അലൈന്‍ സെന്‍റ് ജോര്‍ജ്ജ് യാക്കോബായ സുറിയാനി ഓര്‍ത്തഡോക്സ് പള്ളി യൂത്ത് അസോസിയേഷന്‍റെ ആഭിമുഖ്യത്തില്‍ രക്തദാന ക്യാമ്പ് നടത്തുന്നു. ഓഗസ്റ്റ് ഒന്നിന് രാവിലെ ഒന്‍പത് മുതല്‍ ദുബായ് അല്‍വാസല്‍ ആശുപത്രിയിലാണ് ക്യാമ്പ്. പങ്കടുക്കുവാന്‍ ആഗ്രഹിക്കുന്നവര്‍ 050 7699315 എന്ന നമ്പറില്‍ വിളിക്കണം.

മാര്‍ത്തോമ്മാ സഭയുടെ പരമാധികാര സമിതി ആയ പ്രതിനിധി മണ്ഡലത്തിലേയ്ക്ക് ഗള്‍ഫ് മേഖലയില്‍ നിന്ന് ഡോ. ജോസഫ് മാര്‍ത്തോമ്മാ മെത്രാപ്പോലീത്താ നോമിനേറ്റ് ചെയ്ത ശ്രീ. ലാലു തോമസ്. മാര്‍ത്തോമ്മാ സഭാ കൌണ്‍സില്‍ മെമ്പര്‍, കുവൈറ്റ് സെന്റ് തോമസ് ഇടവക പ്രഥമ വൈസ് പ്രസിഡന്റ്, കുവൈറ്റ് മാര്‍ത്തോമ്മാ ഇടവക സെക്രട്ടറി, മണ്ഡലാംഗം, അസംബ്ലി അംഗം, യുവജന സഖ്യം വൈസ് പ്രസിഡന്റ്, ഗള്‍ഫ് യൂത്ത് കോണ്‍ഫ്രന്‍സ് കണ്‍വീനര്‍, സംയുക്ത നവതി ആഘോഷ കമ്മറ്റി ജനറല്‍ കണ്‍വീനര്‍ തുടങ്ങിയ നിലകളില്‍ പ്രവര്‍ത്തിച്ചിട്ടുണ്ട്. ലോകം എമ്പാടും നിന്നും ഉള്ള മാര്‍ത്തോമ്മാക്കാരില്‍ നിന്നും 27 ആളുകളേയാണ് മാര്‍ത്തോമ്മാ മെത്രാപ്പോലീത്താ ഇപ്രാവശ്യം മണ്ഡലത്തിലേക്ക് നോമിനേറ്റ് ചെയ്തത്.

മുസ്വഫ എസ്‌.വൈ.എസ്‌ ഇസ്‌ റാ അ മി അ റാജ്‌ ദിനാചരണത്തിന്റെ ഭാഗമായി ദു ആ സമ്മേളനവും സ്വലാത്തുത്താജ്‌ മജ്‌ ലിസും സംഘടിപ്പിച്ചു.അബ്‌ ദുല്‍ ഹമീദ്‌ ശര്‍ വാനി ഉദ്ബോധന പ്രഭാഷണം നടത്തി. അബ്‌ ദുല്‍ ഹമീദ്‌ സ അദി , അബൂബക്കര്‍ മുസ്ലിയാര്‍ ഓമച്ചപ്പുഴ, പി.പി. എ . കല്‍ത്തറ തുടങ്ങിയവര്‍ സംബന്ധിച്ചു.




ഫോട്ടോ: മുസ്വഫ എസ്‌.വൈ.എസ്‌ സംഘടിപ്പിച്ച ഇസ്‌ റാ അ മി അറാജ്‌ ദിനത്തോടനുബന്ധിച്ച്‌ ദു ആ സമ്മേളനത്തില്‍ അബ്‌ ദുല്‍ ഹമീദ്‌ ശര്‍വാനി പ്രസംഗിക്കുന്നു.




- ബഷീര്‍ വെള്ളറക്കാട്

ദുബായ് ശൈഖ് സായിദ് റോഡില്‍ വെള്ളിയാഴ്ച പുലര്‍ച്ചെ രണ്ട് മുതല്‍ രാവിലെ 10 വരെ ഗതാഗത നിയന്ത്രണമുണ്ടാകും. ദുബായില്‍ നിന്ന് അബുദാബിയിലേക്കുള്ള ദിശയില്‍ ഇന്‍റര്‍ ചേഞ്ച് 7 നും 9 നും ഇടയിലായിരിക്കും ഗതാഗത നിയന്ത്രണം. റോഡിന് കുറുകെ കാല്‍നടയാത്രക്കാര്‍ക്കുള്ള നടപ്പാത നിര്‍മ്മിക്കുന്നതിന്‍റെ ഭാഗമായാണ് ഇത്. ഈ സമയങ്ങളി‍ല്‍ ഗതാഗതം സമീപത്തെ റോഡുകളിലൂടെ തിരിച്ചുവിടും.

