യു.എ.ഇ. യിലെ സ്കൂള് വിദ്യാര്ഥികള്ക്കായി “കല” അബുദാബി നടത്തുന്ന “നിറക്കൂട്ട്” എന്ന ചിത്രകലാ ഉത്സവം ജൂലായ് 11ന് അബുദാബി മലയാളി സമാജത്തില് നടക്കും. ഉത്സവത്തിന്റെ ഭാഗമായി നടക്കുന്ന ചിത്രകലാ മത്സരത്തില് സീനിയര്, ജൂനിയര്, സബ് ജൂനിയര് വിഭാഗങ്ങളിലാണ് മത്സരം നടത്തുന്നത്.
6 മുതല് 9 വയസ്സ് വരെ സബ് ജൂനിയര് വിഭാഗവും 9 മുതല് 12 വയസ്സു വരെ ജൂനിയര് വിഭാഗവും 12 മുതല് 17 വയസ്സ് വരെ സീനിയര് വിഭാഗവും ആയിട്ടാണ് മത്സരം ക്രമീകരിച്ചിട്ടുള്ളത്. സബ് ജൂനിയര്, ജൂനിയര് വിഭാഗങ്ങള്ക്ക് വാട്ടര് കളറിലും, സീനിയര് വിഭാഗത്തില് പെന്സില് സ്കെച്ചിലുമാണ് ചിത്രങ്ങള് വരയ്ക്കേണ്ടത്. ജൂലായ് 11ന് വെള്ളിയാഴ്ച രാവിലെ പത്തു മുതല് അബുദാബി മലയാളി സമാജത്തിലാണ് മത്സരം നടക്കുക. ഒന്നര മണിക്കൂറാണ് മത്സര സമയം. ചിത്ര രചനയ്ക്കുള്ള വിഷയം മത്സര സമയത്ത് നല്കും.
ഓരോ വിഭാഗത്തിലെയും ഒന്നാം സ്ഥാനത്തിന് സ്വര്ണ മെഡലും സര്ട്ടിഫിക്കറ്റും രണ്ടാം സ്ഥാനത്തിന് വെള്ളി മെഡലും സര്ട്ടിഫിക്കറ്റും മൂന്നാം സ്ഥാനത്തിന് വെങ്കല മെഡലും സര്ട്ടിഫിക്കറ്റുമാണ് സമ്മാനം. അപേക്ഷാ ഫോറങ്ങള്ക്കും കൂടുതല് വിവരങ്ങള്ക്കും 050-2986326, 050-5415472, 050-6154020 എന്നീ നമ്പറുകളില് ബന്ധപ്പെടണം. പൂരിപ്പിച്ച അപേക്ഷാ ഫോറം ജൂലായ് 8നു മുമ്പായി അബുദാബി മലയാളി സമാജത്തിലോ kalauae@gmail.com എന്ന ഇമെയില് വിലാസത്തിലോ അയയ്ക്കണമെന്ന് “കല” ജനറല് സെക്രട്ടറി പി.പി. ദാമോദരന് അറിയിച്ചു.
ഈ പേജ് പങ്ക് വെയ്ക്കാം 
1 Comments:
Best Wishes...!!!!!!!!!!!!!!
Post a Comment
Links to this post:
Create a Link
« ആദ്യ പേജിലേക്ക്