, 2009 12:33 PM  

Post a Comment

Links to this post:

« ആദ്യ പേജിലേക്ക്




രാംമോഹന്‍ പാലിയത്ത്
eMail




ആര്‍ക്കൈവ്സ്





ePathram Pacha
ePathram Magazine

ബുക്ക് റിപബ്ലിക് - e പത്രം പിന്തുണക്കുന്ന വെബ് സൈറ്റ്
dubaieasy - e പത്രം പിന്തുണക്കുന്ന വെബ് സൈറ്റ്

Click here to download Malayalam fonts
Click here to download Malayalam fonts



സ്വകാര്യതാ നയം | സംഘടനാ വിവരങ്ങള്‍ | പരസ്യ സഹായി | പത്രാധിപര്‍

© e പത്രം 2010

വാര്‍ത്തകള്‍

പ്രധാന വാര്‍ത്തകള്‍
പ്രാദേശിക വാര്‍ത്തകള്‍
സിറ്റിസണ്‍ ജേണലിസം
വിനോദം, സിനിമ
ബിസിനസ്സ് വാര്‍ത്തകള്‍

News in English

 

കലാ സാഹിത്യം

ലേഖനങ്ങള്‍
കവിതകള്‍
കഥകള്‍
അനുഭവങ്ങള്‍

 

മഞ്ഞ (മാഗസിന്‍)

കവിതകള്‍
ചിത്രകല
അഭിമുഖം
കഥകള്‍
കുറിപ്പുകള്‍
മരമെഴുതുന്നത്

കോളംസ്

 

പച്ച (പരിസ്ഥിതി)

മറ്റ് പംക്തികള്‍

ചരമം
ഹെല്പ് ഡെസ്ക്
ബൂലോഗം
കാര്‍ട്ടൂണ്‍
വെബ്ബന്നൂരില്‍ കണ്ടത്
വായനക്കാര്‍ പറഞ്ഞത്