വാഴ്ത്തപ്പെട്ട സിസ്റ്റര്‍ അല്‍ ഫോണ്‍സാമയുടെ തിരുനാള്‍ കുവൈറ്റ് സീറോ മലബാര്‍ കള്‍ച്ചറല്‍ അസോസിയേഷന്‍ ബാല സംഗമ പ്രാര്‍ത്ഥനാ ദിനമായി ആചരിച്ചു. അബ്ബാസിയ റിഥം ഓഡിറ്റോറിയത്തില്‍ നടന്ന പരിപാടി ഫാ. തോമസ് വടക്കേടത്ത് ഉദ്ഘാടനം ചെയ്തു. ക്വിസ് മത്സരം, സ് നേഹ വിരുന്ന് തുടങ്ങിയ പരിപാടികളില്‍ നൂറു കണക്കിന് കുട്ടികള്‍ പങ്കെടുത്തു.

കേരള സോഷ്യല്‍ സെന്റര്‍ അബുദാബിയുടെ ആഭിമുഖ്യത്തില്‍ അമൃത ടി.വി. യിലെ സൂപ്പര്‍ സ്റ്റാര്‍ ഗ്ലോബല്‍ എന്ന റിയാലിറ്റി ഷോയിലെ മത്സരാര്‍ത്ഥികള്‍ പങ്കെടുക്കുന്ന സംഗീത പരിപാടി സൂപ്പര്‍ സ്റ്റാര്‍ ഗ്ലോബല്‍ നൈറ്റ് അബുദാബി നാഷണല്‍ തിയേറ്ററില്‍ നടക്കും. ഓഗസ്റ്റ് 1 ന് രാത്രി എട്ട് മണിക്കാണ് പരിപാടി തുടങ്ങുന്നത്. 30 ദിര്‍ഹം, 50 ദിര്‍ഹം, 100 ദിര്‍ഹം, 200 ദിര്‍ഹം എന്നിങ്ങനെ ആണ് ടിക്കറ്റ് നിരക്കുകള്‍. ഏഴ് മണിയ്ക്ക് പ്രവേശനം ആരംഭിയ്ക്കും എന്ന് സംഘാടകര്‍ അറിയിച്ചു.




യു.എ.ഇ.യിലെ പ്രേക്ഷകരുടെ പ്രിയ ഗായികയായ രശ്മി വിജയന്‍ പരിപാടിയില്‍ പങ്കെടുക്കുന്നുണ്ട്.

---

• രശ്മിയുടെ സ്റ്റേജ് ഷോ കൈരളി ടി വി യില്‍
• റേഡിയോ ഏഷ്യയുടെ ദുന്ദുഭി
  

---

ജിദ്ദയില്‍ ഇന്ത്യന്‍ കള്‍ച്ചറല്‍ കോണ്‍ഗ്രസ് മലപ്പുറം ജില്ലാ കമ്മിറ്റി സംഘടിപ്പിക്കുന്ന റിയാലിറ്റി ഷോ ജിദ്ദാ സ്റ്റാര്‍ 2008 ഫൈനലിലേക്ക് പ്രവേശിച്ചു. കഴിഞ്ഞ ദിവസം ഷറഫിയ ലക്കി ദര്‍ബാര്‍ ഓഡിറ്റോറിയത്തില്‍ നടന്ന സെമിഫൈനല്‍ മത്സരത്തില്‍ നിന്ന് അഞ്ച് പേരാണ് ഫൈനലിലേക്ക് തെരഞ്ഞെടുക്കപ്പെട്ടത്. രഹ്ന സലീം, ഷിഫാന, സ്വാതി കൃഷ്ണ, അന്‍വര്‍ സാദിഖ്, ബീമ ബഷീര്‍ എന്നിവരാണ് ഫൈനലില്‍ എത്തിയവര്‍. അടുത്ത വ്യാഴാഴ്ചയാണ് ഫൈനല്‍. മികച്ച ഗായകരെ കണ്ടെത്താന്‍ ജഡ്ജിംഗ് പാനലിന് പുറമേ പ്രേക്ഷകര്‍ക്കും വോട്ടിംഗിലൂടെ അവസരമുണ്ടാകുമെന്ന് സംഘാടകര്‍ അറിയിച്ചു.

മുസ്വഫ എസ്‌.വൈ.എസ്‌. കമീറ്റി മി അറാജ്‌ ദിനാചരണത്തിന്റെ ഭാഗമായി സംഘടിപ്പിക്കുന്ന ദു ആ സമ്മേളനം മുസ്വഫ ശ അബിയ പത്തില്‍ ഫാമിലി ഹോട്ടലിനു സമീപമുള്ള പള്ളിയില്‍ 29-07-2008 നു ഇശാ നിസ്കാര ശേഷം നടക്കുന്നതാണ്‌. പ്രമുഖ പണ്ഡിതര്‍ സംബന്ധിക്കുന്നതാണ്‌. വിശദ വിവരങ്ങള്‍ക്ക്‌ 02-5523491 / 055-9134144.


- ബഷീര്‍ വെള്ളറക്കാട്

ഇരിഞ്ഞാലക്കുട പ്രവാസി സംഘടന യു എ ഇ യുടെ വാര്‍ഷിക പൊതുയോഗം ദുബായ്‌ കരാമ ഹോട്ടലില്‍ വച്ചു നടന്നു. യോഗത്തില്‍ വെച്ച്‌ 2008-2009 വര്‍ഷത്തിലെ കമ്മിറ്റിയെ ഐക്യകണ്ഠേന തെരെഞ്ഞെടുത്തു. പ്രസിഡണ്ട്‌ ചക്കോ ജോര്‍ജ്‌, ജനറല്‍ സെക്രടറി സുനില്‍രാജ്‌ കെ., കണ്‍വീനര്‍ സുരേഷ്‌ മേനോന്‍, കലാസാഹിത്യ വിഭാഗം സെക്രടറി സദാശിവന്‍ അമ്പലമേട്‌, ട്രഷറര്‍ മധുസൂദനന്‍ പി ജി., വൈസ്‌. പ്രസിഡണ്ട്‌ ഹരിഹരന്‍ യു., ജോ. സെക്രട്ടറി സുരേഷ്‌ എ., തുടങ്ങിയവരെ ഭരണ നേതൃത്വം ഏല്‍പ്പിച്ചു.




ചടങ്ങില്‍ വച്ച്‌ ഇരിഞ്ഞാലക്കുടയിലെ വൃക്ക രോഗബാധിതനായ ശ്രീ. ജയിസന്‌ സഹായ ധനമായി പതിനയ്യായിരം രൂപ സ്വരൂപിച്ചു നല്‍കുകയുണ്ടായി. ഈ വര്‍ഷം നടത്താനു ദേശിക്കുന്ന കുട്ടികള്‍ക്കായുള്ള സമ്മര്‍ ചിത്രകലാ ക്യാമ്പിനെ കുറിച്ചൂം ഓണാഘോഷത്തെ ക്കുറിച്ചും തീരുമാനിക്കു ന്നതിനായ്‌ ആഗസ്റ്റ്‌ 8ന്‌ ഖിസൈസില്‍ വെച്ചു ഒരു യോഗം നടത്തുവന്‍ തീരുമാനമായി. കൂടുതല്‍ വിവരങ്ങള്‍ക്ക്‌ 050-4978520, 050-6288375 എന്നീ മൊബെയില്‍ നമ്പറിലൊ www.ijkpravasi.wordpress.com ബ്ലോഗിലോ ബന്ധപ്പെടേണ്ടതാണു.




കമ്മിറ്റി അംഗങ്ങള്‍




രാധകൃഷ്ണന്‍ കെ കെ
രമേഷ്‌ ചന്ദ്രന്‍
സതീഷ്‌ മേനോന്‍
സുരേഷ്‌ ബാബു
ബിജു ഭാസ്കര്‍
ജോസഫ്‌
കുരുവിള സി കെ
സെബാസ്റ്റ്യന്‍
ക്രിസ്റ്റഫര്‍ ചാക്കോ
വര്‍ഗ്ഗീസ്‌ കെ വി
വിന്‍സെന്റ്‌ പറമ്പി




ഓഡിറ്റര്‍
ജീവന്‍ സി എം




- സുനില്‍രാജ്‌ കെ. ജനറല്‍ സെക്രട്ടറി (050-4978520)

റാസല്‍ഖൈമയിലെ എ.ബി.എ സെന്‍റര്‍ ഫോര്‍ സ്പെഷ്യല്‍ നീഡ് ജീവകാരുണ്യ കലാസന്ധ്യ സംഘടിപ്പിച്ചു. റാക്ക് ഹോട്ടലില്‍ നടന്ന പരിപാടിയില്‍ ലക്ഷ്മി ഗോപാലസ്വാമി, ബിജു നാരായണന്‍, ജയരാജ് വാര്യര്‍, ബാല ഭാസ്ക്കര്‍ തുടങ്ങിയവര്‍ വിവിധ കലാപരിപാടികള്‍ അവതരിപ്പിച്ചു. എ.ബി.എ സെന്‍റര്‍ മാനേജിംഗ് ഡയറക്ടര്‍ മോഹന്‍ നായര്‍ പരിപാടി ഉദ്ഘാടനം ചെയ്തു.

കുവൈറ്റീയം എന്ന പേരില്‍ കുവൈറ്റിന്‍റെ സവിശേഷതകളും നിയമ നടപടിക്രമങ്ങളും അടങ്ങിയ മലയാളത്തിലുള്ള മാര്‍ഗരേഖ പുറത്തിറങ്ങി. കഴിഞ്ഞ ദിവസം നടന്ന ചടങ്ങിലായിരുന്നു പ്രകാശനം. ഇത്തരത്തില്‍ ഒരു മലയാള കൈപ്പുസ്തകം കുവൈറ്റില്‍ ആദ്യ സംരംഭമാണ്. അല്‍ യഖ്സ ലൈബ്രറിയാണ് പ്രസാധകര്‍. ഹംസ പയ്യന്നൂര്‍, ഇസ്മായില്‍ പയ്യോളി എന്നിവര്‍ കുവൈറ്റീയത്തിന് നേതൃത്വം നല്‍കി

മുസ്വഫ എസ്‌.വൈ.എസ്‌. കമ്മിറ്റി എല്ലാ തിങ്കളാഴ്ചകളിലും ന്യൂ മുസ്വഫ നാഷണല്‍ കാമ്പിനടുത്തുള്ള കാരവന്‍ ജുമാ മസ്‌ജിദില്‍ സംഘടിപ്പിക്കുന്ന സ്വലാത്തുന്നാരിയ മജ്ലിസിന്റെ രണ്ടാം വാര്‍ഷിക സംഗമം നാളെ ( 28/07/2008 ) തിങ്കളാഴ്ച ഇശാ നിസ്കാര ശേഷം നടക്കുന്നതാണ്‌. പ്രമുഖ പണ്ഡിതന്മാരും സാദാത്തീങ്ങളും പരിപാടിയില്‍ പങ്കെടുക്കുന്നതാണ്. വിശദ വിവരങ്ങള്‍ക്ക്‌ 02 5523491 / 055-9134144 എന്നീ നമ്പരുകളില്‍ ബന്ധപ്പെടുക.




- ബഷീര്‍ വെള്ളറക്കാട്

ജിദ്ദയില്‍ വിവിധ മേഖലകളില്‍ വ്യക്തിമുദ്ര പതിപ്പിച്ച പത്തു പേര്‍ക്ക് ഗള്‍ഫ് കെയര്‍ അവാര്‍ഡ് പ്രഖ്യാപിച്ചു. ഏഷ്യാനെറ്റ് പ്രതിനിധി ജലീല്‍ കണ്ണമംഗലം, കോണ്‍സുല്‍ കെ.കെ.വിജയന്‍, എ.ഫാറൂഖ്, സി.എം.അഹമ്മദ്, അഹ്മദ് കോയ, സിതാര, മായിന്‍കുട്ടി, മുസാഫിര്‍, മിര്‍സ ഷരീഫ്, രഹ്ന എന്നിവരാണ് അവാര്‍ഡിന് അര്‍ഹരായത്. ജിദ്ദയില്‍ കഴിഞ്ഞ ദിവസം നടന്ന ബിഗ് ബി ഷോയില്‍ വിനീത് ശ്രീനിവാസനാണ് അവാര്‍ഡ് പ്രഖ്യാപനം നടത്തിയത്. കഷണ്ടിക്കാര്‍ക്ക് മാത്രമായി ഗള്‍ഫ് കെയര്‍ ഹെയര്‍ ഫിക്സിംഗ് കഴിഞ്ഞ മാസം ജിദ്ദയില്‍ സംഘടിപ്പിച്ച പൊതു വിജ്ഞാന മത്സരത്തില്‍ മലപ്പുറം സ്വദേശി അബ്ദുസലാമിന് ഒന്നാം സമ്മാനം ലഭിച്ചു.

സൂര്യ സമ്മര്‍ ഫെസ്റ്റിവലിനോടനുബന്ധിച്ച് ജിദ്ദയില്‍ നര്‍മ്മ കൈരളി സംഘടിപ്പിച്ചു. സൂര്യാ കൃഷ്ണമൂര്‍ത്തിയുടെ നേതൃത്വത്തില്‍ കേരളത്തില്‍ നിന്നെത്തിയ കലാകാരന്‍മാര്‍ അവതരിപ്പിച്ച ആക്ഷേപഹാസ്യപരിപാടി ശ്രദ്ധേയമായി.